:: تجمع شباب جدة ::

**ACCORD 764** · 14-02-2009, 01:20 PM

بسم الله الرحمن الرحيم

السلام عليكم و رحمة الله و بركاته , و بعد ...

أخواني , من زمان عنكم . و لكم وحشة و الله .
من زمان ما تجمعنا و من زمان ما طقيناها سواليف و مقاومات , من زمان على الآيس بلندد و من زمان على التحشير :d . و أشياء ثانية و جنان كثيير كنا نسويه .

و بمناسبة انتهاء الاختبارات و من باب السؤال و الاطمئنان على بعضنا قررنا أنا و الشباب إننا نسوي لكم تجمع بعد نهاية الاختبارات ;) .
هذا الخميس إنشالله 24/2/1430 هـ , الموافق 19/2/2009 م .

المكان :
التجمع إلى الآن أنا ما حددت مكانه , قلت أوتومول بس الشباب ما يبغوا , يقولوا راح نجلس مع نفسنا و ماراح نقابل أحد و لا أحد راح يشوفنا , قلنا آية مول بس ما لقيت تقبل للفكرة من البعض .

و أنا لما بأختار المكان بأحط في بالي 3 أشياء :
1- البعد عن الدوريات و عن التفاتيش و حتى لو في تفاتيش أنا مجهز طرق خلفية نقدر نفقع منها .
2- نحتاج مكان واسع عشان يتناسب مع العدد و مكان جيد للتصوير .
3- الحفر و المطبات , بأحاول أبعد عنها بقدر المستطاع لأن عندنا ناس تحب الأرض .

أعطونا آرائكم بخصوص المكان , و إللي عنده مكان محدد لا يبخل علينا . تبون الكورنيش أو أبحر ما عندي مانع , الممشى برضو ممتاز لكن الدوريات هناك دائما تمشي وراح نجيب لنفسنا شبهة . و دائما يغيروا مكان التفتيش بالممشى فماراح نقدر نحدد مكان وقوفنا .
فكرت في جدة ريس واي خصوصا إن يوم الخميس يوافق يوم الأوتوكروس هناك . لكنهم يتأخروا دائما و ما هم ملتزمين بمواعيدهم . و حتى فكرت كمان في خط الكباين لقيت إنو خيار سيء بسبب الحادث الشهير إللي صار هناك من كم سنة و صار هذاك الخط موضع شبهة , فأستبعدته .
التحلية و خصوصا الفتيحي راح يكون مكشوف للدوريات و غير كدا لو أتأخرنا راح يطير علينا المكان و يصير التجمع بايخ .
خليج سلمان , كيف ؟ و الله أشوف إنو مكان جيد و محد راح يضايقنا فيه و إذا على سالفة السيارات مو مشكلة نوقفها عند المسجد و ننزل بكم سيارة بس .

كيف المحرقة و لا خط البورشات أو الخط المظلم ؟ <<<< مبلوف و متفلت :d .

أعطونا اقتراحاتكم و آرائكم بخصوص مكان التجمع , و إنشالله بندرسها كلها و نشوف المناسب للكل و نحدد مكان وسط لنا كلنا .

الموعد :
بعد صلاة العصر أو بعد صلاة العشاء , إللي تبون . بس أنا أشوف بعد العصر أحسن عشان التصوير يكون أفضل و محد يتأخر و نسوي مسيرة حلوة و نقدر نصورها و ننزلها هنا .
و لو حددنا خليج سلمان يصير لازم نطلع العصر .

و حتى في واحد من الشباب معنا هنا بالمنتدى أعتقد إنه نزل من الرياض و بنسوي له مفاجأة و هي هذا التجمع , و إنشالله بيكون ضيف شرف علينا . و ينبسط معانا . بس هو مسوي ثقيل و ما يبغى يتصل . <<<< حس على دمك يا بو الشباب مسوي تتغلى :p .

تحياتي لكم
أخوكم : خـــالـــد .

**A N M A R** · 14-02-2009, 04:36 PM

اممممممممممممم

خلودي ياخلودي

اعتقد الضيف هو ياكوكوكورد يابيونك يادحوم...

خلودي مافي غير خليج سلمان ونجتمع على ادان العصر كلنا في جامع ام بندر ومن هناك نحرك ايش قلتم

المشكله في شباب مهبط وفيه الي مرفع ماظن بينفع خليج سلمان لنها كلها حفريات

ولاهو افضل مكان...

**A N M A R** · 14-02-2009, 04:37 PM

.
.

عندي سؤال محيرني

مهو مخليني انام

امسكو نفسكم...

سؤال بن سعال بن مسعول

.
.
.
.

متى الخميس المخموس يجي...

:d

**Zero Cold** · 14-02-2009, 05:24 PM

أشوف إن الاوتو مول جيد عشان إنه مكان بعيد عن المشاكل والقروشة
الآية مول برضو جيد لكن أفضل الأوتو
الريس وي حلو خصوصا إنه ليا فترة طويلة ما طبيته
إنتم قرروا وأنا معاكم

**ميدو مشاكل** · 14-02-2009, 10:14 PM

.
.
.
وعليكم السلام ورحمة الله وبركاته

طيب واللي طفش من شوفتكم ,,,, يجي ولا مايجي :d

معاكم ان شاء الله ,,,,

شوف يابو خلود ,,, اذا فيكم شدة نطلع الخليج << خليج سلمان

من العصر ,,, ونقعد وناخذ معانا العزبة ,,, فرش وعصيرات ونتعشى ,, هناك ,,, نشوي ونفلها

ادري انكم بتقولو مع نفسكم ,,, لانكم تموتو في شي اسمه مطارحات !!!

شوفوا على ايش تستقروا ,,, ولو تبو طحساااااان ,,,, نطلع الموقف حق مكة ,, ويجو قرووب مكة ,,, ويجيبو العشا من البيوم ولا ابو ياسر ,,, ونفلّها صح !!!

ولا اقلكم بما انه في ضيف من الرياض ,,, اكيد اكيد اكيد ,, انه يبغى البحر والبيك !!!

نروح عن ابراج سارة لو تبو ؟؟؟

**A N M A R** · 14-02-2009, 10:25 PM

ميدو

فين ابراج ساره الي عمال تهرج عنو

**ميدو مشاكل** · 15-02-2009, 12:45 AM

^^

الكورنيش

**ACCORDY** · 15-02-2009, 01:00 AM

امممممممممممممممم

والله انا ايد فكره خليج سلمااااان

ونفلها صح
نشوي وكوره وتربيع وضومنه وبرجون (^_^)
ههههههههههههههههههههههه

بس اهم شي الشباب اكونو متحمسين ومو مرتبطين
مو اقولو والله ابويا ابغاني والله عندنا ضيوف ما اقدر اتاخر
ومن هدا الكلام
عشان ننبسط في الخليج
واحلى درفتااات
هع هع هع هع هع هع

وبس....

**حمودي2** · 15-02-2009, 01:47 AM

انا اقول الكورنيش والله يعيننا على قروشت الحكومة بس افضل مكان الكورنيش

**ميدو مشاكل** · 15-02-2009, 11:07 AM

.
.
.
احلى عليك يااحمد .... خليج سلمان وارفع يدك

يلا يلا ,,,, كلنا الخميس خليج سلمان !!!

**A N M A R** · 15-02-2009, 11:48 AM

خليج سلمان بعد العصر

**S.M.A.R.T** · 15-02-2009, 03:54 PM

بما اني من اهل جده ومن سكان الرياض وعاشق الشرقية نشوفكم ان شاءالله اخر الشهر الجاي <<<<<<< عنده كورس في جده ياحظه :p

الله يوفقكم

جوزيف

**ميدو مشاكل** · 15-02-2009, 03:59 PM

.
.
.
خليج سلمان ,,, متحمس للدرفتات من اليوم قاعد في كل اشارة اعطيها بريك

هههههههههههههههههههه

خالد ,, خليج سلمان وانا اخوك ,,, والعشاء شوي دجاج وطاووق نشتريه من هايبر بنده ,,, وكل شي بالقطه

وكلم فواز وباجعيفر واحمد وباشماخ ,,, لان باجعيفر من زماااان يقول يلا نروح الخليج ونفللها ,,,

خلونا نسوي شي جديد ,,, والله طفشت من الفتيحي وطريق الملك واللفلفه والهرج في المكاين والسيارات !!!

**قصيمي جدة** · 15-02-2009, 11:12 PM

للأسف يا خالد أنا مايمديني أجي
للسبب اللي كلمتك عنه
واعذروني يا شباب

**ميدو مشاكل** · 15-02-2009, 11:58 PM

.
.
.
مع انه افتكرت ان فيه مباراه للاتحاد والنصر في دور الثمانية

بس والله ,, شوفه الوجيه الطيبة ,,,, تهوّن عليا

**black sherry** · 16-02-2009, 02:27 AM

حلو خليج سلمان انا معاكم ان شاء الله اكيد
خالد اجيب الفيل ولا اجي بالاكورد بس ؟؟؟؟؟
انمار لاتيجي من يوم الربوع تستنى في أية مول هههههههههههههههه

**A N M A R** · 16-02-2009, 09:10 AM

ههههههههههههههههههههههههههههههههههههه

<<مستعجل على يوم الخميس

**MeedO** · 16-02-2009, 01:43 PM

من يومك مستعجل

**A N M A R** · 16-02-2009, 02:43 PM

yab yab

**البــــــاشا** · 18-02-2009, 09:08 AM

خلاص شباب نتقابل ونمشي في مسيرهـ لين نوصل المسجد

وبعدها نحرك بكم سيارهـ

حاس اني ما راح اجي :d

**MeedO** · 18-02-2009, 09:36 AM

شباب نبغى رجال يعني يقولو نحنا جيين ويجو مايقولو بنجي وبعدين مايعتذرو ولا يتكلمو ...

**البــــــاشا** · 18-02-2009, 10:23 AM

في الصميم ياحبيبي في الصميم :d

**A N M A R** · 18-02-2009, 10:36 AM

انا جاي جاي

والكل عارف اني جاي

مايبغالها اي حكي

يالله مني مصدق انو الخميس قرب

بكرا الخميس المخمس الخمبوس...((:d))

يارب يعدي اليوم هدا سريع

**ACCORDY** · 18-02-2009, 12:36 PM

شباب القحطاني كلمني وقلي ابغى اسويلكم دوره في الخليج واسم الدوره
(كيف تدرفت بالسيارات الدفع الامامي),,,,,,,,,,,,,,,,,,,,,,,,,,,,,,,,,,,,,,,,,

ههههههههههههههههههههههههههههههههه

المهم انا جاااي كمان نشوفكم على خير

**ACCORD 764** · 18-02-2009, 02:43 PM

هلا فيكم يا شباب ....
يسعدلي مساكم .

الله يحييكم و لأول مرة راح نطلع طلعة شوي و فلة و تطعيس و اي حاجة , بس أهم شي لحد يتهور و يجيب العيد :d .

و من خلال العدد إللي راح يجي و بعد المناقشات و المداولات , صدر البيان التالي :
التجمع الأول راح يكون في آية مول و أكيد الكل عارف مكانه , راح نتجمع في المواقف السفلية " المظللة " و راح أكون متواجد هناك من بعد صلاه العصر , يعني من 4.30 و راح ننتظر إلى الساعة 5 , إللي يكون قريب يتصل و راح نستناه شوي و إللي يتأخر يلحقنا على محطة الصواري في خط الكباين مقابل الكريستال راح نتجمع هناك عشان نتأكد إن ما في أحد هبق أو سحب علينا في الطريق :p , إللي يبغى يعبي بنزين و إذا كان فيه شي ناقصنا ناخذه من المحلات إللي في المحطة , و بعدها بنحرك على جامع أم بندر و من هناك ندخل على الخليج .

و راح نشتري المشاوي قبل التجمع بشوي لأننا راح نحتاج ثلاجة و راح يكون نصيب كل واحد بالتساوي , يعني كل واحد يدفع بالتساوي بعد ما نشتري .
اليوم أنا و الشباب المنظمين راح نجتمع عندي في البيت و راح نحدد كل واحد وش يجيب معاه , و نجمع المبلغ و نقسمه هناك وقتها على العدد .

على فكرة من ناحية المهبطين , ترا التراب هناك ما فيه طلعة و نزلة , الطرق ممهد و يقدر الواحد يدخل فيه عادي , حسستوني إن معاكم فيراري و لا لمبرجيني , و إللي يسويلي فيها يخاف على سيارتو و أنا ما أقدر و مدري إيش , الله لا يهينو يدخل برجلو :p .

أي استفسارات أو أي شي و أي اعتذار عن التجمع , رسالة على رقم الجوال 0555671379 .