الموضوع: ░▒░ تقرير تجمعـ السبت 29 / 2 / 1431 هـ بالرياضـ ░▒░

صح يالتجمع اللي كل اللي فيه واقفين عند مواترهم ..

من كبر العدد مالهم مكان بالفرشات

صار التعارف للمواتر موب للرجاجيل ..

زين اني جاي واللي معي اعرفهم ولا كان مشكلهـ ..

تخيلوا اني ماعرف ولا احد من الي فيه وجالس بالتكيه وكل شوي واحد قايم عند موتره

انا تاكي جنب محمد بن عبد العزيز واسولف انا وياه واسال ليه الشعب واقفين يقول مدري ..

ثمن يروح يجمعكم عشان الجلسه تكون صح سوالف وسعه صدر موب شف موتري واوريك موتري ..

تجون عند الجلسه ثمن ترجعون مره ثانيه ورا المواتر ! ..

طيب الكلام ذا تقدر تقوله وانت جالس ولا تحس انك موب قادر تقول الكلام ذا والرجاجيل فيه ؟؟

للحين مالقيت سبب وانا حاضر اخر 3 تجمعات ان الكل يكون واقف عند موترهـ ؟

زين اني مشيت انا واللي كانوا معي ولا كان علوم .. اذا طول الجلسه واقفين عند مواتركم مشكلهـ ..

تقل الي معه روز ولا بنتلي .. ياحبي لكم واللهـ .. بس مشكله كذا

شف موتري ركبت عليه شكمان سته سلندر ولاركبت شاشه ..

ولكن عشان يكون كلامي واضح .. اانا موب ضد ان التجمع يكون فيه تصوير وفله وسعه صدر ..

بالعكس عادي مافيها شي .. لكن ماتكون هي كل التجمع .. وماتصير الا الساعه 1 ولا مدري متى

بعد ماا الكل مشى ..


بس اختصار للكلام كلهـ ..

التجمع اذا ماكان فيه جلسه وتعارف وسواليف الكل يسمع لها ماتكون جلسه وتعارف ..

وللعلم .. انا جيت اخر 3 تجمعات كلها زي بعض ..

الاغلب واقف عند موتره بوريكم موتري شوفوا موتري ..

ولا يجيني واحد يقول حنا نسولف عند السيارات ولا نتكلم ..

تبي تتكلم وتسولف ليه ماجيت بالجلسه وفتحت سالفه وقمت تسولف زي العالم والناس

ولا تستحي !! ؟

ولا المشكله اذا انت فتحت الموضوع وتبي تتكلم مع الي جو وجلسوا ولو كانت دقايق .. زي التجمع اللي قبل ذا ..

التجمع اللي قبل ذا جلستوا يمكن نص او حولها والحق ينقال الكل جالس لكن !! ..

تقل كنك بمجلس حريم !! ..

الكل يتكلم ولا فيه موضوع معين .. والكل يتساسر مع اللي جنبه ..

سبحان اللهـ بس !!

ولا يوم فتحنا موضوع التجمع الرسمي .. الحق ينقال كان فيه شباب معنا بالموضوع المره الماضيه

منهم تركي (عيوني) وبعض الشباب يعطيهم العافيه .. لكن البقيه والكلام كان موجه لهم ماحولك احد ! ..

الكلام للعموم وليس لشخص معين عشان مايجيني واحد يقول انت تقصدني



وللكلام بقيهـ .. وانتظر ردودكم

بسم الله

المشاركة الأصلية كتبت بواسطة a c c o r d 0 8

صح يالتجمع اللي كل اللي فيه واقفين عند مواترهم ..

من كبر العدد مالهم مكان بالفرشات

صار التعارف للمواتر موب للرجاجيل ..

زين اني جاي واللي معي اعرفهم ولا كان مشكلهـ ..

تخيلوا اني ماعرف ولا احد من الي فيه وجالس بالتكيه وكل شوي واحد قايم عند موتره

انا تاكي جنب محمد بن عبد العزيز واسولف انا وياه واسال ليه الشعب واقفين يقول مدري ..

ثمن يروح يجمعكم عشان الجلسه تكون صح سوالف وسعه صدر موب شف موتري واوريك موتري ..
مافيها شي الواحد يروح يعرف خويه وش ركب بموتره وش ما ركب عشان يستفسر وكلنا كذا بالشرقيه
نظامنا نمر على السيارات ونستفسر ونتبادل الخبرات وشوي نرجع للفرشه يعني الوظع ايزي
مو شرط نجلس على الفرشه 7ساعات ويوم قمنا عادي كان قمتو معنا وعلمتونا وش سويتو وش ما سويتو وعادي او اجلسو مافيها شي خل كل واحد على راحته يروح ويجي
تجون عند الجلسه ثمن ترجعون مره ثانيه ورا المواتر ! ..
ايه هذا انت قلتها نروح ونجي
بس مو معقوله بنكون واقفين 7 ساعات او جالسين 7 ساعات يعني هذا الشي طبيعي
لازم يكون فيه حركه ناس تقوم ناس تجلس
طيب الكلام ذا تقدر تقوله وانت جالس ولا تحس انك موب قادر تقول الكلام ذا والرجاجيل فيه ؟؟
بالنسبة لي انا شخصيا اذا كان فيه زحمه اتكلم معي اللي جنبي
اما ااذا كانو الشباب خمسه ولا اربعه اسولف وما اسكت
وكل واحد وراحته ماتقدر تلزم الواحد انه يتكلم
للحين مالقيت سبب وانا حاضر اخر 3 تجمعات ان الكل يكون واقف عند موترهـ ؟
تبادل الخبرات زي ماقلت لك والاستفادة
وش سويت يافلان وش ركبت كم كلفك المبلغ الخ...
زين اني مشيت انا واللي كانوا معي ولا كان علوم .. اذا طول الجلسه واقفين عند مواتركم مشكلهـ ..
لا والله هذي مشكلتكم بصراحه كل واحد يشرب كاسة شاهي ويمشي
وانت تقول زين اني مشيت يعني لو انك صبرت شوي كان شفت الحركه بينا والفله
وترى مو طول الجلسه واقفين بالعكس صارت افلام كنا جالسين بعدين وقفنا بعدين مشينا بالسيارات لجهه ثانيه بعدين فله وضحك واستهبال رجعنا ونزلنا الفرشات مره ثانيه ورحنا شرينا عشاء واكلنا بعدين وقفنا نشوف سيارت صقر الرياض والتعديلات مشاء الله بعدين جلسنا شوي بعدين جاء البرد ومشينا
بس تخيل جالسين على الفرشه من العشاء لين الفجر>>ماتجي:d
تقل الي معه روز ولا بنتلي .. ياحبي لكم واللهـ .. بس مشكله كذا

شف موتري ركبت عليه شكمان سته سلندر ولاركبت شاشه ..

ولكن عشان يكون كلامي واضح .. اانا موب ضد ان التجمع يكون فيه تصوير وفله وسعه صدر ..
انا شخصيا ما احس بالتجمع الا اذا فيه فله وسوالف وتكيه وكل واحد على راحته وتصوير وتقرير وصفة السيارات مرتبه وتعارف وسعة صدر بس اهم شي عندي التصوير:d عشان اتحفظ بالصور للذكرى
بالعكس عادي مافيها شي .. لكن ماتكون هي كل التجمع .. وماتصير الا الساعه 1 ولا مدري متى

بعد ماا الكل مشى ..
طيب ما سألت نفسك ليش كل واحد يمشي بدري
لان مافيه حماس وروحات وجيات وتغير وقفت السيارت كل شوي
ونرجع نجلس ونقوم
وحتى فيه عضو رد بالصفحه السابقه يقول (والله مالك حق يامطنشهم تصورون بعد مامشيت)
لانه شاف الوظع نايم ومشى

بس اختصار للكلام كلهـ ..

التجمع اذا ماكان فيه جلسه وتعارف وسواليف الكل يسمع لها ماتكون جلسه وتعارف ..
والله من خلال التجمع تعرفنا على بعض لين كل واحد مل من وجه الثاني:d وسوالف يحبها قلبك وضحك ووناسه واسأل اللي جلسو لين 3 الفجر وصار تعارف وصارت سواليف
والصور تحكم لك من الاستهبال اللي سووه الشباب وتحس نعرف بعض من زمان
بعكس بداية التجمع ماكنت اعرف ولا واحد الا قليل بس الحين اعرفهم زين مازين :d

وللعلم .. انا جيت اخر 3 تجمعات كلها زي بعض ..

الاغلب واقف عند موتره بوريكم موتري شوفوا موتري ..
مافيها شي ياخوك خل الشباب على راحتهم
ولا يجيني واحد يقول حنا نسولف عند السيارات ولا نتكلم ..

تبي تتكلم وتسولف ليه ماجيت بالجلسه وفتحت سالفه وقمت تسولف زي العالم والناس

ولا تستحي !! ؟
انا شخصيا زي ما قلت لك واتكلم عن نفسي اذا كانو كثير ما اسوالف كثير
واذا كانو قله افلها معاهم
وارجع اقول خل كل واحد على هواه اللي بيتكلم اللي بيسكت اللي اللي الوظع فري
ولا المشكله اذا انت فتحت الموضوع وتبي تتكلم مع الي جو وجلسوا ولو كانت دقايق .. زي التجمع اللي قبل ذا ..

التجمع اللي قبل ذا جلستوا يمكن نص او حولها والحق ينقال الكل جالس لكن !! ..

تقل كنك بمجلس حريم !! ..
طيب كان حمستهم ومسكت الجلسه وعطيهم من هالسوالف
زي فتى زهران بالشرقيه (فؤاد)مشاء الله عليه الكل يشهد له هو اللي يحرك جو الجلسه وحنا بس نسمع
مشاء الله عليه اتمناه بكل تجمع يكون موجود سواليفه ماتنمل
الكل يتكلم ولا فيه موضوع معين .. والكل يتساسر مع اللي جنبه ..
شي طبيعي لو كنا كثيرين ان الواحد عفويا تلقاه يسولف مع خويه اللي جنبه
زي انا جلس جنبي مستر عبدالله جلست اسولف معاه واساله عن اخباره ومسكت خط معه بالسوالف

سبحان اللهـ بس !!
الحمد لله على كل حال وحصل خير واي شي حنا واضحين
ولا يوم فتحنا موضوع التجمع الرسمي .. الحق ينقال كان فيه شباب معنا بالموضوع المره الماضيه

منهم تركي (عيوني) وبعض الشباب يعطيهم العافيه .. لكن البقيه والكلام كان موجه لهم ماحولك احد ! ..

الكلام للعموم وليس لشخص معين عشان مايجيني واحد يقول انت تقصدني



وللكلام بقيهـ .. وانتظر ردودكم

هذي تعليقاتي وبكل صراحه
واسأل الشباب اللي جلسو لين نهاية التجمع وشوف شعورهم
واسأل اللي مشو بدري
**تحياتي مطنشهم**

يامطنشهم انا ماقلت لحم عمرك بالفرشهـ ..

لكن معقولهـ .. الحضور يقرب على ال20 شخص ومافيه منهم الا 7 او حولها على الفرشه طول الوقت ! ؟

فيهم الخير والبركه كلهم ..

لكن اذا قلنا ان فلان وفلان بيعرف وش ركب وش ماركب اوكي بالعكس مافيها شي ..

لكن مافيه لاسوالف ولا ههم يحزونون وطول الوقت اللي كنا جالسين فيه ماحولك احد !؟

يعني معقوله البقيه كلهم بتفر على المواتر واحد طول الوقت ؟ معقوله ؟

على العموم الكل براحته ومستحيل احد يجبر احد الوضع فله وسعه صدر

وحنا ماطلعنا من بيوتنا الا نبي الفله وسعه الصدر ..

لكن يوم الواحد يتعنى ويجي ومايلقى الا الكل واقف عند موتره يقول وش مركب وش ماركب ..

الين متى ؟ طيب .. لين ماامل واطفش ولا حولك احد ! ..

وامشي وانا ماحصلت احد جالس على الفرشه الكل واقف عند موترهـ ! ..

انا ماجيت عشان اوقف عند موتر فلان ولافلان وش ركبت وش ماركبت

انا جاي عشان اتعرف على الشباب اللي ماحد منهم جلس

طيب انت تقول كان تكلمت ومسكت الجلسه ..

انا ماعندي مشكله وبالعكس ابركها من ساعه

لكن خل احد يجلس ! .. انا بروح اطارد وراهم ؟ ..

والتجمع لازم فله وسعه صدر ووناسه والتصوير عادي الكل يفلها ..

لكن هل الفرشه جت عشان يطقها الهوا :d؟

والعضو اللي تقول شي طبيعي انه يقول الوضع نايم لان كل واحد تاكي مع اللي

يعرفه وساحب على البقيه .. وزين اني موب جديد على القروب ولا كان مشكله

مالقيت احد يجلس معي ..

وليه يكون طبيعي !؟ اوكي لو كانت الجلسه كبيره والعدد كبير وفيه موضوع معين بتكلم فيه

مع فلان من الناس اوكي .. بخلص الموضوع وارد غطاه وصلى الله وبارك ..

موب كل الجلسه اسولف انا واللي جنبي واللي جنبي يسولف معي وانا اسولف مع اللي بالزاويه

اليسرى والبقيه كلن يطالع بالي جنبه..


والله مايحتاج اسالهم ياغالي بالعكس الجلسه باين عليها فللله وسعه صدر ..

لكن ليه ماكانت من اول عشان الكل اللي مشا واللي راح يكون فيه ..

على العموم الدنيا فلله وسعه صدر :d

وفللها وفللها .. والوعد بالتجمع الرسمي او انشاء الله

يكون فيه تجمع صغيرون قبلهـ ..

وابشر بعزك من الفله والتصوير وسعه الصدر ..