السلام عليكم اخواني
اعلنا قبل مايقارب شهر عن فعالية السيارات المعدلة في اسبوع المرور
وحاليا باقي كم يوم على الفعالية يعني حتكون يوم الخميس الجاي
يعني الكل يستعد وجهزو سياراتكم وكميراتكم للحشد الكبير
ونرجو الحضور بدري مو زي المرة اللي فاتت بعضكم يقول نحسب بعد العشاء
ترى حيبدأ ترتيب ودخول السيارات من بعد العصر مباشرة وعلى الساعة
9 مساءا نكون منتهيين
وموقع الاستعراض بالمواقف الخلفية لسوق عالية المدينة ولاحد يقلي فين بالضبط
اللي يوصل للسوق ياخد لفة كاملة حولين السوق بيلقانا وبالنسبة للشباب اللي اول
مرة حيحضرو معانا يرجى ارسال رسالة خاصة بنوع السيارة ورقم الجوال
والشرط الوحيد لدخول هذا الاستعراض ان تكون السيارة معدلة ( شكل خارجي - مكينة )
يعني اللي سيارته شكلها لائق او مزودة له احقية الدخول وطبعا السيارات السبور
حتكون اساسية يعني معاك سيارة سبور كورفيت كومارو موستنج سوبرا ..... الخ
كله حيخش مو واحد يجيبلنا ونيت غمارة يقولنا سبور لاخلاء المسؤولية مو اكثر
وبالاخير سيارتك حتعكس شخصيتك حاول تميزها
كدا اتوقع مابقي شي كل شي انشرح وكله واضح وهذا رقمي 0541546764
اخوكم امين ربايعة مسؤول التجمعات ورجاء خاص لاحد يتصل الا اللي جي من برة
المدينة ومايعرف موقع الاستعراض او عنده شي مهم
ولاخلاء المسؤولية وعلشان ماحد يزعل يوم الخميس ماحرد ولا على مكالمة من
رقم مسجل عندي يعني جهزت سيارتك اتجه علطول عالموقع اتأخرت واذن المغرب
وانتا ماجيت دق سلف وتعال بسرعة اذن العشا وانتا برضك ماجيت
برضه تعال بسرعة صارت الساعة 9 اي اتصال حيجيني حيكون جوابه خلص التجمع
بعد كدا اللي عنده اسئلة متى بتنزل الصور او خلافها نتقابل بالليل بطريق الملك
ونجاوب عالاسئلة هذي
اظن كدا مرررررة مابقي شي
وسلامتكم وكل عام وانتم بالف خير وصحة وسلامة
للامانة منقول
رد مع اقتباس
تجمع لجميع السيارات المعدله بالمدينة المنورة
ضوابط المشاركة
مواقع النشر (المفضلة)