حيا الله الشباب
بصراحه التجمع كان رائع جدا واتشرفنا ايضا بمعرفه الاعضاء الجدد ماادري وش اقول ووش اخلى لكن اقول الله يجعل التواصل بيننا دائم وبالنسبه للاعضاء الي ماحضروا نقولهم الجيات اكثر
سمسم شكرا على انشاء القروب وتمت الاضافه
مستر اكورد v6 ناسف عن ابلاغك بوقت مبكر لو كان عندنا رقم جوالك كان بلغناك لكن ماكنا نقدر نوصلك الا عن طريق الخاص العذر والسموحه
خبر غير سار

اليوم وديت السياره صيانه1000 كيلو وانا بالسرا جاني مسعود مدير الصيانه عندكم قالي وخر سيارتك عشان بيطلع سياره اخرى المهم هممت بفتح باب سيارتي وماامداني اركب الا واحد من العملاء يصيح ويقول انتبه وانا بعدها اسمع طع انظر امام سيارتي اذ بمسعود المطفوق داق سيارتي من الجهه اليمنى للصدام الامامي وانا تقفل اخلاقي مالي 4 ايام مطلع موتري المهم اطير فيه واخخليه يقدم واطالع لموتري احصل حكه صغنطوطه قلت في نفسي الحمد لله وارجع لمسعود واقوله مافيها كلام صدام جديد لاتقول تنقيط ولا شي هذا حللي الودي تبغى الشغل رسمي اجيب الحكومه الان وماني مستلم السياره الين يجوا المهم قعد يقول نرش الصدام كامل لانه حتى لو ابي صدام جديد برضو حيحتاج رش قلت صدام جديد يعي صدام جديد قال خلاص وكتب لي ورقه وختمها وقالي روح جده وقلهم الوضع واعطيهم الورقه ويعطونك صدام جديد المهم انا بصراحه ودي اادبه عشان يفتح عيونه مره تانيه لكن مهما كانت رشته ماراح تكون زي بلدها هي الان ماهي باينه بس يبغالها تنقيط وبس لكن انا انقهرت وكبرت الموضوع ووصلت للي وصلت له مااقدر اقول الا قدر الله ماشاء فعل والله يعوضني خير المهم وش رايكم انتم انقط احسن ولا اخذ صدام جديد على حسهم
للمعلوميه انا حصنت السياره بس العالم ماتدي خير امس جاني واحد بالعمل وكلمني عن الموتر بكم وكيف السياره واليوم واحد ثاني كلمني بعد بس ماني متاكد ذكر الله ولا لا لكن مااقول الا الله يستر ويجعلها اخر حكه
طيب انا ماودي اعكر مزاجي بالحكه ذي خلني استمتع بموترياليوم بعد العشاء ان شاء الله بروح الممشى اجرب الموتر واللي براسه حب ماانطحن يجي هناك:dطبعا مااخص بالكلام سامي وسيلفر اوريون :d