:: اللمسات النهائية لتجمع Honda Group بجدة بمناسبة عيد الأضحى المبارك ::

**ACCORD 764** · 07-12-2008, 03:57 PM

بسم الله الرحمن الرحيم

السلام عليكم و رحمة الله و بركاته , و بعد .....

أخواني , أحب في البداية أهنيكم بحلول عيد الأضحى المبارك . كل عام و انتم بخير و أعاده الله علينا و عليكم و على الأمة الإسلامية باليُمن و المسرات .

أكيد و في البداية عندكم خبر بتجمع لـ قروب هوندا بجدة بمناسبة العيد و نزلت موضوع له قبل أسبوع و لقيت تجاوب حلو من الأعضاء الله يعطيهم العافية . الآن حاب أعطي تأكيد على هذا التجمع .

المكان و الموعد :
مركز أوتومول بجدة الساعة الـ 6.30 بعد صلاة المغرب مباشرة سوف يكون هناك تجمع لقروبات جدة البالغ عددها 12 قروب من مختلف أنواع السيارات و بينهم القروب الأقوى طبعا قروب هوندا ;) .
و سوف يكون في هذا الخميس الموافق الـ 13 من شهر ذي الحجة لعام 1429 هـ , و الذي يوافق رابع ايام العيد .

الخطة و التنفيذ :
طبعا الخطة موضوعة و منظمة و إنشالله تسير حسب المتوقع لكن التنفيذ علينا و عليكم , يعني ما نبغى أحد يتفلت و يمشي لحاله , لازم كلنا مع بعض , نخرج مع بعض من المخازن و ندخل مع بعض للـ أوتومول .

الوضع راح يكون كالتالي :
في البداية راح أتحرك للمخازن الكبرى الساعة 4.30 أو الساعة 5 العصر و راح أكون متواجد هناك أنتظر الشباب و أسجل الأسماء و أشوف مين جا و مين ما راح يجي .
راح ننتظركم إلى الساعة 6 المغرب بالتمام و إللي ما راح يلاقينا هناك يلحقنا على الأوتومول لأننا نبغى ناخذ مكان حلو و ملفت .
من المخازن الكبرى راح ننظم شكل المسيرة و كيف راح تكون و هذا حسب عدد السيارات الحاضرة هناك و إلى الآن ترى العدد كبير , نبغى ناخذ مكان واسع يكفينا .

و هذا مخطط توضيحي لمكان المخازن الكبرى بطريق الملك .

على العموم لما نتحرك للأوتومول نبغى نظام , يعني لحد يزيد عن السرعة المحدد لأول سيارة في المسيرة لأنها هي إللي راح تمسك لنا الخط . و راح أكون أنا آخر سيارة في المسيرة للتصوير ( يمكن أقدم عليكم شوي لأني أبغى أصور المسيرة كاملة ) .

و هذا مخطط للمسيرة .

في النهاية رايحين نوصل للـ أوتومول و هذا مخطط توضيحي لمكان الـ أوتومول بعد .

أتمنى التسجيل معنا في هالموضوع أو برسالة على الخاص مرفقة بالبيانات التالية :
الاسم :
نوع السيارة :
الموديل :
اللون :
رقم الجوال : سوف يستخدم لتذكيرك بموعد التجمع و حتى تكون مسجل لدينا في التجمعات القادمة .

أتمنى مشاركتكم معنا .

لأي استفسار اتصل على رقمي في آخر الموضوع .

تحياتي لكم .
أخوكم : خالد .
رقم الجوال : 0555671379 .

**MeedO** · 08-12-2008, 09:35 AM

بتفكر في ايه حبيبي وساكت بس ليه بكلمه في ثانيه تقولها....
كمل الباقي ياانمار هههههههههههههه
عموما انشالله يكون العدد مشرف

**A N M A R** · 08-12-2008, 12:59 PM

^_^

هههههههههه

يالله قداااااااااااااااااااااااااااااااااااااااااااااااا ااااااااااااااااااام

:d<<متحمس على التجمع

**momo** · 08-12-2008, 04:04 PM

الاسم :عبدالعزيز
نوع السيارة :اكورد
الموديل :2008
اللون :اسود
رقم الجوال :555459569

**ميدو مشاكل** · 08-12-2008, 08:40 PM

.
.
.
معآكم ,, الله لا يعوقنا بـ شر !!

تحت راية خالد ,, سمع وطاعة :d

**Zero Cold** · 09-12-2008, 02:55 PM

أنا معاكم إن شاء الله

**A N M A R** · 09-12-2008, 05:56 PM

اليوم ايه وبكرا ايه

:(

متى الخميس يجي

:(<<كله برائة طفولة

**O m a r** · 09-12-2008, 10:54 PM

ما شاء الله عليك يا خالد ،،
عيني عليـك بآرده الصراحه .. تنسيق ولمسات كلها ابداع ودقه !
الحقيقه أعجز عن التعبير وكنت اتمنى إني اكون في جده لكن الشكوى لله ..
وإن شاء الله بإنتظار تقريركم على أحرّ من الجمر ، تحياتي عمر

**ACCORD 764** · 10-12-2008, 01:06 AM

هلا بالشباب :
اليوم أتصل عليّا واحد من المشرفين على التجمع و من الرعاة لقروبات جدة , في مفاجأة لم تكن متوقعة . و راح يكون HONDA GROUP مشهور بها .

MeedO :
و الله أتمنى يكون العدد حلو و مشرف مثل الجمعات السابقة و أحسن كمان , بس ما أدري في عندي إحساس بجردة قوية جاية ماشية مليون في الطريق :( . على العموم إحنا سوينا إللي علينا و الباقي على الله .
غريبة ما كمل الأغنية ! و لا ؟ :d .

A N M A R :
و الله يا أنمار شكلي بأحصلك مرابط من اليوم إللي قبله , من قوة حماسك للتجمع .

momo :
شكرا على التسجيل و أتمنى تقضي أوقات حلوة معانا , جلساتنا و جمعاتنا راح تعجبك .
و أحلى شي إن لونك سيارتك أسود ;) <<<< مثل لون سيارتي .

ميدو مشاكل :
هلا بمؤيد , و الله أنا صرت المدير خلاص إذا كدا ها ؟ .
و الله القروب و التجمع كلها لنا كلنا , ما في مدير و لا في أي شي بيننا , هذا مدير قدام الناس إنو في قائد للقروب لكن بيننا إحنا كلنا زي بعض و أخوان . بس , إللي ما يسمع الكلام و إللي ما يتفق مع الباقيين , برااااااا .

Zero Cold :
أكرم , حياك حبيبي و منت جديد علينا و حضورك يشرفنا .

O m a r :
أخوي عمر , نتمنى و جودك و إن كان مو في هذا التجمع فالجاي اقوى و أحسن إنشالله .
و شكرا على ردك الجميل يالغالي :o .

**mesoo سيفيك** · 10-12-2008, 05:01 AM

صراحه حماس ان شاء الله الشباب كولهم يجو ونضرب على كل القروبات

الاسم: مصعب
السياره: سيفيك
الموديل: 2008
اللون : ازرق
الجوال : 0598091531
:d

**The Power 240** · 10-12-2008, 07:01 AM

ان شاء الله راح اكون معاكم في هذا التجمع اللي يعتبر بالنسبه لي اول تجمع احضره معاكم

الاسم / محمد
السيارة/ اكورد
الموديل /2005
اللون/ اسود سواد الليل<<ههههههههههه:d

**ACCORD 764** · 10-12-2008, 12:30 PM

^
^
يا شباب Mesoo سيفيك , The Power 240 .
الرجاء وضع ارقام جولاتكم .
التجمع غدا , لا يفوتكم , أنشالله نكون على قد اسم هوندا ;) .

اليوم إنشالله سوف أرسل رسائل للتذكير بالتجمع على جولاتكم .

تمنياتي لكم بالتوفيق .

**momo** · 10-12-2008, 03:15 PM

الرساله وصلت

بس بقولك التجمع ماراح اطول لاني احتمال امشي للرياض بعد صلاه المغرب على طول

وموعدنا بكرى ان شاء الله

**ACCORD 764** · 10-12-2008, 03:29 PM

^
وش عندك بالرياض ؟ راح تجلس معانا إلين نخلص , ترى السفر مو زين بالليل :p .
أعذار ما نبي .
أصلا في شي غريب بذا الإجازة , 5 من أصحابي راحوا للرياض بس كذا , يقالهم سياحة , و أهل الرياض اشوف إنهم مليانين بجدة !
إيش الموضوع , قد كدا الرياض فلة .

شكلو يبغالها طلعة , و لا كيف ياشباب .

**A N M A R** · 11-12-2008, 02:39 PM

اليوم الخميس

:d

مني مصدق اليوم هو الخميس

:d<<طاير من الفرحة طاير

**ADEL.R** · 11-12-2008, 06:33 PM

سلااااااام لأحلى شباب
حبيت أقلكم كان ودي أشارك معاكم
بس للأسف أنا من مكه وتعرفو كيف الوضع:(
شغل الحج والوححححححمه في مكه والزححححمه كمان في خط جده
بس يلا إن شالله المره الجايه

موفقييييييييييييييين

**ACCORD 764** · 12-12-2008, 01:44 AM

دوبني راجع البيت ....

تم التجمع و لله الحمد و حضر عدد جيد من الأعضاء و من الشباب من خارج المنتدى , و إللي ما حضر ترى بأقولها " راحت عليه بقوة " :p .
أنتظروا التقرير خلال اليومين الجاية بإذن الله , و راح تشوفوا كيف سووا شباب جدة في بقية القروبات ;) " إحنا أكثر ناس " :d .

شكراً لكل من حضر التجمع , و شكر خاص أيضا للشباب اللذين ساهموا في إنجاح التجمع و أذكر منهم :
أحمد , عبد الرحمن , هيثم , مؤيد , خالد , طارق , أنمار , أكرم , محمد و بقية الشباب الله يجزاهم خير و يعطيهم العافية :o . و العتب على إللي ما جا بس خير إنشالله .

الموضوع خلال اليومين الجاية بإذن الله .

**ADEL.R** · 12-12-2008, 04:42 AM

ننتظر التقرير بفارغ الصبر
وأعذروني مرررررررررررررررره ماقدرت أحضر
زي ماقتلكم مكه والزحمه وشغل الحج
يلا خيرها بغيرها

**ميدو مشاكل** · 12-12-2008, 01:14 PM

المشاركة الأصلية كتبت بواسطة ADEL.R

ننتظر التقرير بفارغ الصبر
وأعذروني مرررررررررررررررره ماقدرت أحضر
زي ماقتلكم مكه والزحمه وشغل الحج
يلا خيرها بغيرها

الجايات أكثر ان شاء الله ... ويسعدنا تواجدك معانا يا ريّس :d

عموما خذ ارقام خالد عندك ,,, اي وقت تنزل جدة ,, سيّر علينا ,,,, احنا نجتمع بشكل شبه يومي

وتشرفنا مرحبابك