بسم جامع القلوب و المدبر الأمور
السلام عليكم ورحمة الله وبركاته
بعد الإتفاق من خلال تجمعاتنا الإسبوعيه على الذهاب لـ معارض الظهران للسيارات المعدله.. اتفقنا ان يكون يوم الإفتتاح تاريخ 14 يوليو 2009 هو اليوم المناسب لـ الذهاب هناك
و كان الإتفاق على نقطة التجمع الساعة 4 عصرا في هذي المواقف
.. ولكن مثل ما تشوفون المواقف خاليه :o<< مواعيد عرب:d
ثم انتظرت الشباب لإكتمال العدد...
بعدها تجمع الشباب و تحركنا بـ سيارتين
الأولى كراش وكان فيها حسوني + عضو خارج المنتدى
الثانية:محجوب:- jack,7abib و انا
طبعا انطلقنااا متوجهين الى معرض الظهران عبر بوابة سيهات و هذي الصوره توضح انطلاقتنا جنوب شرقي :d
ولكن في سيهات صادفنا ازدحام غير متوقع ,, و اتركم مع الصور لـ تعرفوا السبب
من جد حادث أليم :(
بعد تأخرنا 9 دقائق بسبب هذا الحادث المؤلم
المهم كملنا الطريق و اذا بـ خمس دقائق أصابنا ما أصابنا
:(
قدرالله و ما شاء فعل راعي اكورد يصطدم محجوب من الخلف بـ المحجوبة الكبيره
طبعا الرجال رفض قدوم المرور بحكم السيارة لـ أخيه و التأمين منتهي
ثم تفاهم مع محجوب بـ كلام كثير مدته ربع ساعة و مدري وش ذا الكلام :o
الي اعرفه انه و بعد المكاسره توصل الرجل لـ يعطي محجوب قيمة الإصلاح 1300 ريال
و بعدها انطلقنا الى اقرب بنك
و لـ عيون خشته الي مب حزتها طقيت له صوره احترافيه يمكن يسحب لي في طريقه 500 ريال على الصوره :o
المهم الرجال سحب الفلوس و عطاها محجوب و قال له تفضل المبلغ
و ركب المحجوب الموتر و يعد الفلوس و تطلع 1000 ريال :d
المهم اخذت الفلوس و صورتهم حبتين
و الرجل نصب نصبه لطيفه خفيفه عـلى الألب :o
طبعا الرجال قب قبه مب طبيعيه ما شفنا غبرته ,,عـ العموم يجي منه 1000 افضل من لاشئ
معا ان الصدمه راح تكلف ما بين 1500 الى 1700 ريال
و هنا الواحد يرتاح انه ما معه حساسات للأنه راح تكلفه مبلغ و قدره
عرفتوا كيف لماذا الهوندا لا يوجد بها حساسات للأنها تبي راحتكم :d<<< اوخص بس 
المهم الحمدلله عـلى سلامتنا
----
بعدها اطلقنا اطلاقه هالمره حقيقه نحو المهرجان بعد الظروف الي صاحبتنا
ولكن من اللطيف ان وصلنا و الشمس كانت متشمسمسه << بالله قولوها 5 مرات ورى بعض
صحيح ان ضاق علينا الوقت لكن الحمدلله على كل حال
ثم وصلنا المهرجان
يتبع
طـلعتنا الـى معرض الظهران الدولي للسيارات المعدله
رد مع اقتباس
مواقع النشر (المفضلة)