بخصوص تجمع النادي في استراحه بالرياض

**ن ك د السـعــــوديه 3 5 7** · 12-02-2007, 07:36 AM

صباح الخير ياشباب

ادري طولت عليكم لكن والله ظروف :o

المهم انا في الدوام وبأختصر السالفه:d

تم التنسيق مع كم واحد من الشباب على اننا ناوين نجتمع في استراحه مثل ماطلب العديد من الأعضاء ولعيونهم تم تحديد الموعد على يوم الخميس الثاني بتاريخ 22/02/2007 <<< كم بالهجري مدري دبروها انتو :d

المهم كلمت كم واحد من الشباب يشوف لنا إستراحه بس للأسف من جهة الفحص مالقينا الا وحده وبايخه :(

والله ماكان ودي انزل الموضوع الا وقت مانحصل موقع زين بس يوم شفت الأمور بدت تضيق وتتأزم <<< حلوه الكلمه متعوب بعليها :d قلنا خلنا نشاور الشباب ونخليهم يفزعون لنا <<< اهم شي العجره والليور

عشان كذا قلنا نشاوركم ونشوف ارآئكم واللي يعرف لنا استراحه اوكي يعطيني خبر على الجوال طبعا اهم شي يكون فيه ملعب<<< لعيون الأخطبوط ;)

وتكون كبيره والسعر مو مشكله المهم ياشباب اللي يعرف لنا استراحه اوكي ياليت يعطينا خبر

ولو تكون حول الفحص يكون احسن<<< كبري الفحص يعني

ياشباب معلومه اخيره ومهمه :

التنسيق نبيه عن طريق الرسائل الخاصه فقط

تعرفون لو حددنا كل شي من المنتدى بيجي الصالح والطالح وبيجون الناس كلهم وتعرفون وش بيصير بعدين عشان كذا نخلي التنسيق عن طريق الرسائل الخاصه

انا انتظركم

محبكم

ن ك د

**اكورد الجنوب** · 12-02-2007, 07:52 AM

تم الإرتباط

**الاخطبوط** · 12-02-2007, 01:07 PM

سجلني معاك >>> على فكره تراك ماطلوت علينا ابد

وأهم شي ملعب الكووووره >>> رونالدينهو على غفله ;)

واذا شكلت معك على يوم الخميس ولا لقيت فما عليه بقليل من الأربعاء بس ترا فيه مباراة الزعيم الأربعاء يعني لازم تلفزيون

بدور لك استراحه بالسلي وان شاء الله القى وبحط خبر

واهم شي نلتقي بمحبي الهوندا

**ابوفهد.** · 12-02-2007, 04:00 PM

ان شاء احول افضي نفسي هاليومين وادورلكم
وشكراً

**Damoosh** · 12-02-2007, 05:03 PM

فين راح يكون الاجتماع في الرياض والا جده

وأقترح يكون في جده

**ياسر الشمراني** · 12-02-2007, 10:51 PM

موفقين يا حبايب ..

محبتي

**محمد بن عبد العزيز** · 13-02-2007, 02:55 AM

نكوووووووووودي

كنت ابسوي هالحركه بس سبقتني
اول شي اقول نتفق على مكان الاستراحه
انت قلت بالفحص وماحصلتو استراحه زينه

طيب ليه ماتشوفون ديراب <<ناوي نيه<<بس محترم

تحت في ديراب <<طبعا بيكون سفر ولازم تقول دعاء السفر
استراحات كبيره وزينه حتى لو تبي تدخل سيارتك

شوف الرخص والله يديم الرخص استراحه فيها خيمه تكفي 35شخص طبعا مع العده والسماعات
وفيها ملعب يعلب فريقين كل فريق 8

مدخل سياره

هذي اشياء بسيطه
وكل هذي بسعر قليل جدا من 350 ريال سعووودي الى 600 ريال احجام مختلفه
<<يبيهم ينزلون ويدورون

انتو اتفقو على المكان بالفحص بديراب بالحزم بالسلي بالثمامه<استراحات

بعدين ندور ماله داعي ندون ونحط المكان وفي الاخر يقولون بعيد والبنزين رخيص

لنقوووووووول شعار وكلنا معاه

يد على يد تلين الحديد وقلب على قلب يرضي الرب

وانتو وش رايكم

سلملم

**JUVENTUS** · 13-02-2007, 11:37 AM

شباب إستراحات السلي كلها محجوزه
مالقيت إلا 2بس ملاعبها مو كبيره مره متوسطة الحجم
بنمرها أنا ونكودي ونجيب الجديد اليوم
أتوقع مالنا إلا الثمامة إذا تبون ملاعب كبيرة

**أكورداوي** · 13-02-2007, 01:32 PM

يقولون الحاير فيها ملعب خطييييييير ;)

اخاف والله نهايتها هناك ... :(

على العموم الله معكم والله يوفقكم ان شاء الله ونشوف تجمع احلى من الحلو واتمنى حضور اكبر عدد ممكن من الشباب وانا راح أكون معكم جندي مجهول بأذن الله واتحدى واحد يعرفني اذا حضرت :p

**يامطنش** · 13-02-2007, 02:14 PM

اهم شي ما تنسوني نكد يا ويلك اذا نسيتوني

**ن ك د السـعــــوديه 3 5 7** · 13-02-2007, 02:22 PM

يامطنش

ماعليك ياقلبي;)

**يامطنش** · 13-02-2007, 02:31 PM

منتظر نكودي

**ن ك د السـعــــوديه 3 5 7** · 14-02-2007, 11:04 AM

ابشركم ياشباب

تم العثور على الملقم <<< اقصد الإستراحه :d

امس انا وJUVENTUS وعزوز ندور والحمد لله لقينا الإستراحه عند كبري الفحص والتجمع يوم الخميس 22-2-2007 بعد اسبوع من الآن

ياليت كل واحد يفضي نفسه لايجي ذاك اليوم ثم يقول واحد والله جاء ولد عمتي مدري ولد عمي ;)

وإلا عندي انتداب مدري وين ;)

ومثل ماقلت لكم التنسيق عن طريق الرسائل الخاصه ياليت كل واحد يرسل رساله خاصه فيها رقمه وإسمه وانا اتصل عليه واوصفه الموقع

اوكي قايز I'm Waiting 4 U

ملاحظه اخيره: ياشباب التجمع لأعضاء النادي فقط

regards

N ك D

**fisal2006** · 14-02-2007, 11:58 AM

السلام عليكم .... كيفكم شباب والله العطيم اني كنت ادوار الجمعهـ ( هنادي)
بس الحمدالله حصلتكم :::::::::::::::::::
واهنيكم على كل شي سوتوه بخصوص %%%%الهنادي%%%%%

انشاء الله من كذا واحسن

أخوكم

Fisal2006

**الماستر حنوم** · 14-02-2007, 05:51 PM

السلام اول الكلام اخبار الجميع
والله نكود ابيك تعذرني ما اقدرش اجيشي خخخخخخ(مسوي مصري ولا عرف )
المهم لاني والله وراي الفين شغله وشغله ها الايام الجايه الله يعين واذا صار العكس كلمتك اوكي عيوني
توصي (ش) خخخخخخ

**أكورداوي** · 14-02-2007, 11:54 PM

الله يقويكم ..

ويعطيك العافيه نكودي على الجهود أنت وjuventus وعزوز ,,,,

**ه ا د السعودية 451** · 15-02-2007, 01:22 AM

ســـــــــــــــــــــــلام قــــــــــايز

يعطيكم العافيه نكودي وjuventus وعزوز على الجهود .

اللــــــــــــــــه ييســــــــــر اللي فيــــــــــه الخيـــــــر

اوكــــــــــــي

**ن ك د السـعــــوديه 3 5 7** · 15-02-2007, 09:58 PM

الله يعافيكم اكورداوي و ه ا د

بإنتظار البقيه

**lord033** · 16-02-2007, 03:38 AM

موفقين ويعطيكـم ألف عافيه والله يقويكم

**JUVENTUS** · 16-02-2007, 01:41 PM

شباب بجيب بلاي ستيشن 2 معي
بنفل أم أمها كورة إبن أمـــه يفوز على ولد اليوفي
بس تبون شريط11أو10

**محمد بن عبد العزيز** · 16-02-2007, 01:43 PM

المشاركة الأصلية كتبت بواسطة ن ك د السـعــــوديه 3 5 7

وإلا عندي انتداب مدري وين ;)

regards

N ك D

يالخبل وش قصدك

وبعدين عندي حركه حقين الشفا والعزيزية والسويدي وش رايكم نتقابل عن استراحات الدائري ونشمي مع بعض
يعني مانسوي شي يطلع موكب حشمه<<قصدي واضح

يانكد شريت شنطه للمدرسه