الموضوع: تجمعات الرياض الأسبوعية

ان شاء الله اني ابجي هذا إذا ماضيعت >>>بدا يخمبق:d

الله الله يشباب اتركو عنكم الصِيف(التأخر) :d

آعزآئي مجموعة هونداء الشرقيه <_ سلامات !!!؟

وش رايكم نسوي تجمع قريب يعني فله ووناسه وتعارف

حددو الوقت والمكآن

والله عيب عليكم ..

من صلاة العشا للحين

أنا وستيــــــــــــــنغ

ويالله يالله .. فرحنا بجيت الملكة أكورد وووو هنادي والناس تنادي

أما البقية .. :p

(( تم كتابة هذا الرد من موقع التجمع ))

تحياتي

^^^^^^^^^^^^^^^^^^^^^^^^^^

حبيب قلبي انا فرفرت هناك لييييييين ما قضى البنزين بس المشكله اني ما اذكر الا ملاهي الخيمه ولا اعرف اسم المقهى :( :( معليييييش يعني

ياخي انا قعت ادور ادور مالقيت شي وقلت شكله ماجى احد وين المقهى الي تقولون مالقيت مقاهي واخرتها خذت عشاء ورحت البيت

تجمعنا وانبسطنا

والى ما جاء ويقول انه ما دل المقهى

يا اخي العزيز حنا كاتبين وين موقع المقهى وحاطين صور

لاكن شكل ما فيه احد يقرى ويناظر

وقلنا الى ما فهم الوصف يسئل

اكثر من كذا ما ادري وش نسوي!!!!

بسم الله الرحمن الرحيم

تقرير التجمع اليوم الخميس الموافق 29 محرم 1429

في البداية الي ماحضر بحجة انه مالقى المقهى أقوله كان من بدري عرفت الوصف مو بعد ماتطلع من البيت على أمل انك تلقاه صدفه ..

وبعدين accord 2002 محمد كان يحط ألف مره ان الي يبي اي استفسار على الخاص ولو طلبت منه رقم جواله مابيقصر معكم أبو حميـــد يعني بإختصار (( مالكم عذر ))

ــــــــــــــــــــــــــــــ

تم التجمع بحمد الله وكنت أول الحاضرين
أنا و s t ! n g
طبعا دخلنا لمقهى كوفي مونت مكان التجمع

سولفنا شوي وبعدين جبت لعبة الشطرنج كانت معاي بالسياره
ولعبت أنا وهو وطبعاً كان محجر لي في البداية

وأثناء اللعبه حضر كلاً من

الملكة أكورد

و

هنادي والناس تنادي

وسواليــــــــــــف وفجأة

حصل الي ستينغ ماكان حاسب له حساب

حجرت للملك حقه وصار في وضع لا يحمد عليه

ان تحرك يسار أكلته بجندي
وان تحرك يمين أكلته بالوزير
وان تحرك قدام أكلته بالخيل

يعني فايز فايز الله لا يعوق بشر ------->> ياحظه:d

ومن هنا .. بدأ الاعضاء بالحضور بالتوالي كلاً من :-

المسافر
606
كينج
ل م س

وطلع نور من بوابة الكوفي ..
ودخل بكل هدوء ----->>غريبه بكل هدوء:d

العضو المؤسس وحلاة الجلسة كلها ..

ن ك د
ومعاه
م م و

ويتبعهم برضو المؤسس
دحوم

والنخبة accord 2002 التحلية

ومكسور الجناح

والعضو الجديد - أكورداوي 2008

ثم سمعنا

كووووووكووكووووووووكووو

كوكو كورد

وقبل لا نطلع بشوي

جا صديقي ..
عبــادي عاشق هنادي

وكانت الجلسة سواليف وفلله وضحك ونتفنا في كم واحد من الأعضاء

ومابين متابعة للمنتدى ومشاهدة المواضيع والتعليق عليها ..

الى الساعه 12 الا ربع

طلعنا من الكوفي الي كان ملىء بالشعب المصري ..
مصر وووووو ساحل العاج
4-1 لمصر
ألف مبروك لهم ويستاهلون ..

وكل ما جا هدف نكوووووود يعصب ويبي يروح يتفاهم معاهم لكن دحوم كان يمسكه ويهدي الوضع

المهم ..

طلعنا نتعشى

وفجأة نلقى واحد مضيع موقف عند الباب ..

طلع
ل ل ن

سلمنا عليه وتواعدنا على التحلية

تجمعنا عند موبايلي الي بشارع محمد بن عبدالعزيز -- الأمير حفظه الله
مو الزراديه الي معنا ........ يبطي والله

وبعدها رحنا مطعم هرفي الي بشارع الثلاثين العليا

وكالعاده سحبنا نص طاولات المطعم ..

ومصر ورانا وين ما طلعنا جمهور يشوفوا المبارة في المطعم ---->> الطفرة شينه:d


وتم التجمع على خير ......... والحمد لله رب العالمين

اترك المايك لكم


تحياتي

Black Accord 2008

يعطيك الف عافيه على التقرير



وتشرفت بمعرفة الاعضاء

^^^^^^^^^^^^^

وحنا تشرفنا بوجودك ..

وانشاء الله دايم نشوفك بكل تجمع

افا وانا جحدتني برى الموضوع ما مليت عينك صلوحي:d

الله يعطيك العافيه ياصالح تقريرك
ماخليت شي:d

بلاك اكورد 2008 : يعطيك العافية على التقرير بس وش رايك في تشجيع المصريين (ايوا هو دا الكلام) ههههههههههههههههه .

تحياتي ،،،،

والله فاتني التجمع ....كنت بالشرقيه واهل الشرقيه نايمين:(

واليوم واصل وبكرا مكه ...واهل مكه نايمين:(

لازم نضبط وقت ونتجمع اخر مره كانت بالمخطط ...:d

لكن الترم الجاااي طوييييل وان شالله ابتجمع معكم كثييير

الله يهنيكم..

بس لاتكثرون تجمعااات انت وياااه لين ما اجي من مكه ....

والسلاااام

يعطيك العافيه على التقرير صلوووح


ومو مهم نكتب وش صار المهم اجتمعنا فيكم وسفنا بعض الاعضاء الجدد وتشرفنا بمعرفتهم

والجايات اكثر ان شاء الله ونشوف اعضاء اكثر واكثر
واقول هارد لك للي ماجو

تحياتي لكم

في بعض الناس يبيلنا نفضحهم .. فنقول وبالله التوفيق

بسم الله الرحمن الرحيم ..

المشاركة الأصلية كتبت بواسطة يامطنش

افا وانا جحدتني برى الموضوع ما مليت عينك صلوحي:d

أقول يانصراوي يامهزوم

2-0

لك وجه بعد تدخل النت أصلاً

وفوق هذا كذاااااااب عيب يابابا عيب

الا صدق وينك ؟؟

تتغلى انت والبانوراما الي معاك ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

المشاركة الأصلية كتبت بواسطة accord2002

تقريرك ميييييييييييح


من وين لك دحوم جاي قبلي والا نكد وصل قبلي

حبيبي وصلت انا وبعدين نكد وممو وبعدين دحوم واكورداوي2008 وبعدين كوكو كورد وبعدين لنن

وكم واحد استاذن


والله يان تقريرك سواليييييييييييييييييييييييييييييييييييييييييييييي ييف

وانا ابكتب التقرير وانا وانا

ومن هناك >>>خخ خييييييييييييييخ

وين بطل التجمع وين راح ضحية التجمع
وين وين

خلييييييييييييييييييييها وعليييييييييييها

يعطيك العافيه ع التقرير >>اقصد مسكتك للمايك هع هع


>>تدري ليه..:p

طيب وش تبي غير السواليف

ولا ودك أحط صورة وجهك يوم قفطناك بالكعععة الأليمة

هوندا أكورد 2008 لايجود فيها الـ vsa
------->>التحلية

أقول اركد هااااااا ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

دحوم .. كيف الحال ..

بالنسبة للضحية ماكان في ضحايا ولله الحمد ..

أما تعقيباً على ردك

المشاركة الأصلية كتبت بواسطة دحوم

بلاك اكورد 2008 : يعطيك العافية على التقرير بس وش رايك في تشجيع المصريين (ايوا هو دا الكلام) ههههههههههههههههه .

تحياتي ،،،،

أنا مافقع مرارتي الا الي قام في مطعم هرفي يكلم

((( أيوا يام خالد دول لعيبه والله بيسوو الوطن العربي كوله )))

يعقب والله لا هم ولا لعيبتهم ..

والبقية مشكورين عالشطفه الجميلة للموضوع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

الوافي

الله يسمع منك

ولا تحرمنا طلتك علينا يابعدي

وتحياتي للهلاليين فقط:d

والله مالنا عذر بس والله كنت ملحووووووق من عرفت انكم عند ملاهي الخيمه ابد صليت المغرب ودزيت للعليا تمشيت شوي ورحت لملاهي الخيمه ما دققت على الكفي كنت حاط فبالي اني بشوف اكوردات واجد قدام المقهى وبصفط وادرعم ههههه

بس لازم نشوفكم قبل لا امشي الشرقيه ان شالله التجمع الجاي