تجمعات الرياض الأسبوعية

**control** · 25-11-2009, 09:57 PM

يا شباب والله اني زعلان حيل :( مجهز كل شئ وقلق وحالة امي صعبه وبالأخير ار لي ظرف بس والله ما تركتكم جيت على الساعه 9 بالتمام لقيت بس 5 سيارات وهذا اللي غبني اخلاقي ورحت اضلل سفووكتي تكفوون شباب اعذروووني:(

**مجوووودي** · 25-11-2009, 10:21 PM

انا ضيعت مااعرفت الوصف :(

وصدع راسي من الدوران .. ورجعت للبيت :(

**مطنشهم** · 25-11-2009, 11:30 PM

اين انتم:d توني وصلت الرياض الساعه 10 ما لقيت احد عند الملاعب

**control** · 26-11-2009, 01:45 AM

وانا اقول ليش الرياض الساعه 10 بالتمام نورت يا هلا بك اخووي بس انت جيت متاخر مرررة وثاني مرة اقول لك نورت الرياض

**control** · 26-11-2009, 01:47 AM

لاكن والله احييييك وبقوة بعد جاي للرياض بس علشان تحظر تجمع الله يوفقك واشكرك اخوووي صراحه

**RjH** · 26-11-2009, 02:57 AM

اشكر كل من حضر
وانشاء الله يكون لن لقاء مع بعض

اخوي مشعل بن عبدالعزيز تراك نسيت صحون التمر وهي معي متى ما تبيه قلي

**B Useful** · 26-11-2009, 03:06 AM

^^ اسحب علية ودها الجمعية الخيرية خخخخخ كذا النظام بالتجمعات خخخ :d^^
اللي تنساة دورة بالجمعية <<< بس اذكر مشعل موصي واحدن ياخذ الصحون وترامس الشاي <<< ويغسلهم بعد :d

اشكر كل من حضر واعذرونا جميعاً يا من حضر قبلنا على المداهمة اللي سويناها :d
واعذرونا بعد على الضحك اللي صار وعلى الذب اللي صار وعلى كل شي .. :o <<< ماسوو حفلة ابد :d

نشوفكم قريب في تجمع آخر ..

7up

**TB6Y** · 26-11-2009, 04:03 AM

المشاركة الأصلية كتبت بواسطة كوكو كورد

^^ اسحب علية ودها الجمعية الخيرية خخخخخ كذا النظام بالتجمعات خخخ :d^^

اللي تنساة دورة بالجمعية <<< بس اذكر مشعل موصي واحدن ياخذ الصحون وترامس الشاي <<< ويغسلهم بعد :d

ايهـ انا اللي موصيني اجيب الاغراض وجبتهم بس ماغسلتهم:p:p

**مشعل بن عبد العزيز** · 26-11-2009, 03:08 AM

مطشنهم والله تاخرت زي ماقلت لك جوال’’’

هوندا 08 خخخخخخخخ بتفقع وجهي امي جب صحوون التمر

والله تجمع كان بسيط وحلو ومشكوووووورين على الحظوور الحلو ووالاكثر من راقي

يكفي شوفت الاعضاء والمشرفين واهم شي شفناكم وغيرنا جو ولو ماطولنا معكم بس

وقت عيد اهم شي سولفنا وشربنا الشاهي وتقهوينا سوى << ماعنده شي

بتووفيق للجميع وماعليش للعضاء الي جو ولا حصلو المكان او ماحظرو الجايات اكثر

واهم شي كوكو جنبي:d <<< احلا مداهمه

تحياتي

**slaitr** · 26-11-2009, 03:23 AM

^^^^^^^^^^^
ليتك طولت صارت سوليف:d

**Honda*2008** · 26-11-2009, 05:22 AM

ما شاء الله
تجمع خفيف
واعضاء جدد
وفلله ووناسه
صحيح اني ما طولت بس تعرفت على
اعضاء جدد

**مطنشهم** · 26-11-2009, 11:49 AM

طيب انا هنا بجلس اسبوع بالسويدي وش رايكم بتجمع خفيف عاد بكيفكم بس نحب نشوفكم ونشوف تجمعات اهل الرياض

وش رايكم الاربعاء الجاي الساعه 7 ونص عند الملاعب نفس موقعكم

انا جيت هناك في ملعب وجنبه مراجيح وما لقيتكم لاني توني واصل للرياض

ها من فاضي وراعي صمله

**B Useful** · 26-11-2009, 11:54 AM

^^ خلاص اوكي ، تجمع امس نجح بكل المقاييس وكان المنسق عضو جديد accord-09 وما قصر جزاة الله خير ^^

اذا انت تبي التجمع خلك انت المنسق لهذا التجمع والوعد الاربعاء الجاي .. وابشر بحضور الاعضاء ..

**مجوووودي** · 26-11-2009, 11:59 AM

خلاص اوووك قدام

وملوك ورائد لا تلكموني

زعلان عليكم

**TB6Y** · 26-11-2009, 02:47 PM

المشاركة الأصلية كتبت بواسطة مجوووودي

خلاص اوووك قدام

وملوك ورائد لا تلكموني

زعلان عليكم

ليش زعلان علينا؟:d

**مطنشهم** · 26-11-2009, 12:22 PM

ابشر ولا يهمك راعي صمله ان شاء الله الاربعاء الجاي 7 ونص عند الملاعب>>> الملاعب هي اللي جنبها محلاين مقهى انترنت صح؟ واحد منهم على الزاويه وواحد قبل>>>عشان اتأكد من موقعي..:d؟

**مطنشهم** · 26-11-2009, 12:34 PM

بس كيف منسق يعني اجيب اوراق فيها اسماء وشغل واستاجر فرشات وشاهي واصوركم وامشي فيكم بالمسيره واوديكم الدائري والبطحاء والله ما ادل بالرياض غير مدخل التحليه والشفا والسويدي والحراج :d
حتى يوم كنت بجي السويدي جلست امشي مع لوحة مكه المكرمه لين طبيت عند امن الطرق مقرهم الرئيسي اللي جنب الجسر المعلق
ومسكت راسي من كثر ما شفت سياراتهم المرور السري 500 الف كامري موقفه مع دوريات بعدين دليت الحي يعني خذيت جوله حول الرياض ياشيخ

لا لايهمكم انت اشر وحنا نفجر

تعالو وابشرو بعزكم انا معي فرشه وتكايه وحده جاهزه بالسياره هي سوالف وتكيه ونتشرف بمعرفتكم
وحب وفصفص وكاجو وعصيرات بس انتم تعالو ان شاء الله
لازم كلكم تجون وبالاخص Honda*2008 و مشعل و Detective Conan عشان اكتبلك على الزجاج

وحياكم تعديلي على الهنادي تعديل رياضي وجنوط اجرام يعتبر اقوى تعديل يدوي
http://hondaarabia.com/club/showthread.php?t=29454

**محمد بن عبد العزيز** · 26-11-2009, 01:07 PM

بالتوفبيق لكم .. شدوووو حيييلكم

وان شاء الله جايكم خامس العيد .. ونلحق عليكم .. والا اقرب فرصه ..

اعذرونا .. >>حاس بكركبة الموضوع .. اشكرك بعنف يامصعب ..مهما تكملت .. من العشرة يصفى 1

**TB6Y** · 26-11-2009, 02:48 PM

ان شاء اللهـ
لنا لقاء فالتجمع الجاااي

**RjH** · 26-11-2009, 03:56 PM

اوكي وانا معاكم
بس ما ودكم نغير المكان

**slaitr** · 26-11-2009, 05:57 PM

المشاركة الأصلية كتبت بواسطة accord-09

اوكي وانا معاكم
بس ما ودكم نغير المكان

خخخخخخ
خلهم يتكون يمكن يجي واحد يقط وجهه;)

**مطنشهم** · 27-11-2009, 05:46 AM

المشاركة الأصلية كتبت بواسطة accord-09

اوكي وانا معاكم
بس ما ودكم نغير المكان

ما اعرف شي بالرياض؛>>>و الموقع حلو اللي تجمعتو فيه

**Honda*2008** · 26-11-2009, 04:07 PM

انا معكم
وبجي لعيونك يامطنشهم خااااصه
وعيون الجميع عاااااامه
^^^^^
ظريف
المهم
ان شاء الله انا معكم
ولا عاش من يزعل مجووودي

**control** · 26-11-2009, 04:33 PM

شباب انا عضو جديد ولا اعرف ولا واحد بهالنتدى غير o-k-r وكان لي نيه اني اجي تجمعكم الأخير اللي عند الملاعب بس والله صار لي ظرف
لاكن بأذن الله التجمع الجاي انا من الظهر هناك<<<<متحمس واجد
باذن الله اجيب معي فرشه وباجه فصفص اهم شئ ولا يهمكم
بس ترا موتري مو هوندا اجي ولا أزلب وجهي..؟؟