بسم الله الرحمن الرحيم
كما وعدناكم بتغطية كاملة لتجمعنا
تجمع قروب أكورد كوبيه .. في مدينة جدة والذي تمت فعالياته يوم الخميس الموافق 30/7/2009 م
خلاص الصراحة مني قادر اكتب لغة عربية فصحى .. حكتب بلغة عاااامية جداوية واللي ما فهم شئ يروح يسأل memoriesعلى الخاص :p :o
طبعا الخطة كانت انو تجمعنا يكون عند تجار جدة .. بجانب البك الهولندي ((قبل طريق الملك)) الساعة 10 ليلاً
طبعا صارت اشياء ما كنا نتوقعها :p اولها كنا متفقين انا و memories انو ندخل سياراتنا مغسلة سوا
لكن الله يهديه memories اتأخر وخلاني استناه :p هههههههههههههههه لا والله حرام هوا جلس يستناني وانا اللي اتأخرت
وسيارتي كانت عند محل السيارة الرياضية في شارع التحلية وجلس مسكين يستناني هناك واول ما وصلت كان باقي على صلاة العشا اقل من ربع ساعة وعقبال ما وصلنا المغسلة قالولنا ما ينفع الا بعد الصلاة .. واحنا لازم نكون بعد صلاة العشا متواجدين في الموقع عشان نكون اول الواصلين .. بعدها طرح الاخ memories فكرة .. انو نرجع لمكان السيارة الرياضية .. لانو كان في واحد تكروني يغسل سيارات .. قلتلو كويس نلحق عشان بعد الصلاة نروح الموقع ننتظر الشباب .. لكن للاسف انا ما كنت متجهز لانو كنت جاي من النادي .. واضطريت ارجع البيت اخد الكاميرا واتجهز ونروح الموقع .. وبالصدفة واحنا بنغسل السيارات جانا واحد معاه كوبيه زرقا ((4 سلندر :p )) بس قالبها 6 سلندر :d هوا يعرف نفسو <<< والا كيف ياTAN هههههههههههههههه

زي ماهو واضح موقع غسيل السيارات :p وهذي صورة سيارتي ((الحمرا )) وسيارة memories ((الرمادية))


بعد ما خلصنا غسيل اصرّيت على memories يجي معايا البيت عشان نحرك سوا للموقع .. لكن رفض الله يهديه .. قلتلو تعال نلعب قيم بلاي ستيشن قلي والناس اللي حيجو وما حيلاقو احد ؟؟؟ قلتلو اها طيب :d :d ههههههههه
المهم راح memories للموقع لكن ليس مباشرة .. راح لمطعم ((حلواني)) اخدلو اتنين شاورما دجاج و واحد موية
حتى ما حاسب على الموية قلو الرجال ما عندي صرف قلو خلاص روح جيبها بعدين :p ههههههههههههههه
المهم كان اول الواصلين البطل memories:p :p الساعة 9:40 PM
وانا رجعت البيت لبست وغيرت ملابسي واخدت الكاميرا واللاب توب وحركت على الموقع واتافجأت بحضور اول الواصلين من اعضاء القروب اللي هو الاخ (( يوسف )) وهذي صورة توثق الكلام اللي اقولو :p:p

وهنا اتركم مع الصور بتدرج حضور الاعضاء لموقع التجمع























وهذي من احلى الصور الصراحة .. ضحكنا فيها memories الله يسعدو يا رب قولو امين



وطبعا واحنا متجعمين ننتظر العدد يكتمل .. في من الشباب اعتذر عن الحضور وفي منهم جا التجمع ومشي قبل ما يبدأ التصوير وتسجيل الاسماء ونشكر الجميع على ذلك سواء اتصورو معانا وكتبو اسماء او اعتذرو عن طريق الجوال
وبعد ما استقر الوضع واتصورنا كم صورة كدا .. الاخ الفاضل الطيب memories اتذكر انو لازم نجيب مشروبات للشباب .. فتم تكلفة احد الشباب بذلك وهذي صورة

وتم تكلفة نفس الشخص بعملية التصوير الجوية :p:p يشكر عليه جزيل الشكر .. والصراحة ما قصّر
وهذي الصور توضح موقع التصوير الجوي


وتم تكريمه من قبل الاخ memories على ذلك :p:p ههههههههههههههههه لا تسألوني الورقة هذي حق ايش ههههههههههه والله الف مليون شكر لك يا محمد على جهودك معانا في التصوير وفي كل شئ
فتّح عينيك يا memories :p هههههههههههههههه

وهذي صورة عند مغادرة الاخ محمد لموقع التجمع لظروف منعته من تكملة الفعاليات



وهذا فيديو يوضح تجمع اعضاء القروب بعد اعتذار عدد من الاعضاء
[ame="http://www.youtube.com/watch?v=GzF1HoqcCtk"]http://www.youtube.com/watch?v=GzF1HoqcCtk[/ame]