تجمعات الرياض الأسبوعية

ok علم ياعم الحاق

بكرة نشوفكم ان شالله

السلام عليكم

يعني وين يطلع الموقع بالضبط في هذي الصوره ؟!
http://hondaarabia.com/club/attachme...1&d=1242919763

أنا أحتمال أني حأجي 2.7% ×_×
بس حبيت أعرف الموقع :) , ومايدريكم يمكن النسبه تزيد :rolleyes:

المربع اللي فوق قطعه رقم 408

يعني المربع الي فيه نقطة الالتقاء بوسط المربع بالضبط
ومو موضح شارع ثلاثين لان المخطط جديد ومابعد تقسم

الحمد الله الحضور كان ممتاز جدا

وفيه بعض الناس مسوي مستحي ولا وقف ولا وصل عندنا وكل شوي اتصال واتصال .. وابجيكم وشطف ولا جانا

الحضور كان 23 سياره
و25 شخص
و 2 كوبيه ماشاء الله تبارك الله
و2 سيفيك

^^
اول سيارات تجي تجمعات الرياض

وهارد للي ما جانا

واللي بيستحي ماراح يعين خير ..

غريبه في واحد حاط شكر :p<<امسحه قبل لاحد يشوفك :d

صراحة الحضور كان عال العال :d <= طيب نزل النور لاتجهرنا هههههه

والي ماحضر فاته والله

الحمدلله كنت اول الحضور بالموقع كنت امشط المكان للتجمع :o

والا يا محمد :d ماتقدر تنكر

تحياتي ,,,

^^ يا قدييييييم انت !! ^^

يووووووووة الله يذكرك بالخير !!

تذكرت يوم تجمع الرياض الاول يوم فهيت وانا اسابقك وبغيت اخش في تريلا !!

بالله ارسلي رقمك ع الخاص !!

^^^
المشكله متواصل معي واناديه يجي تجمعات ومايجي >>اخره الي يتغلى >>واسأل دحوم 6 عنه

الله يهنيكم ولايغير عليكم وانشالله تحصلنا فرصه نجتمع معاكم

شفت اني قديم يامصعب هههههههه
يوووووه اما ذاك اليوم الحمدلله ماقلطت في التريله ههههههه !

محمد حرام عليك ماتغليت بس تعرف بزنس <= وش عنده راعي البقاله هههههه

وان شاء الله راح اجي التجمع القادم باذن الله

صح كل تجمع محمد يقولي اخر شي طفش ولاعاد قالي لاني اسحب بس مو بكيفي :(

تحيااااتي ,,,

والله فاتنا أجل تجمع ممتع أنشالله معكم في التجمعات القادمه بس كانت ضروف واااااه ياويلي من الظرووووووووووف
:(

ياشباب اللي عنده ظرووووف

لا يرد على الموضوع ولا يجينا الا لما تخلص الظروف

لو كل واحد بيكتب كذا عندي ظروف ومن هناك مستحي والا صدق عنده ظروف بس عندك الشعب هنا ماشاء الله ظروفه في مخباه واشغاله في التكايه متى مافضى وفيه تجمع قال عندي ظروف

والا ابغير زيت . والا ابعبي مساحات .. والا عندي مشوار وابجي على الساعه 11
والا انا ابجيكم .. والا خذ لك انواع الازعاجات والاتصالات وفي الاخير مايجي بس يبي يشوف عددنا ويتطمن الجميع موجود والا كلهم بالحجز

والله يعلم كلن بظروفه .. والله ييسر اموركم

والله ماأقول الا بيض الله وجيهكم يا أهل الرياض

والله زي ماقلت لك معا الأسف سيارتي كانت البريكات خلصت علي

وراعي الأكورد وصلو عيال خالته من الدمام

ولا انا ودي احظر بس خايف على سيارتي لأنها منزله+معدله بالكامل

ان شالله المرات الجاية تكون احسن ان شالله

ومشكور يامحمد بن عبدالعزيز ومشكورين ياشباب على الضيافة:)

العفو ياصقيقي :d

هذا واجبنا وكان ودنا تجلس معنا اكثر وتستمتع وتكيتنا زي ماقلت لك انها مطوله يعني لا تشيل هم الامور بخير دامك انت بخير

متى التجميع الجديد في الريااااض؟

يمكن بعد اسبوعين

اختبارات هالايام

^^^^^
متى يعني

^
^
أنا شوفتك أختفيت عن المنتدي بعد هذاك التجمع
قلت ياربي لايكونو زعلوه :(

بس شايفك تسأل عن التجمع الجاي :)

الاسبوع هذا يوم الخميس فيه تكيه باستراحه بس خلني ادور الاستراحه المناسبه

والقطه بتكون 40 او 30 ريال
وبتكون بجنوب الرياض يعني باستراحات الشفا او الحزم مخرج 26 حمزة بن عبدالمطلب


اي اعتراض يسجل رده هنا ..


راح اعتمد ردي هنا لما احصل استراحه واعربن عليها
(ممكن يتغير الوضع ويصير مخطط)
نشوف رايكم ياشباب

واذا يهمكم الملعب عطوني خبر قبل الاثنين علشان اشوف ملعب كويس

يعطيك ألف ألف عافيه
انا جاهز:friends: بالي تامر فيه استراحه قطتي جاهز تكيه الشاهي علي الي تبيه انا حاظر

بس اهم شي الواحد يخلص فحص سياره قبل الخميس

تقبلو تحياتي :cool:

اقتباس:

---

بس اهم شي الواحد يخلص فحص سياره قبل الخميس

---

ليش ؟!
لأني متكاسل أوديها , فأذا شفت شي مقنع يمكن انشط شوي ^_^

وتبدا السواليف ويتنهي المطاف في (كلمة الوعد بعد الاختبارات)

ونشوف وش بيقولون الشباب والا كنسلنا الدعوه
:d

^^ قطتي 50 بس اهم شي المكيف بارد .. ^^:d

روح انا معاك:friends: لو تقول نتكي فوق الصبه :dالي في طريق الملك فهد الي بين الطريقين
اقولك قدام:cool:

اقتباس:

---

المشاركة الأصلية كتبت بواسطة al_admiral

ليش ؟!
لأني متكاسل أوديها , فأذا شفت شي مقنع يمكن انشط شوي ^_^

---

طيب انا قلت لك شي

الله يسهلك امرك وان شاء الله ماتحتاج توديها