بسم الله الرحمن الرحيم
السلام عليكم و رحمة الله و بركاته , و بعد ...
أخواني , كيفكم ؟ عساكم بخير و صحة و عافية انشالله .
قربت تنتهي الإجازة و لكن تجمعاتنا لن تنتهي و مستمرة إنشالله حتى أيام الدراسة و الدوام , فـ حيّا الله أي واحد يحب يجي معانا .
بنتكلم اليوم عن موضوع كان منتظر و بشدة :d .
آسف أولا على التأخر في تنزيل الموضوع , كانت عندي مشاغل كثير و مناسبات , تعرفون . رئيس الـ Group مو فاضي أبداً , كله مسؤوليات و توقيع عقود .... إلخ :p <<< أقل خل عنك و ادخل في الموضوع أحسن :d .
المهم , أحب أقلكم أول شي إن هذا أحسن تجمع صار , ما بأتكلم عن عدد سيارات أو قوة تعديل أو أي شي ثاني يخص السيارات . التجمع هذا أحلى ما فيه أهله , الشباب إللي حضروا الله يعطيهم العافية , ما قصروا و الله و الطلعة كانت غير عن كل الطلعات , لها طعم حلو . الفلة و الوناسة هذي المرة أحلى من كل مرة .
بأعطيكم صور التجمع و عندها شرح لكل مرحلة من مراحله ...
وصل أولاً ميدو مشاكل لآية مول و بعده أنا , ثم جا أنمار و Zero Cold و ACCORDY و أبو الجوهرة و MeedO و أحمد عمر و Black Shery .و هذي صور تبين الحضور .
و هنا تحركوا من آية مول و بدأت المسيرة إلى خليج سلمان , و أحب أنوه إنه في هذا الوقت جاني اتصال طارئ و كان لازم أنزل على مكة , فطلعت على الساعة 5.15 عصرا و وصلت للشباب الساعة 7 بعد المغرب في الخليج .
طبعا MeedO لازم من شغل التحشير و المقاومات , عاد هو ما يقصر , هو و ACCORDY .
و هذي سيارة ACCORDY .
MeedO يقول : تجرب دحدرة 20 ! :p ز
صور للشباب وقت المسيرة من آية مول إلى خليج سلمان .
هذولي المبلوفين لازم يجربون , و الله حالة ... متفلتين و الله :p .
عند العبارة إللي عند مدينة البحيرات .
وصلوا للخليج و هاتك يا تطعينس بالهوندات .
طبعا هذي صور لجلسة الشباب في الخليج و قوة الفة إللي كنا عايشينها .
طبعا حضر أبو عزوز من القصيم و ما طول معانا , الله يحيه إنشالله في أي وقت و ما يحتاج عزومة .
حضر ايضا أبان " المدير الكبير " و الباشا مع أصحابه لكنهم ما طولوا و مشو بدري , حتى أنمار سحب بدري مدري وش كان عنده .
يا قوي يا MeedO وش عنده المعضّل .
هنا أنمار و ميدو مشاكل , أنمار " لابس ثوب " .
قعدتنا و MeedO بيطربنا بصوته :p .
هنا طلعنا من الخليج خلاص بعد ما أنتهينا الساعة 11.30 مساءً .
يلعن أم الحفرة السيئة , و الله جامدة ...
كلنا ما عندنا بنزين , فوقفنا في المحطة القريبة و عبينا هناك .
هذا MeedO قاعد بيشيّك على السيارة , جاتها حكات , أكل فيها حفر بحكم إنه منزّل :p . و أنا واضح شكلي قاعد ورا سيارتي :p .
يا قافطهم يا مؤيد , و الله هذا أنا :o .
بعدها سارت مسيرة , من المحطة إلى الخط المظلم , و هناك الشباب كانوا بيتقاوموا رغم إن كان فيه دورية واقفة عند الدوار , لكن عارفين كيف الواصلين , ما يحتاج :d . و بعدها إلى طريق المدينة ثم طريق الملك و بعدها للصواري . و كانت مسيرة جبارة بشهادة الكل .
أتمنى أكون وفقت في هذا الطرح , و إنشالله يكون التقرير عجبكم و حاز على رضاكم .
تحياتي لكم
أخوكم : خـــالـــد .
مواقع النشر (المفضلة)