الموضوع: تجمعات الرياض الأسبوعية

^^^ يعمي انا ناشبلهم:p...... ونبي اجتماع خاص بالطلااب...:p

ياشباب الرياض اجتماعنا الجاي لو تكرمتوا في مقهى انيجما الوصف :

وانت جاي من الشمال للجنوب على طريق العليا العام بعد إشارة الفيصلية سيدة شوي إلا محطة في الزاوية وادخل يمين بعدين سيدة اول يسار اتركه ثاني يسار ادخل معه تجيك القهوة على اليسار وشكله توب ، اغاني غربية وعربية ومكان كايف ومشروبات ووايرلس وبالجانب الآخر منه مطعم ملح وفلفل .

الوعد يوم الاربعاء الساعة العاشرة وبعدين العشاء وبعدين اقولكم عاد إذا وافقتوا .

انتظر ردودكم بالموافقة ,,,,:d:d:d

وش رايكم يصير التجمع يوم الثلاثاء بدال الاربعاء ،،،،،

لو الثلاثء احس انه احلى وجهه نظر

المشاركة الأصلية كتبت بواسطة كوكو كورد

يوم الثلاثاء حتى الموظفين ماراح يحضرون عندهم دوام يوم الاربعاء ..
يوم الثلاثاء .. كل شي يقفل بدري ..
يوم الثلاثاء يعتبر وسط الاسبوع .. حتى الفاضي مش مهيأ نفسياً <<<<< :p

يوم الاربعاء الكل فاضي يبي يهج لأي مكان .
يوم الاربعاء يمكن يجون اعضاء الشرقية والقصيم...
يوم الاربعاء يوم الرحة النفسية للشعب ..
يوم الاربعاء يقفلون 2-3 الفجر ..
يوم الاربعاء فلة ووناسة ..
يوم الاربعاء اوكيييية
يوم الاربعاء وبس..
يو الاربعاء يمديك تسهر لين الجمعة ماعندك مشكلة ..[/center]

يوم الاربعاء يوم الاربعاء ماعندكـ مشاكـل ...

ان كان على الاختبارات لاتشيلون هم جاي جاي الله لايعوق بشر


لكن ان صادفتني احد المشكلتين التاليتين لن اأتيين :

1- كسل ونوم وخمول .

2- او اذا ماعرفت الوصف :p

لكن ان شاء الله جاي
لان جلستكم
ماتتفوت



تشااااو

أهل الشرقيه ما لهم حس


شكلهم ما يبون تجمعات



وينكم يا أهل اشرقيه

نبغى تجمع مرتب لنا

بالنسبة لهذا التجمع بالذات للعاطلين والموظفين فقط;) ، والباقي يذاااااااااااااااكرون كل واحد كتابه في راسه فهمتوا ولا جبت العصاء .:p:p

مانبي نتحمل رسوب احد من الاعضاء ، اجل لو اني قايل لكم بعد العشاء وين بنروح كان رميتوا الكتب مع السطح .

تحياتي .:d:d:d

انا الشروط تنطبق علي
يعني لازم نحظر نقول
انشاء الله وعدنا يوم الأربعاء

رجعت مرة ثانية لأني حبيت انوه واقول من جديد انكم ياشباب كبار والمفروض تهتمون بمصلتحكم وأنا في محلكم ماافكر بشيء اسمه تجمع في مثل هذي المرحلة من الحياة خصوصا انها مرحلة انتقالية ووقت حصاد فصل دراسي كامل حرام الواحد يضيعها عشان طلعة فرجاء خاص عشان ما ننحرج مع احد من الشباب اللي عندهم اختبارات ، ان اي واحد عنده اختبارات لايجي للتجمع وبإذن الله لاحق على التجمعات القادمة خصوصاً اثناء العطلة اتوقع راح يصبح تجمع يوم بعد يوم استغلال لوقت العطلة القصير ، الموظفين فقط الله لايهينهم والعاطلين الله يرزقنا وياهم لأننا مانبغى نتسبب لأي احد من الأعضاء بإحراج خوفاً على مصلحته .

وحياكم الله ياشباب سواء من (الرياض او الشرقية او الغربية ) بس مثل ماقلت من قبل (العاطلين والموظفين فقط)

شكرا على الموضوع .

تحياتي ,,,

مقهى انيجما كذا

انا ان شاء الله ابكون هناك من بعد صلاة العشاء مباشرة

المشاركة الأصلية كتبت بواسطة دحوم

وحياكم الله ياشباب سواء من (الرياض او الشرقية او الغربية ) بس مثل ماقلت من قبل (العاطلين والموظفين فقط)

الله يادنيا حتى التجمعات صار فيها طلاب وموظفين ،،،،الله يكرهه هالدكاتره اللي ماخلونا نتخرج ....
الله يسهل ونخلص من الجامعه دعواتكم

ورا ما تسوون تجمع بالجبيل ( أهل الشرقيه)

شباب وين اهل الشرقيه ..........

مافيه تجمعات ..

شبااااااب ممكن طلب تكفون

بس ابي اعرف تاريخ التجمع بالهجري والميلادي عشان اضبط جدولي >>>>>> تكفى يا مدير :d

الفكرة اروع من رائعه والله يكتب اللي فيه الخير

تحياتي للجميع جنط 17

المشاركة الأصلية كتبت بواسطة جنط 17

شبااااااب ممكن طلب تكفون

بس ابي اعرف تاريخ التجمع بالهجري والميلادي عشان اضبط جدولي >>>>>> تكفى يا مدير :d

الفكرة اروع من رائعه والله يكتب اللي فيه الخير

تحياتي للجميع جنط 17

تاريخ التجمع ياعزيزي بالهجري 7/1/1429هـ الموافق 16/1/2008م يوم الاربعاء (انيجمـــــــــــا)

يا شباب خلوها من بعد العشاء احسن...

<<<<<ومير الحبيب طالب..

وعنده اختبار الخميس...

لكن بجي يعني بجي واللي يصير يصير...

اهم شيء شوفتكم....

اصلا الاختبار انجليزي وما شاء الله ثقافة الانجليزي عاليه جدا عند شباب السعوديه....