الموضوع: :: تجمع عيد الفطر بجدة , حياكم معنا ::

أبو فيصل .

حياك حبيبي , مكان التجمع الأولي أنا محتار فيه بين مكانين ....
1- الأوتو مول بطريق الملك بجدة .
2- آية مول بشارع الأمير سلطان بجدة .

و المسيرة و الله أنا لسى ما شفت الشباب وش يبون , هل يبونها على البحر و في طريق الملك أو في مكان ثاني ؟ .
لأني بأقترح إنها تكون في طريق الملك و منها ننزل على الممشى و من الممشى على البحر و على التحلية و إذا تبون تروحون أبحر و الله ما عندي مانع , أهم شي الفلة :d .

و أنا اخترت هالوقت لأنه وقت يكون فيه البحر مزحوم و الشوارع مليانة فالناس راح تعرف و تشوف إن هذي مسيرة لهوندا ;) .

و إذا على حكاية دوريات و شرطة , إحنا نمشي محترمين و بأدبنا و محد يقدر يكلمنا . يعني حتى لو جاء تفتيش , فبكل بساطة .....
أنا أعرفك ؟ يا خي يا مكثر الهوندات بجدة :d .
و أنا بأحط مخطط المسيرة على أساس ما يكون فيه أي تفتيش قدامنا .

تحياتي لك أبو فيصل

MeedO :
يا خي أنا و إنت حنحرك مع بعض لأن بيوتنا قريبة من بعض .
و إنشالله العدد يكون مثل جدة ريس واي و أتمنى يكون أكبر .

AcCoRd=2008 :
خلاص بسجل إسمك معنا و ما في أعذار .

It's Me :
خالد حبيبي , إنت لو تجي بأي شي حياك الله , و الله يعينك ....
بس حتى لو ما قدرت و الله بأمر عليك أسحبك من عند بيتكم زي أمس .

ابو سراج :
أنا بالعنية تكلمت بدري عشين كل واحد ينسق أمورو و يشوف وضعو .
ما أبغى أنزل موضوع متأخر يوم الإثنين مثلا و يقولون الشباب إنت ما تكلمت بدري و من هالكلام , فالأفضل أنزل الموضوع بدري عشين محد يكون معاه عذر .
و بالنسبة للتفاتيش في طريق الملك فهي بعد الساعة 9 المساء فما عندك مشاكل . أصلا ما في غير تفتيش واحد إللي عند دوار الكرة الأرضية بس و في طريق ثاني من ورى إذا تبون أبحر .

أهلين بالشباب مرة ثانية ....

Honda Boy :
حبيبي براء , اقتراحاتك في محلها و أنا لما كلمتك قبل أمس بخصوص آية مول و أكدت لك . لأن لو تجمعنا عند أوتومول فلازم نطلع على التفتيش إللي عند دوار الكرة الأرضية , فآية مول أحسن .
و على الموعد , الساعة 4.30 بس إنشالله الشباب ما يتأخروا و يسووا زي حق ريس واي :( .
شكراً براء على اقتراحاتك و هي محل تنفيذ .

ميدو مشاكل :
هلا بمؤيد , تعال بنصور سيارتك من بابك إنت و ما تشوف شر حبيبي :p .
و بالنسبة للأغراض , أبشرك جابها لا و أحسن من إللي عندنا , إنت تعال و راح تنبسط و نفس السعر ( جاب الإنتيك لونج ) .
بانتظارك يا غلاهم .

Zero Cold :
أكرم لو ما بتجي هذي المرة ترى بكرت أحمر . يا خي بعد الأوتومول سوينا 20 تجمع و ما شفناك .
و بياناتك أكيد موجودة و هي المرة بفتحة ;) .
و شكرا على تواجدك و مرورك على الموضوع .

شايف وساكت :
يا خي خليك زي و كلم أهلك قلهم الحذف و الإضافة و الجامعة و أعطيهم مصروفهم و تعال معنا :d .
يا خي ترى تجمعاتنا فلة .

بصبوص الشهري :
هذي هي الناس إللي تفهم و إللي تقدر تعب الواحد على الموضوع .
أنا قلت إللي يبغى يجي يكتب البيانات التالية :

الاسم : ( اسمك الحقيقي ) .
سيارتك و لونها و موديلها , مثلا : ( أكورد , أسود , 2008 ) .
رقم الجوال :

لكن محد يسمع الكلام .
حياك أخوي نواف معنا و شكرا على إرسال بياناتك .

^
^
شكرا على تعاونك يا براء في تنظيم التجمعات و إنشالله الشباب بيجوا و ما يتغيبوا , رغم إن عندي إحساس إنو راح تكون فيه جردة قوية :( .
بس إحنا نستنى و نشوف .

على العموم أنا أرسلت رسائل بالجوال للشباب إللي كانو معنا بالتجمع السابق و إنشالله بيجون .

باك للشباب :

A N M A R :
تعال , و نتشرف بمعرفتك .

ميدو مشاكل :
الحمد لله إنها وصلت . ( جات معها إنتيك ) :d .

HONDA BOY :
عاد يا براء إنت ما يبغالك رسالة , إنت تفصل و إحنا نلبس :o .
مو فكرة التجمع أصلا هي فكرتك ;) .

first :
هلا بسلطان و عساك دوم على القوة . و يشرفنا تواجد الـ V6 .

MeedO :
لا , راح تجي غصبا عليك إيشبو بكيفك , بأطلعك من القروب إذا ما جيت .
هو في شي حلو في التجمع و باين من دحين و إنت عارف إيش هوا :d .

so0oso0o2009 :
حيّاك و ألف مبروك على السيارة , الله يعطيك خيرها و يكفيك شرها .
بالنسبة للتجمع فهو في مواقف آية مول السفلية ( المظللة ) أول ما تدخل من المدخل الجنوبي ( جهة الفلل ) راح تحصلنا على اليمين و أنا راح أكون موجود و مشغل الأنوار :d .
لا تنسى الساعة 4.30 العصر .


بانتظاركم .....

و لأي استفسار هذا رقمي مرة ثانية
خالد 0555671379 .