:: الآن و بعد طول انتظار , تجمع جدة الجديد , سجل معنا ::

**ACCORD 764** · 28-07-2009, 09:59 AM

بسم الله الرحمن الرحيم

السلام عليكم و رحمة الله و بركاته , و بعد ...

صباحـ / مساء الخير على جميع الموجودين , أعضاء و ملاك و محبي سيارات هوندا .

أهل جدة غابوا عن المنتدى من فترة طويلة :( , ما في تجمعات أو طلعات , لكن الكل و مشاغله ...
و اللحين راجعين لكم و بقوة ;) .....

تجمعات جدة طلعت قبل أكثر من سنتين تقريبا , قمنا بعمل تجمعين في الممشى و بمسيرة في طريق الملك ثم إلى التحلية و انقطعنا عنكم خلال تلك الفترة , و قبل سنة من الآن و تحديدا في يوم 18 شعبان 1429 هـ قمنا بعمل تجمع كبير في JRW و استمرت بعدها تجمعاتنا و الكل يشهد على نجاحها ;) .
بعضنا يتجمع يوميا و الآخر أسبوعيا , المهم إننا ما نقطع بعضنا .
و لو كنا نبغى ننزل مواضيع عن تجمعاتنا , صدقوني ... قسم التجمعات ما بيوسعها .

صلب الموضوع :
يوم الـ 14 من شهر شعبان الجاري ( كموعد أولي ) سنقوم بتنظيم تجمع لملاك سيارات هوندا المعدلة فــــقــــط. من داخل أو خارج المنتدى .
أهم ما في الموضوع و في هذا التجمع , هو نزول سيارات بتعديلات جديدة و قوية و انتظروا سيارة MeedO , و بالتأكيد سيكون موثق بالصور من أوله لآخره كعادتنا :d .

لكن المفاجأه الكبرى هذه المرة هو أننا حصلنا على تصريح ( عدم تعرض ) من الجهات المختصة لتجمعاتنا . و ذلك بجهود شخصية من العضو MeedO ( أحمد ) .

التجمع إنشاء الله إحنا مخططين إنه يكون يوم الأربعاء من الأسبوع القادم , و مكان التجمع سيحدد لاحقا بالتنسيق مع بعض الأشخاص .

طبعا نظام التجمع راح يكون أولا إننا نتقابل في مكان معين إلين يجوا الشباب كلهم و راح نحدد وقت متى نمشي من هناك , و إللي ما راح يجينا يلحقنا على المكان الأساسي للتجمع , و لكن الأفضل إنك تكون موجود في المكان الأولي عشان المسيرة تكون جبارة .
و قتها راح ننظم مسيرة موثقة بالفيديو و الصور و راح أكون أنا المشرف عليها كالعادة :d .

سجلوا معنا و إنشالله بنبسطكم , و إللي حضر تجمع واحد من تجمعاتنا السابقة راح يعرف قصدي .

للتسجيل أرسل رسالة على الخاص تتضمن المعلومات التالية :
الإسم : إسمك الحقيقي طبعا .
نوع السيارة : أكورد , سيفيك , أوديسي , إلخ ...
موديلها : أي موديل إنشالله 1901 .
تعديلاتها : التعديلات الموجودة على سيارتك , تعديل خارجي أو ميكانيكي .
رقم الجوال : طبعا رقم جوالك للتواصل معك وقت التجمع و في التجمعات القادمة .

للاستفسار عن أي شيء يخص التجمع الاتصال على الأرقام التالية :
خالد : 0555671379
أحمد : 0503776775

تمنياتنا لكم بقضاء أوقات سعيدة معنا ....

**Ëńġ․ℱάίśάℒ** · 28-07-2009, 10:15 AM

أول رد محجوز :d

اهلين اخير فيه تجمع لأهل جدهـ ......

لك رسالة على الخاص

**A N M A R** · 30-07-2009, 12:25 PM

يالله بلتوفيق...

**MeedO** · 30-07-2009, 04:44 PM

الله يعطيك العافيه ياخالد على طرح الموضوع

والله يعطيك العافيه على الكلام الجميل

وهذا اقل شي اقدر اقدمو لمنتدى نادي محبي هوندا

اتمنى حضور الجميع ومشاركة السيارات المعدله

تقبلو خالص مودتي وتقديري

**memories** · 30-07-2009, 05:43 PM

روعه روعه روعه

الله يوفقكم

انا مافي اي تعديلات في سيارتي

فراح اكون مؤدب وما راح احضر

بس لما يكون في تجمع عام لغير المعدله مستعد أحضر

اليوم عندنا تجمع لأصحاب الكوبيه فقط

وان شاء الله يكون كويس

ادعولنا

**ـبطرانـ2005ــ** · 31-07-2009, 03:30 AM

المشاركة الأصلية كتبت بواسطة memories

روعه روعه روعه

الله يوفقكم

انا مافي اي تعديلات في سيارتي

فراح اكون مؤدب وما راح احضر

بس لما يكون في تجمع عام لغير المعدله مستعد أحضر

اليوم عندنا تجمع لأصحاب الكوبيه فقط

وان شاء الله يكون كويس

ادعولنا

يا حلو تبي الفلتر ترا عادي

بس اهم شي لازم تحظر <<< مسوي انا الي منسق ههههههههههههههههه:d

والله ودي اجي واذا قدرت <<< عطيتكم خبر

**امير المحبة** · 31-07-2009, 04:26 AM

يوم الـ 14 من شهر شعبان الجاري ( كموعد أولي ) سنقوم بتنظيم تجمع لملاك سيارات هوندا المعدلة فــــقــــط. من داخل أو خارج المنتدى .

اسلام عليكم
كيفك يااقمر
انا حاطط شكمان ثاني (بس الصدام محكوك)
وزنون وكشافات وحساسات وجنط 16 وكفرات عريضة قيمة الوحدة 550 ريال
وجناح وإيش كمان
ومراتب جلد وكمان تظليل في كول
ممممممممممممممممممممممممم
بس
لا في شي نسيته مخشبها
هل تعتبر ربع معدله عشان انته كاتبها باخط الاحمر
وله انته قصدك تعديل مكاين وووووووو

رغم انها اسبيشل
حلوه
لمى تعبر عن سيارتك
بس انا من الناس يلي ما يحب يلعب بامكينه(((((( مخي مش عاوز غير كذه)))))))
بس مدري اكون في رنيه وله في جده واهااااا اقولها من قلبي وحشتني جده
وتراب جده ورطوبه جده وشوارع جده بس مهي يلي مكسره

**k.s.b.s** · 31-07-2009, 04:46 AM

والله انا ودي احضر وانا من جده بس سيارتي 2009 وماهي معدله لسا جديده السياره اقدر اشارك معاكم ولا كيف الوضع
بالنسبه للسيارات الغير معدله
ارجو الافاده
وراح ارسلك معلوماتي على الخاص
ومشكور

**memories** · 31-07-2009, 04:59 AM

^^^^^^^^^^^^^^^^6
تسلملي والله

ما أحب العب في السياره ولا ازود اي حاجه فيها

واحد من الاعضاء طفشني على يايات اي باخ وعلى زينون بس عقلي متحجر

شكرا

**italian-boy** · 31-07-2009, 05:09 AM

^
قول اسمو قول يلا :p ههههههههههههههههه

يعطيكم العافية على الجهد والله وانا اعرف واحد معاه اكورد مركبلها جنط ومسويها لونين بس مو موجود في المنتدى
بكلمو يدخل يسجل في المنتدى عشان ينسق معاكم اكثر ..

تحياتي