تجمع في البحرين؟
هلا والله بمحبي الهنادي بأنواعها،
بعد كل هالشغلات الحلوة اللي نشوفها منكم اخواننا السعوديين بالذات،
أمس وانا طالع مع صاحبي في موتري الجديد سيفيك 2009 :o
ما اشوف الا سيفيك لاحقني موديل 07 او 08 مو متأكد
وكانت متعة وحركات يشغل لي مصباح واسكر مصباحي وهكذا...
حسيت بشعور حلو وأخوي بين الهنادي وبيننا هههههه.. ===> قام يبربر ويهذر الحبيب
المهم يا جماعة ولا يقرب جنبي بعد ربع ساعة مطاردة ويقول لي اخوي هذي 2009؟ اقول له اي، يقول عليك بالعافية وانتبه لا تسرع فيها والله يعطيك خيرها ويكفيك شرها...
كان شعور حلو وأخوي متبادل، ما علينا من هالكلام والبربرة الزايدة،
أحس إن تجمعات الهنادي وهاللقاءات تكون حلوة وذات طابع خاص،
ودي ازور أحد هالتجمعات بس بالسعودية بعيد علينا خصوصا ضيق الوقت أحياناً،
في بحرينيين هونداويين ودهم بتجمع حليو بسيط، نتفر بالسيارات شوي ونروح مكان نقعد ولا شي؟
شرايكم يا جماعة الخير؟
ولا هالمرة اذا صار مجال بضربها السعودية حق شباب الشرقية واتجمع وياهم :d
مع السلامة،
أخوكم،
داركوس.
هلا بيك اخوي و بشعب البحرين الشقيق
و مبروك عليك الموتر
بالنسبة لتجمعات الشرقية فلحتى الان ما في اي خبر رسمي عن تجمع كبير للشرقية ... التجمع السادس
ننتظر الوقت المناسب ... اقرب اجازة و الجو يكون فيها حلو
الشباب الي يجهزوا لتجمعات الشرقية كلهم متواجدين و نتجمع بشكل اسبوعي لكن بشكل غير رسمي
تقريبا 10 هوندات
راح ينزل موضوع في قسم التجهيز للتجمعات اذا اتفقنا على وقت مناسب
تحياتي
تسلم يا اخوي كراش
والله لو في مجال ان شاء الله نزوركم وحتى لو في التجمع الإسبوعي الغير رسمي
حلوة هالشغلات وخصوصا الهوندات، أذكر أربع سي آر أكس بالبحرين دايماً كنت أشوفهم مع بعض في المجمعات والشوارع،
شي حلو وجميل :d
ضوابط المشاركة
رد مع اقتباس
مواقع النشر (المفضلة)