تقرير تجمع الإستراحه

**ن ك د السـعــــوديه 3 5 7** · 01-03-2007, 01:11 AM

سلملم

كيف الحلوين ان شاء الله تمام

معليش ياشباب على التأخير لكن ظروف اخرتني عن كتابة الموضوع :o

المهم

ياشباب احب اشكر كل من حضر التجمع وخاصة اللي جو بدري ( طبعا اثنين بس )

واشكر الشباب كلهم على حضورهم المتأخر واقول لهم مره ثانيه بنقفل باب الاستراحه بدري وقتها دوروا احد يدخلكم <<< مسوين زحمه تبون استراحه وآخر شي تجون المغرب خير ؟؟

لا واللي قاهرين فيه كم واحد في بالي الحين والله اني ناويهم ب مسوين قلق وزحمه ونبي استراحه وسويناها وآخرشي ياليتهم حضروا <<< اصلا ماشفت اشكالهم فاهم يا slo7e <<<نكب عفشه

اعذروني ياشباب على الصور لأنها قليله بس يكفي ان صورة سيارتي بينهم

المهم <<< ياويلكم بيطلع الفضايح (:

بدينا الاستراحه بحضورييييييييييييي وJUVENTUS من الساعه 3 العصر

وبدأت الوفود بالحضور متأخرة

الحضور كان 15 شخص تقريبا ونص <<< طبعا النص هذا انا :d

اجتمعنا على المغرب وبدينا قهوه وهياط وسواليف الى العشاء طلع كل واحد يشوف سيارته <<< ملاحيس :p

بعد العشاء رجعنا وكملنا السواليف والتنتيف في إتــشــــ

شوي بدأت مباراة الزعييييييييييييييييييييييييييييم <<< يعجبني Bechaam بدت المباراه طمر قدام التلفزيون وسحب على ام الشعب

المهم سواليف ومتاعبة المباراه والدمعه على خدي يوم جاب الوحده هدف <<< من زين الوجه لاف الشال الهلالي على رقبته :d

انتهت المباراه كالعاده بفوز الزعيــــــــــــــم وهذا شي لايختلف عليه شخصان

وعلى طووووووووووووول بدت مباراتنا في الاستراحه اللي فزنا بها طبعا بجداره والعديد من المواقف المضحكه والمحزنه :o

اهم شي انه اول مابدت المباراه انشقيت كوبري من JUVENTUS:d

لا واللي قاهرني ان النص هذا مسوي زحمه وكوره يالله واخر شي لعب دقيقتين ثم راح يستقبل ضيوف << ايه هين يالكذاب قول الصدق

لعبنا وقضينا وفزنا على الأخطبوط وربعه وجبت هدف دبل تشيز وهدف بالراس وكلهم إهداء لحبيب قلبي (الغلا):o

انتهت المباراه وراح دحوم و juventus يجيبون العشا (كودو) وتعشينا وبدأت الوفود بالمغادره

طبعا ماصفى للعشاء الا 7 والباقين استأذنوا

نسيت شي ياشباب

قابلت واحد من الشباب جزاه الله خير الرجال ماقصر لبى الدعوه من مسافه بعيده ورجع والله ياشباب انه جاء من الشرقيه وسلم علي واعطاني بعض الأغراض حق الأستراحه وكان يسلم على الشباب كلهم ويعتذر منهم على عدم الحضور وعلى طول رجع الشرقيه
شكرا يا م م و السعوديه 755 انت وخويك الوافي والله انكم من جد وافين واقول لكم ترى سلامكم وصل

في الختام احب اقدم جزيل الشكر لكل من :

juventus الله يعطيك العافيه يالمعاون

Bechaam تسلم على حضورك المبكر لكن لاعاد تجي الا وانت متغدي فاهم ههههههههههههههههههه

دحوم تسلم والله على حضورك يالغالي

accord 2002 ماقصرت يالزراديه وكابتن فريقنا

مطنش وخويه حسين شكر وتقدير لك ولخويك على حضورك رغم الأحداث اللي حصلت لك

H 4 EVER شاكر لك حضورك رغم الظروف الصعبه اللي تمر بها والله يقوم اهلك بالسلامه يارب

ه ل ن وخويه ماتقصرون على جيتكم وبصراحه اسعد فرصه شفناكم

A C C O R D مشكور والله على حضورك بس اللي قاهرني وش اللي موقفك عند المسجد<<< شكلك مشتهي مسواك

ن ك د <<< يازينك انت بس انت احلى واحد في الدنيا

لاتستانس يالشوشه مانب قايل الأخطبوط

DUGGARY خويي الجديد <<< فيليبس #2 اقدر لك حضورك من روضة خريم وتلبية الدعوه بالرغم انك ماجلست الا 10 دقايق لكن شكررررررررررررررررررررا

Black.H.V6 <<< قاهرني جاي متأخر هو ووجه ولاعمره جاء مكان وإلا ومتأخر

واعتذا خاااااااااااااااااااااااااااااااااااص للأخطبوط معليش والله ماني قاصد اكسرك <<< تخيلوا بغيت اكسره انا اللي تعورت

وشكر خاااااااااااااااااااااااااااااااااااااااص له <<< لأنه الوحيد اللي أكل من بيتزا امي قالوا ايش قالوا خلاص بردت <<< الشرهه علي خليتها تسوي لكم

بس خل عنكم استانس الباكستاني مشتاق انواع العيشه

وشكر خاص ل م م و والوافي على حضورهم من المنطقه الشرقيه صد رد <<< سمعت يا أكورداوي شف الناس موب انت

وعتب خاص لكل من

FAHAD مقدر لك حضورك الليله اللي قبلها وسلامك يالغالي

ابو فهد ادق عليك الظهر والعصر جوالك مقفل

slo7e لاتعليييييييييييييييييييييييييييييق

ه ا د والله انك معذور الله يقطع هالدوام <<< ترى حاس فيك

امممممممممم خلوني اشوف نسيت احد اللي نسيته يذكرني

المهم اخليكم مع الصور

يالله مع السلامه

الموضوع: تقرير تجمع الإستراحه

أدوات الموضوع

عرض

مشاهدة المواضيع