فيه قسم سواليف
:d
عرض للطباعة
فيه قسم سواليف
:d
وش رايكم نسوي تجمع يوم الخميس الجاي ويكون الساعة 4:30 يكون مكان التجمع أحد هذه الاماكن :
1- الثمامة (الدوار الثالث ) عند مخططات الرشوش
2- مواقف غرناطة مول (مخرج 9)
3- مواقف إيكيا (مخرج 16)
أماكن لا فيها زحمة ولا شي وعندك حرية التصوير
وراح يكون في هالموضوع تصويت لاحسن مكان
وينكم ياشباب الرياض
موجودين
بس خوفك من المرور يسبب قزوشة
الاماكن اللي أنا كاتبها مالهم دخل فيها المرور
بالنسبة للثمامة المكان اللي أنا قايل عليه حلو ومافيه مرور وسوينا تجمع على أيام الكورولا يمكن بحدود 60-70 سيارة كان تجمع ملاك الكورولا والكامري ولا كان فيه لامرور ولادوريات مادامك في حالك ولاتفحط ما أحد بيعترضلك
مواقف غرناطة بيكون مكاننا عند الفندق اللي شكله مثل اليخت ومافي أحد
مواقف ايكيا حلوة بس مشكلتها التجمهر يعني ناس متخصصين للإستهبال
طبعا أطلق مكان الثمامة وعندي اقتراح اذا خلصنا التجمع كالعادة نشوف لنا مكان قريب ونجلس فيه وسواليف
انا تصويتي للثمامة
بأذن اللهـ سوف يكون تجمع
يوم الخميس
عند مخططات مركز الملك فهد الثقاافي
اقتباس:
الوصف.. من الجنوب
- طريق الملك فهد (متجه شمال) مخرج وزارة الداخليه
- تلف يسار بعد الاشاره ..(طريق المعذر)(مركز الملك فهد الثقافي)
- تعدي كم اشاره .. وتنزل مع النفق .. وبتقابلك اشاره عديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
...
الوصف . من الشمال
- طريق الملك فهد متجه جنوب يجي مخرج وزارة الداخليه
- تاخذ المخرج .. مع الاشاره تلف يمين.. (بتشوف لوحه مركز الملك فهد الثقافي)
- تعدي كم اشاره .. وتنزل مع النفق .. وبتقابلك اشاره عديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
الوصف ..من الشرق
- طريق خريص متجه غرب .. كانك رايح لطريق الملك فهد
- تعدي طريق الملك فهد وتخش باول مخرج (التخصصي)
- تلف يسار مع الاشاره .. وتمشي سيده تعدي الاشاره الاولى وبعدين بيجيك نفق
- تصير فوق النفق وتلف يمين(يعني لاتنزل مع النفق)
- وتجيك اشاره.. تعديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
ووصف من الغرب
-اطلـع مـع الجسـر المعلـق الى نهـايتـه بعديـن أخـذ يميـن مـع طريـق جـده السريـع
-اول مخـرج يميـن رح معـه يجيـك الـدوار خـذ معـه يسـار وسيـده يجيـك تقاطـع خـذ
معـه يميـن
-وسيييييييـده اول دوار سيييده ثانـي دوار( الصـالات الـريـاضيـة ) أخـذ معـه يميـن وسييده اليـن تجيكـ الاشاره تعديها .. وتخش مع ثاني لفه (اللفه وسيعه مدخلل للمخطط
خش يمين
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
ان شاء الله نكون من الحاظرين
مع مفاجأت
أكبر وأكبر وأكثر
احم احم
:d
سجل 4 نفر
اتمنى شاهر يجي
عبدالله العتيبي و محمد الشثري ناصرالمطيري
وش رايكم في موضوع مسويه لشباب الرياض
http://www.hondaarabia.com/club/t41234/
اسمح لي يابو دلع بدمج موضوعك مع موضوع تجمعات الرياض المثبت عشان اغلب الاعضاء مايعرف الا هو
ومانبي تشعب لمواضيع اخرى في القسم
والله يقوييك
^^^
يعطيك العاافيهـ
اللهـ يحييكم يوم الخميس
لايجي احد ويدهـ فاضيه
ولا احد يكلف على نفسهـ
الملك أكورد
يعطيك العافية وماقصرت
ــــــــــــــــــــــــــــــــــــــــــــــــــ ـــــــــــــــــــــ
بالنسبة لشباب الرياض فيه تصويت في اعلى الموضوع هذا لاحسن مكان برأيك وكل واحد له حرية الأختيار
^^^
انا اايد كلام الرجال
:d
ابو دلع
عندي لك فكره كانك تبي تسوي تجمع كبير لللاعضاء خله الاسبوع الي بعده ( عشان يعلم الغايب و الحاضر ) وعشان يكتمل التصويت
والاسبوع هذا في مركز الملك فهد الثقافي
انشاء الله انا راح اكون موجو وزي ما قل برهوم 4 نفر اكيد لم يجون لنهم هم زينت التجمع
انا اتوقع ان مواقف ايكيا مناسبه
ننتظر باقي الاعضاء .....
<<< علشاني من سكان الشفاء وقريب من عندي :d
خلاص ان شاء الله يوم الخميس عند
مخططات مركز الملك فهد الثقافي
رقمي
0530850880
ان شاء الله اكوون من الحاضرين عند الملك فهد الثقافي.
اعتذر عن المداخلة.!
بخصوص رد اخونا الغالي "m3 nfsk"
المتفرض اننا مانعتمد التجمع لأنه جاء بعد رد "أبو دلع"
وأبو دلع له الأحقية في التجمع كبداية, لذلك انا أرى في نفسي ان تتم التجمعات في إقتراح أبو دلع والتجمع القادم يكون مثلا ً عند مركز الملك فهد الثقافي. (إذا ابو دلع موافق على تجمع مخطط المركز الملك فهد يكون مافيه مانع)
حتى مايكون فيه تداخل في موضوع التنسيق والتجمعات, مالها داعي بكرا يجي احد ثالث ويكمل الباقي ويقول خلينا نسوي تجمع بالمريخ!!, اتمنى انكم تتفهمون الرد وحتى مايكون فيه اي مشاكل او حساسية بين الأعضاء.
الموضوع ماوضع إلا لتجديد اللقاء بين الأخوان والاحباب. :o
^^^
كلامك
100%
اسعد الله صباحكم جميعا
تم اضافة استطلاع متجدد للموضوع في اعلى الصفحة وهو فكرة الاخ ابو دلع بحيث اي تجمع اسبوعي يقترحه احد الاعضاء ويشرف عليه
يبلغني برساله على الخاص او في ملفي الشخصي بالاماكن اللي يقترحها هو ونظيقها للاستطلاع ..ونترك المجال مفتوح للتصويت الشباب الى ماقبل التجمع بيوم واحد
بعضكم بيقول ان التصويت ماراح يكون دقيق لان في ناس من برا تدخل ويصوت وهو ماله علاقه
واقولكم اللي بيصووت ياليت يرد على الموضوع يؤكد صوته ونتمنى ان لايصوت الا اللي بيحضر لاننا بنشييك على اسماء الاعضاء
المصوتين
ونتمنى لكم تجمعات ممتعه
الحين التصويت متعادل
أهم شئ ياشباب نشوفكم وتعالوا بدري مو مثل الخميس اللي راح