تجمعات الرياض الأسبوعية

مشكوور اخوي محبي هوندا تحيا تي الفارس550

انا من رأي انه يكون يا ففي كورنيش الدمام او كورنيش الخبر او كورنيش سيهات او كورنيش القطيف مجرد رأي وإلي موافق يرفع ايده...... قصدي يختار واحد من هل الأماكن وإلي عنده مكان
ثاني يقترح علينا....
سلام

نقول بأذن الله موعدنا الجمعه
أقصد اللي بالرياض :d

اقتباس:

---

المشاركة الأصلية كتبت بواسطة NETRO

وانشالله اني انجي لخريص بس بعييييييييييد :(

ابحط فيري:cool::d

---

بقلي شوي :p ولاتنسى زمزمية الشاهي :p


وان شاء الله اكون من الحاضرين المبكرين الى المكان المخصص لنا <<عطوه جوه



سيووو ليتر

طيب شباب الشرقية

اشرايكم احسم لكم المااااضوع>>>>اصلح مدير صح:rolleyes:

خلاص التجمع يكون بكورنيش الدمام عند جزيرة المرجان اوووكي......بس الله لا يهينكم نبي واحد يحدد لنا مكان جيد حق التجمع لاني بصراحه ما عندي خبره كثير بشوارع الدمام

ويكون التجمع بعد صلاة العشاء اوكي

يالله شباب لا تخلو شباب الرياض يغلبوكم>>>'طالب حرش;):p

طبعا لا تنسو التجمع يوم الخميس هـ 1428-12-25

شباب الشرقية وشباب جدة وشباب القصيم ...

التجمع الاول ما يهم وين يكون .. مو لازم تتكلفو فية ..

تجمعنا الاول اللي صار في بيت الكيف ,.., بعد مشاورة الاعضاء عن رأيهم فية اغلبهم قالو المحل كتمة !!

عادي جداً لأن المهم هو التجمع الثاني والثالث والخامس والالف ,,,

لايهمكم مكان التجمع الاول ,,,
اتفقو على اي شي اي مكان ..
واذا اجتمعتوا فية مثلا حضر 8 اشخاص ,,,
هذا الوقت قرروا وين تحطون التجمع الثاني وراح يعجب الجميع ,,

888
وين الي يفهم...

بصراحه يا كوكو عليك افكار اوكييييييييييييييييييييييييييييييييييييييييييييييي ه

وين اللي يفهم!!!>>>>>قوييييه


صدقت اخوي كوكو كورد اي مكان عادي بس ماني شايف تفاعل من الاعضاء من شان نتفق ع المكان!!

وانا توي جديد بالمنتدى ولا اعرف الا 3 اعضاء بالمنتدى

بصراحه فكره مرررررررره نايس ومشكووووووووور عالموضوع
وانشاء الله يكون في تفاعل من الاعضاء وانا اقترح
انو نسوي غرف باسماء المدن وينكتب فيها
مواعيد التجمعات ولا تنسوا اهل مكه
ولو كان في جده عادي ننزل جده عشان الحبايب
وكمان لا تنسوا ينبع مع انو كل ينبع طلاب الكليه
بس برضو خليلهم من الطيب نصيب
ومشكووووووووور كوكو عالموضوع الجيد دا
سلاااااااااااام

ياشباب الشرقيه اتفقو على موعد الخميس وسوو اجتماع كويس

فيه تجمع قريب انشاء الله

حددو موعد تجمع في الشهر مره .

شباب لو اعزمكم على زواجي هل تحضرون ولالا

زواج مسيار خلوها سريه :cool:

وينكم شباب ما احد يبي يحي>>>>ماحد عاطيه وجه:(


ع العموم انا بصير موجود عند جزيرة المرجان يوم الخميس اذا حصلت احد كويس واذا ما حصلت شلت عفشي ومشيت اوكي 'طبعاً [و ح ر السعودية 032]
اكورد اسود جنوط فتحة تحصلوني فاتحها لازم
واللي بيجي حياااااه الله واللي ماهو جاي..........كمان حياااه الله

يسلم راااسك بعد حيي


والله يعطيك ألف عااافيـهـ ,



طيب أهل الخرج وين يتجمعوون <<<<<< خخخخخخخخخخ

اي مدينة ما عنده واحد اسمه مصعب



مسااااااااااااااااااااااكين

مو قصور بالاعضاء الباقين لكن احق ينقاااااااااااال


انا اقول المفروض يلف اخونا مصعب على كل المدن يسوي اول اجتماع ويمشي


وش قلتم انا موافق << وهقه :)


سلااااااااام

هيييييييييييييييييييييييييييييي..

يبو انت وياه .. يعني ماصدقتوا انشغلنا شوي بهالاختبارات ..

اجتمعتوا وخلصتوا ..

والله أنا حاااااااااايس اختبارات بالجامعه ..

بس الجمعه الجايه الي هي بكرة .. أوكي

والمكان تمااااااااام .. هو هو مكان الهجولة ..

حبيبي مصعب .....

أهنيك على موضوعك الرائع وفكرته الاروع .. وبكره ببوسك انشالله ..

يلا سي يو ان شاء الله ..

توووومووووروووو ------> أحد فهمها ؟؟

تحياتي

اقتراحي بالنسبة لمدينة الرياض مقهى انيجما خلف الفيصلية لايفوتكم روعة .

اقتباس:

---

المشاركة الأصلية كتبت بواسطة دحوم

اقتراحي بالنسبة لمدينة الرياض مقهى انيجما خلف الفيصلية لايفوتكم روعة .

---

اذا هو الى قبال المطعم الصيني فهو مكان تمام :d

إذن الحي القيووووم




بأحاول اجي


اهم شي نشووفككمم

السلام عليكم ,,, كيفكم ؟

المهم .. حبيت اذكركم ان اليوم (( الليلة )) موعد اللقاء الثاني لأعضاء منطقة الرياض :)

الموقع : - قهوة كريم -
اليوم الجمعة ليلة السبت الساعة 8.15 الموافق 4-1 - 200 م - 25-12-1428هـ .

مدة التجمع (( ساعتين )) كما التجمع الماضي واستعداداً لمشاغل السبت دوامات ودراسة ... والوقت قابل للزيادة حتى يطفش اخر عضو:d

وصف الموقع :

* تقاطع خريص مع شارع الامير تركي بن عبد العزيز
المحل معروف ومشهور بالزاوية ,,,

* اللي جاي من شرق الرياض ..
يمسك خريص ... يعدي مخرج التخصصي لأن اللي بعدة هو تركي بن عبد العزيز ..
يطلع مع المخرج تجية الاشارة ... يناظر على يمينة يلقا ( قوة كريم )
* اللي جاي من غرب الرياض ..
يمسك خريص لين يشوف مخرج تركي بن عبد العزيز ويطلع معة يسار وبلاقي اللوحة (قهوة كريم ) واضحة .

الوصف للي مرة ما عندهم نفيقيشن خخخخ خييييخ خييييخ

* اذا كنت بشارع التحلية ..
انزل لين نهاية شارع التحلية ... يعني متجة غرب ..
يعني العربة , المساء , coffe time , كلها على يسارك ,,
انزل لين نهاية شارع التحلية ... مرة لين نهايتة .. اقطع طريق الملك والتخصصي واي شارع اخر للنهاية..
بيجيك نهاية التحلية حرف T
هذا هو شارع الامير تركي بن عبد العزيز ,,
اطلع يسار وعد كم اشارة لين تجيك اشارة طريق خريص .,,. وانت واقف عندها ناظر على يسارك ,, تلقى (قهوة كريم )

اخوي دحوم و S T ! N G ,, حنا متفقين من التجمع الاول على هالموقع ,, وعشان ما نلخبط الاعضاء ... نناقش موضوع المقهى حقكم في التجمع اليوم :)

اخواني اعضاء الشرقية وا عضاء الغربية واعضاء القصيم ..
وش صار عليكم ؟؟ نايمين في العسل ؟؟

اقتباس:

---

التجمع الاول ما يهم وين يكون .. مو لازم تتكلفو فية ..
تجمعنا الاول اللي صار في بيت الكيف ,.., بعد مشاورة الاعضاء عن رأيهم فية اغلبهم قالو المحل كتمة !!
عادي جداً لأن المهم هو التجمع الثاني والثالث والخامس والالف ,,,
لايهمكم مكان التجمع الاول ,,,
اتفقو على اي شي اي مكان ..
واذا اجتمعتوا فية مثلا حضر 8 اشخاص ,,,
هذا الوقت قرروا وين تحطون التجمع الثاني وراح يعجب الجميع ,,

---

مثل ما قلت .. ومثل ما قالو ..... وين اللي يستوعب ؟؟؟

اقتباس:

---

المشاركة الأصلية كتبت بواسطة ل ن ن السعودية 1 1 8

اي مدينة ما عنده واحد اسمه مصعب
مسااااااااااااااااااااااكين
مو قصور بالاعضاء الباقين لكن احق ينقاااااااااااال
انا اقول المفروض يلف اخونا مصعب على كل المدن يسوي اول اجتماع ويمشي

---

يالقصيمي عليك حركتات .. طيب تحرك وتصير افضل من مصعب ...

على العموم لجميع الاعضاء اينما كانو .. القصيم الشرقية جدة .. انا مستعد اسوي التجمع في بلدانكم وتحضرون وتفلونها وانا في البيت ... بس ابي صملة .. ابي ناس مستعد فعلا ودها تلتقي بالاعضاء الاخرين ,,,
مابي اعضاء نامين .. يووة بعيد المكان .. لالا مايعجبني .. مشووووااار ... بررررد ... :mad:

المكان الاول ما يهم .... التجمع الاول علي انا اتكفل بموقع تجمعكم .. وانتو قرروا بعدة وين مكان لقائكم الثاني بكيفكم في المكان اللي ترتاحون فية ...

على فكرة اعضاء تجمع الرياض اللي بيجون اليوم ..
في مفاجأتين ..

فية عضو جاي من الشرقية ..
المفاجأة الثانية .................. 30% ........................ اذا حضرتوا تعرفوها ..

دمتم بود :)

دمتم بود ...

الجو في الرياض قبل شوي سوا حادث وانقلب <<<<<<<<<<< ما يعرف يسولف ..!!

المهم الجو صار غيم والشمس اختفت وبأذن الله انها بتمطر .. اكثروا من الدعاء خاصة انة يوم الجمعة وفية ساعة استجابة ..

المهم .. مهما كانت الظروف مهما صار .,. مطر ثلج جليد برررد .. التجمع مستمر وفي نفس الوقت وفي نفس المكان بأذن الله تعالى...

اللـه يتممهـا على خير ^^


ويرزقـنـا بالغيث اللهم أغثنـا



وبأذن اللـه راح أدق على ل م س وجـاينكم بأذن اللـه



من عقب صـلات العشـاء تعـرفون زحمه يوم الجمعه من البديعه ^^

>مصدقين فيه تجمع هه ههييييي>وين خخ خيييييييي

>واضح انو او انه بيتصفق

تجمعكم هذا الي مابيحضر بياكل هوا في التجمعات القادمه

ثم يمشي عليه نظام الرسميات ...

خلونا نكسر الرسميات من التجمعات هذي الصغيره

بعدها لماتجون للتجمعات الكبيره ماراح يكون رسميات

راح يكون انواع الفله والميانه والهبال

شدوحيييييييييييييييييلكم

وبكره مدارس وجامعات

تعالو فلوها قبل ماتبدا اختباراتكم والواحبات البايخه >يشوفها مع اخوه خخ خيييييي

نحتريييييييييييييييكم

علشان يصير الشغل pink

يا اكوس واااااااااحد يا مصعب انت :cool:

ان شاء الله بجيكم اول واحد بالعالم << كيف التعبير بس :d

شوفوا كيف يا أهل القصيم .. الناس تجتمع وحنا كل واحد بدارهم ..

إن شاء الله ندرس الوضع مع كم حبة من الشباب ونطلع للبر .. :cool:

و د ا & ل ن ن : سياراتكم الثانية جاهزة -الجيوب-;)

افا عليك كل شي جاهز يابو عزوز :d
مايصلح الوضع هاذا لازم نسوي اجتماع

مشالله عليك يا مصعب انت مكسب لهذا المنتدى بصراحه

ننتظر تقرير التجمع ...

88888888888

مافيش تقرير بالصور بس كلام التقرير هع


والتجمع كان روعه وفله بس يعذروني الشباب لاني مشيت بدري ابرجع اهلي كنت

وان شاء الله التجمعات الجايه توفي بالغرض وبالنسبه للمكان والله مره روعه وهادي المقهى

وحلو مكانه واعتقد انه بالوسط لاهل الجنوب والفرب والشمال اححححححح والشرق

لاحوووووووووووول ياشين الي توه جديد راح علي اجتماع اليوم مادريت عنه ولا اجتماع الكفي الي حولنا بالبديعه

لكن الجيات كثار وبالتووفيق يالحبايب :cool:

8888888888888

الجمعه الجايه الوعد برب المكان مصعب يعلمك >>>>مسوي يدري وين

حلوه momo اجل بسنتر من الاسبوع هذا هناك

احتريكم :d

توني واصل للبيت .... وهـ وهـ وهـ

:d

ماشاء الله عليكم هذا تجمع الكوفي شوب الثاني اللي مااحضره :( المهم تسلم عليكم الشرقيه >>> يلمح انه توه واصل :rolleyes:

والشرقيه والطريق مطر ومطر ثم مطر ومطر ويوم وصلنا الرياض الا مافيها مطر >>> مساكين :d

حددتوا وين بيكون التجمع الجاي نحاول نحضره باذن الله :)

التجمع صراحة بأختصار (( nice to meet you )) يعني بأختصار ... كل تجمع يصير احلى من اللي قبلة .. وكل تجمع يصير .. نتعرف فية على اعضاء اكثر ...

اول شي اعذروني على الــ ........... 30% ........... كثيرين وما معاي الا 4 !!! ( اللي جو يعرفون السالفة ) ..

الحضور ..

او واحد جا ولبق سيارتة ومعرضها عن الكافي ... حضرتي .. من قبل صلاة العشا بنص ساعة !! بس السبب الرئيسي لأني كن مواعد (الثاني) محمد B Unique او بالاحرى :d المشرف العام جاي من الشرقية .. المهم وطلعت معة لين قبل موعد الاجتماع ..

ثالث من حضر وهو اول من كان بالمقهى العضو S T ! N G وبعدة بقية الاعضاء ..

اللي جو بدري كسبو القعدة على الكنب ... واللي تأخروا خخخ خييييخ خييييخ على كراسي حديد ..

قائمة الحضور:

MOMO
Black Accord 2008
92.500
shabab4ever
عبادي عاشق الهنادي
المسافر
كوكو كورد
B Unique
ST!NG
606
زرادية - التحلية - محمد بن عبد العزيز >>>> تعددت الاسماء والعضو واحد accord2002
البطران <<<<<انصدمت فية صدمة تريلا محملة قطع غيار !! شكلة مرة مو على توقيعة السابق !!
عضو اسمة 4-0 قصدي يامطنش خخخ خيييخ خييييخ نذكرك باب التوبة مفتوح !!
يارب اني ما نسيت احد !!

سواليف وفلة ووناسة وكل شوي يجي واحد ويسحبون لة كرسي حديد خخخخ خييييخ خييييخ

المهم كالعادة اول واحد انحاش momo وذكر لكم السبب ! وبعد فترة .. غادرنا محمد المشرف العام متجهاً للشرقية في حفظ الله ..





المهم ..
اهم شي في السالفة ... التجمع القادم .... او بالاحرى التجمعين القادمين خلال الاسبوع القادم ...

اللقاء الاول


يوم الاثنين اللي هو القريب ... الحين سبت :) بعدة احد ..:) بعدة اثنين <<<< هذا هو !

اتفق اغلبة الاعضاء الموجودين على انة يكون في مركز البولينق .. في الصالات الخضر .. عند قصر صاحب السمو الملكي الامير عبد العزيز بن فهد الـ سعود ,,,

اللي ما يعرف موقعة يراسل accord2002 <<< ومير يوهقة !! لانة صار يوصف زي الناس احسن من اول بكثييير :p

الوعد يوم الاثنين القادم ... الليييل طوووييييل ... بس نخلية بعد العشا مباشرة ... عشان الطلاب يلعبون قيمين ويروحون يشربون حليب ويرقدون ,,, والعاطلين الباطلين عندهم لين الساعة 2 بالليل !!

(( واحد يقول ليش مخلينة في وسط الاسبوع ؟ حنا طلاب قدروا !! ..
اقول لة .. طالب .. تعال بدري واطلع بدري الليل طووويل ... والعاطلين كثييرين ,,, ))


اللقاء الثاني ...

يوم الاربعاء القادم ,,, في مخطط حول مخرج 8 ( شارع خالد بن الوليد ) ..

طلعة حلوة ..
المكان حلو ,, وقد تجمعنا فية قبل اكثر من مرة ..
يصلح شوي ولعب كورة وبلوت وكل شي تقريباً ..

اتفقنا مع الاعضاء الحاضرين ..

الفرشات جاهزة..
العزبة جاهزة..
الحطب جاهز ..

المطلوب من الاعضاء اللي بيجون .. يشيكون على الموضوع يوم الاربعاء القادم قبل ما يحركون .. اذا فية شي ناقص الشباب نحطة بالموضوع واللي يقدر يجيبة يجيبة بالتنسيق بيننا ...

عموماً تقريباً كل شي مكتمل والمطلوب كل واحد يجيب معة فروة ...
الوعد يوم الربوع القادم بعد العشاء مباشرة ...

دمتم بود ..

بوسه على راسك يامصعب ايه احرقوا حقين الشرقيه وجده


اقول البولينج ذا شكله بالجنوب ولا الغرب ولا الشرق ماادل تهي تهي ابي وصف

السلاااااااااااااام عليكم شبااب

كيفكم

نقدم لكم الان تقرير تجمع الشرقاويه>>>> خخخ يامسكيييين:d

مع انو ماشفت تفاعل من الاعضاء الا اني اصريت اني التقي ولو مع واحد من الاعضاء
لذلك مسكت الخوط يوم الخميس العصر واول ما مسكت الخوط الا اسمع صوت البريك أثاريهم الفحمات منتهييين وقامو يحكو بالهبات الزبده قلت بريكات والا مكينه والا كفرات ما يهم انا رايح الدمام رايح

الزبدة وصلت الثقبة اول وغيرت الفحمات وخرطت الهبات

دق علي العضو م م و 755 قالي انا عند جزيرة المرجان مع العضو عاشق هوندا الزبده صلحت الموتر وانطلقت الى الدمام وصلت الجزيره وادور ادور

لقيت الاخ م م و بس كان لحاله اثاريه عاشق هوندا انحااش قبل لا اوصل لأني صراحه تأخرت عليهم بسبة الموتر....... جلست مع الاخ م م و وسولفنا وانبسطنا.................... الخ الخ
وفي الختام اقدم شكري للعضو م م و وللعضو اللي انحاش قبل لا اوصل عاشق هودندا على مجيئهم للأجتماع البسيط وانشاءالله الجايات اكثر

والله فاتني التجمع معكم بسبب عزيمه:mad:....

وتجمع الاثنين مايمديني لاني اطلع من الجامعه الساعه 6 المغرب....:(


واكون تافل العافيه....
الربوع انشالله:d اني ابجي....

بس نبي وصف واااضح للمكان للي بيجي مع الداري الشرقي:)

لا لا لا لا ..

أبداً مايصير الكلام هذا .. وينكم ياهل القصيم .. ليه ماتحركون :mad:
أو تدرون خلاص كل واحد يجلس بدارهم وأنا و و د ا السعودية 551 بتجتمع لوحدنا ;)

اقتباس:

---

المشاركة الأصلية كتبت بواسطة أبو عــزوز ..

لا لا لا لا ..

أبداً مايصير الكلام هذا .. وينكم ياهل القصيم .. ليه ماتحركون :mad:

أو تدرون خلاص كل واحد يجلس بدارهم وأنا و و د ا السعودية 551 بتجتمع لوحدنا ;)

---

راح يكون احلى تجمع يابووو عزوز ولااااااا لو يجي ل ن ن السعوديـة 811 انواع الفله :d

يـ الله حيـهم ^^


<< قـاعد يهجوس بسـالفتن أمس طرت في المجلس

واحدن مـن الشبـاب فتق قلبي وخـلاني أعيش حلم وردي لكن حطمني في الاخير

حسبي الله ونعم الوكيـل


والله التجمع الاخير الي بـ الريـاض كـان أجمل من رائع


بس الي قـاعد يستب عند الكفـي شي ثـاني <<< حتى الان مـاسكه عليـه



كل من يمر يـقول لهـ قويـه شـادهـ فيه مضبوط ^^


لكن تشرفنـا بـ الاعـضـاء الجدد وإن شـاء اللـه العدد يزيد المرهـ الجـايه

لأنه كل يوم أشوفـ أعضـاء كثر ..^^

وأهم شي مرنـا المشرفـ العـام

يشـوف أحـوال الرعـيـه برعـايـه كوكو


وهـو الي بـاشر علينـا تعـرفون الابو لازٍم يتكفـل بكـل شي ^^


وإن شـاء الله التجمع الجـاي نشوفـكم كليـاتكم كـل واحد يطق كرت

ترى نبغى فريق بـلوت وسـاعت صدر ^^