الموضوع: :: تقرير تجمع الشرقية الثاني ::

السلام عليكم

احم احم<<ممكن المايك لو سمحت

نبدا .....

اول شي احب ا ن اهني الجميييييييييييع على التجمع الرائع

والاروع حضوووور الشباب

واعتذر من الجميع :o

باني لم اطيل الجلسه معكم وودي اتعرف عليكم كل واحد باسمه

>>but<<
:(
الظروف تخلي الواحد طويل <;)

اللي صار معي ماهو شوي وصارت سواليف علىالخط وانا رايح للشرقيه وانا راجع على الخط

بس ربك ستر وماوصلت لسطحه
ولا صار حادث انقلاب
وان شاء الله مايصيبكم اي مكروه

والا ليت الزمن يرجع واراوي الا الليالي دور ويرجع وقتنا الاول وننعم في بساتنا

الا ياعيااااااال زمان اول احس انه زمان فيه صدق شعور نحب ونخلص النيه وتجمعنا محبتنا

<<خلاص عاااااااااد ترا بتنطرد

واهم شي انا اول شخص حضر التجمع

ورغم الظروووووووف اللي واجهتني

ومافيه اي واحد ينكر اني وصلت في وقت متاخر

والدليل اول سياره سيارتي

وعلشان تدرون

سيارة
العم بي يونيك
بالصفه الاولى بعد سيارتي

ولتدرون ميزة الـ2002 تتفوق على كل السيارات

<<بطل عاد لا تتصفق من( ؟؟؟؟؟؟؟؟ ) خخخخخخ

حبيت افضفض شوي عن هالموتر اللي خان العشره

وبعد هالزمن يخون في لحظه ماكنت اتوقعها

ولعلها وقت اخر

وتجمع الريااااااااااض قريباً باذن الله

نلقاكم على خييييييييييييير

نايس تو ميت اووووووووول

اخوكم / محمد بن عبدالعزيز

الف شكر لك على الحضور يا بو حميد
والله كنت اسعد الناس بحضورك يوم التجمع

شاكر لك ومقدر يوم انك تعنيت وحضرت رغم ظروفك
وتمنيت انك تبقى معنا .. لكن الحمدلله على كل حال والله يعينك على موترك

وموترك صراحة يستاهل يكون البداية دائماً
لان الاصل يبقى !!

;)

بعدين انت للحين متعقد من كلمة
>>but<<

؟؟؟

ياااااااااااااااا سلاااااااااااام

التجمع شكله كان رااااايق على الاخر

تسلم ايدك يا محمد على التقرير الراااااااااااااااااائع و الصور الاروع

اقتباس:
لكن المرة هذي كان ابو عزوز كأنه شارب شي مو مضبوط
^^^^^^^^^^
تظن انه خربها على اساس ان اليوم خميس ؟

و يا بو عزوز لا تشرب شي مو مضبوط .... تعال لي و انا اضبطه لك :d <<< يقصد بيبسي مع ثلج .. لا تروحون بعيد

و اما حكايه راعي التيوتا .... شي يحير !!
انا منكم اقوله تعال بالوسط و احاوطه بالسيارات و ما اوخر السيارات لين اليوم الثاني

و حكاية كوكوكورد شي ثاني ...... اخر 25 متر يا ظالم... انا منك اكملها و ادخل البحر :d
ما اذكر مين من الاعضاء سواها من قبل .... اظن جوفينتوس !!
خخخخخخ

لكم مني تحيه
و مشكور يا بي يونيك على التقرير الرائع و مشكور يا الوافي على طرح فكرة التجمع

ابو عزوز ما ادري وش كان وضعه ذاك اليوم لكنه كان مبسوووووووووط جداً
لدرجة انه ما كان يحس بنفسه !!

الله العالم وش السبب ؟!

تسلم يمينك اللي كتبت الرد يا عقيل
وان شاء الله نشوفك في تجمع الكويت القادم

;)

<< يبي يوهقك خخخخخخخخخ

:d

صراحه تخنقني العبره كل ما اتذكر الشباب الموجدين والذكرى الحلوه واقول ياليت

الزمن يرجع او

يوقف كان خليت الحياه كلها تجمعات عشان اتعرف بي الشباب الي حضرو ونورونا

اشكر الشويش فريد

والوافي

على اجتهادهم لي انجاح التجمع وكل من ساهم في الحضور



الله يعيدها من ايام ويجمعنا معاكم في جنات النعيم

العفو يا بو عابد ما سوينا الا الواجب

الله يجمعنا وياك في الجنة والله يعيدها من ايام حلوة

اخيرا ما بغى يطلع التقرير <<<اقول ما تعرف تشكر بدون تخنفر

والله مشكور على الريبورت <<<يا عمري انا يا ريبورت

وتراي زعلان عليك
لانك يوم خللصت الموضوع ما فكيت الأغلاق على طول
فا كان ودي اكون اول واحد يرد
تدري اني على الكمبيوتر من الساعه 3 اول ما حطيت الجزء الاول
وكل شوي اسوي ريفرش عشان اول ما تفتح الاغلاق ارد
لاكن عاد جت الساعه 5 ورحت اجيب سيارتي العزيزه من الوكاله
ولو انها خالصه الأربعاءاللي راح كان جيتكم
بس الجايات اكثر انشالله
على فكره :كان ودي احط حره الوكاله في ابو جيب تويتا وافقع وجهه

هو ترا شكله كان يبيكم تقولون له تعال نصور سيارتك
بس يوم طردتوه عند وقعد

انا لو اني محللكم كان خلليت السيارات القريبه منه يروحون الجهه الثانيه
عشان لو قرب
تقولون له : تبي نصورك يا بابا ؟؟
وافلقني لو ما استحى وراح


ومدري شكرتك فوق او لا بس مشكور على الموضوع

العفو يا مهستر
ما بغيت تشكرني

:p

وسامحنا على التاأخير في فتح الموضوع
بس ما كنت ابي افتحه حتى اخلص من تنسيق الموضوع بالكامل واتأكد من الفضائح الاملائية

راعي الجيب اول ما شافنا نصفط في السيارات جا وصفط في طريقنا
يعني الحركة مقصوده .. وناوي الاستقعاد !!



والله ودك تفقع وجهه لكن ما كنا نبي بالمشاكل وحنا ما اجتمعنا الا عشان نستانس
وبصراحة اشوفها صعبة انك تحرك 22 سيارة وتنقلها لمكان ثاني !!



لكن الحمدلله تسهلت الامور وضبط التصوير غصب عن خشمه

يعطيك الف عافيه اخوي بي يونيك على التقرير الرائع
والف شكر لمن ساهم في انجاح التجمع الرائع الذي لم احضره ولكن الصورة ابلغ

وان شاء الله نشووووف الجميع في تجمع الرياض

الله يعافيك يا تويتي
وننتظر الافضل منكم في تجمع الرياض

;)

ماشاء الله :d

من ذا اللي يصور

ماصور إلا سيارتين بس

المفروض ياخذ مسافه كبيره ويقعد بالنص ويصور كل السيارات بلقطه واحده


أما الموكب الصراحه شيء خيالي

بس المصور الله يهديه




المفروض سالفه راعي التويوتا ما تصير :(

كلموه بأدب إلين يستحي على وجهه ويروح

وإذا كان بجيح بـ زيادة أنتم انقلوا السيارات للجهه الثاني

إذا قرب هنا احرجوه مب تتهاوشون معه :(

بشويش يا بو سليمان الله يهديك
خذ نفس طيب

:d

والله التصوير لا تعتب علينا فيه لان السيارات كثيرة جداً
واذا تبي ترتبها بوضع تكون كلها واضحه يبيلنا نقفل المواقف

وهنا بندخل في سوء تفاهم مع الحكومة .. وهذا اللي ما نبيه !!



وراعي التويوتا الله يسامحه كان يدور للمشاكل ويبي يخرب
وحنا والله ما نبيها لكن هو اللي فرض نفسه علينا وآخرتها اكلها على وجهه وصورنا وخلصنا وهو يطالع

والحكومة ذاك اليوم كانت كذا

بصراحه كل كلمة اقولها ماتحصي اللي صار ...

تحيه جبارة الى نائب ادارة النادي :d

بصراحه التقرير اكثر من رائع فعلا ,, بس حرقت قلبي اليوم . .
تكتب جزء وتروح تفرفر مع الشباب ;) وبعدين ترجع وتكمل جزء ثاني
بس والله انك مبدع !!!

اما ياشباب عشان راعي الاف جي ,, هذا توه في يعنوان شبابه :d
خلوه فرحان حبتين قبل لاتقلب عليه الحياه ,, ويشتري هوندا ويسجل بالمنتدى ’’

تحياتي ,, والله ابدعتو ,,
مافي تجمع مع عيد الاضحى :d

انا متأسف جداً على حرقة الاعصاب يا عويشق بس ما كنت ابي افتح الموضوع حتى انتهي منه
والحمدلله انه حاز اعجابك ورضاك



وبالنسبة لعيد الاضحى
اذا تبي تجمع شد حيلك .. نسق له وانا معك من خلف الكواليس

;)

B Unique <<<<<<<<<ونعم والله


الصراحه انا اقر الموضوع اتخيل اني معك


اشكرك على تفاضيلك الحلوووه
ودمتم

ونعم فيك طال عمرك
والحمدلله ان حاز على اعجابك

اشكرك على ردك

واللة تشرفت بمعرفة الاعضاء والمشرفين والف شكر لكم واعذروني على اني تحركت
بدري بس خويي كان مستعجل ونفس الوقت حسيت السيفك جاية غلط بين الاكوردات

لنا الشرف بمعرفتك طال عمرك

بس ليتك جلست عشان نتعرف عليك اكثر ونصور سيارتك مع سيارة سلمان و massari لان سيارتك ما شاء الله ما كان لها مثيل في التجمع ونادراً ما تشوفها في الشارع . حتى اذكر اني قلت لك ان السيفيك لها وضع خاص وحطيتك في المقدمة من الجهة الثانية . بس انت الله يهديك عجل !!

على العموم ان شاء الله الجايات اكثر وابيك تعرف ان تجمعنا ماهو مجرد تصوير سيارات

;)

B unique................... محمد البيشي

الله الله عليك .. يامبدع ..

أنا فعلاً كنت أنتظر التقرير عشان اعرف وش صار بالتجمع ..
بس مثل هيك تنظيم وتصوير رغم ان الكاميرا مش ولا بد ..
بس
رووووووووووووووووووعه ..

من جد أبدعت .. الله يعطيكم العافية جميعا .. بدون استثناء

المنظم (( الوافي)) والمصور ومعد التقرير ((B unique )) وجميع الحاضرين

أهنيكم بصراحه .. ياكذا التجمعات يابلاااااااش ..

يلا انشاء الله نغطي عليكم هنا بالرياض .. أنا ومعي حبيبة قلبي 2008
يااااااااااااااااااارب

تقبلوا تحياتي ..

صحيح الكاميرا تصويرها مش ولا بد لكن لا تنسى انا كنا في ليل .. والوضوح لازم يفرق !!

على العموم اشكرك على الكلام المعسول
وان شاء الله نشوفك في تجمع الرياض القادم راز بالاكورد 2008 . وتجمعكم يكون احلى واحلى !!

ياسلام سلم أخيرا نزل التقرير كنت متوقع ينزل بعد اسبوع >>> ماينعطون وجه :d

ماشاء الله ماشاء الله عدد الحضور حلو جدا جدا وان شاء الله بيجي اليوم اللي 100 هوندا متجمعه مع بعض

والاكشن اللي صار هذي ميزه أصلا حلاوة التجمعات انه يصير فيها أكشن وزين وقفت على كذا ولازادت عن الحد

أسجل شكري لكم واعجابي بالتنظيم الرائع والتقرير المميز لكن حبذا لو فيه صور زيادة >>> ترانا ناس نحب الصور

وماشاء الله صراحة أكورد سلمان وسيفيك مساري مسكتات من جد

مشكور على المرور يابو ايدين واجد
وكيف نعيش بلا آكشن



وبعدين صور خلاص ما فيه .. 45 صورة ولا شبعتوا ؟!

:p

أفااااااااااااااااااااااا ...... إسمي مش موجود .......... شكلكم ما عرفتوني !!!!!!!!! أنا إللي و وجهي منفخ من النووووووووم خخخخخخخخ <<< === والله فضيحه

اضفت اسمك للقائمة اخوي الظل
وسامحنا على النسيان

:o

واااااااااااااااااااااااااااااااااااااااااااو تجمع رهيب ماشاء الله

تكفون انا راح اشتري اكورد باذن الله 2008 واذا راح يكون تجمع تكفون عطوني خبر قبل التجمع بكم يوم علشان استعد وجي وياليت يكون تعطوني المكان والوقت بظبط
الي ينظمون التجمع
وياليت بعد تحطون الموضوع مثبت في قسم من الاقسام علشان الكل يشوفه ويعرف
انا الصراحه مادري وشلون طريقتكم في الدعوى للتجمع بس ياليت ترسلون لي على المنتدى قبل التجمع بكم يوم او بكم اسبوع علشان اجي لهناك وياليت بعد واحد من الي ينظمون التجمع يرسلي ويعرفني باسمه علشان اذا جيت انادي بسمه وخليه يستقبلني ويعلمني ويرتبني بعد هههههههه
لاتنسون




طبعنا اغصد التجمعات الي تكون بالشرقيه الخبر او الدمام ولو بعد في فالاحساء لاني من الاحساء كان زين خخخخخخخخخخخخخ


سلام

ما شاء الله تقرير ولا اروع اخوي B Unique

هذي الجمعات ولا بلاش

ان شاء الله بالتجمع القادم نكون معكم

المشاركة الأصلية كتبت بواسطة JUVENTUS

فتنة تلك التجمعات
تقرير اثار لدي عالم الفضول والدهشة المباغتة ، تسلل الى ذاكرتي بصخبه وبركانه وزلزاله ،

توقفت هنا وهناك كي التقط انفاسي من لهيب الصور والجمل ، وتلك الروعة التناثرة بين

وريقات الكلام .

عذوبة ترتسم على المحيا ، تهتف بصوت ملائكي وتنهيدة ساكنة بين الضلوع .

اماني محلقة في السماء بين الغيوم ، تنشد عن السفوح والجبال .

قمة في العطاء والتجدد .

التقرير نثر كل احاسيسي ، كيف التقطها الآن ؟

صور اسكنت عيني

وهام على ضفاف قلبي

فاشرق مع الشمس بنور آخر

لا ادركه .

لان التقرير سرقني دون ادري

تحياتي لك أخي محمد

فعلا تستحق دون جدال

أن تكون

نائب المدير

شكرا

يسلم بوئك:d>> ايش هاذا ياجوفنتوس والله كلمات والحان

شكررررررررررررررررا فريد باشا <حينما يكون للتميز والابداع عنوان؟

المشاركة الأصلية كتبت بواسطة ل ن ن السعودية 1 1 8

لاخونا ابو عزوز.. لانه رغم التعب اللي فيه ما نام ولا دقية لين وصلنا بيته لا ويوم نزلته لبيتهم كان على اتصال معي لين ما وصلت بيتنا فله مني جزيل الشكر:p:p:p:p:p
>>>>>>>>>>>>> اشوا انه نايم من يوم طلعنا من الرياض لا يوم وقفت اخذ قهوة اقوله تبي يقول لا اخاف يطير النوم... يعني ناوي النوم ومخلص
واي محاولة جحد او تكذيب لي ترا الصورة موجودة;)

الحمد لله ... B Unique كان متعقد مني من هالشغلة ... :p
والحمد لله انقلت العدوى نهائياً مني لأبو عزوز .... اللهم ربي لك الحمد والشكر ...

المشاركة الأصلية كتبت بواسطة ل ن ن السعودية 1 1 8

يالله على العموم لي رجعة للموضوع للرد على بعض الاتهامات << شكله ما وده يخلص ذا


مع السلاااااااااااااااااامة

قاعد احتري ردك على احر من الجمر ..
تبي اطلع باقي الفضايح ؟؟ خخخخ
بوك
اغراض
مخدة
جوال
مفتاح السيارة
>>>>>>>>>>>>>>>>>>> مايحتاج.. خلاص تعرف الباقي خخخخخخخخ