ياشباب راح يكون فيه تجمع يوم الخميس القادم
بتاريخ 12-3-2009
بعد صلاة العشاء مباشرة !
للأخوان إلي ماحضرو التجمع هذه فرصتكم للتعرف أكثر على تجمعاتنا والوناسه إلي تصير بالتجمع
طبعا ً بعد ماكلمت واخذت الأذن من محمد بـن عبد العزيز
( منسق تجمعات الرياض )
ووافق على تجمعنا بدون تواجده حيث انه خارج الرياض
( نتمنى له الوصول بالسلامة )
طبعا ً التجمع راح يكون عند كلية التقنية بالرياض
الوصف إقتباسا ً لرد محمد بـن عبد العزيز
المشاركة الأصلية كتبت بواسطة محمد بن عبد العزيز
وانت جاي من الدائري الشرقي تروح مع مخرج 10 (طريق الملك عبدالله تاخذ المخرج وتروح متجه للممشى )
بيجيك مخرج العويضه .. وبعده مخرج ابو بكره .. حق الكلية التقنيه .. تاخذ مخرج الكلية التقنيه وتروح نهاية الشارع اجباري يمين او تديور
تلف يمين .. وتمشي سيده بيصير وضعك بين الكلية التقنية المبنى الرئيسي ومواقف الكلية والمبنى الجديد
ونهاية الشارع تطلع يسار .. وتمشي سيده .. بتحصل الشباب بنهاية الشارع
واللي جاي من الملك عبدالعزيز .. يتجه .. للكلية التقنيه .. عن طريق لفة التميمي(مركز فال) يصير على يسارك متجه للكلية التقنيه
وبعدين نهاية الشارع .. يمين وتصير الكلية على يدك اليسار .. والشبك على يدك اليمين .. وتمشي سيده نهاية الشارع بتحصل الشباب قدامك
اوكي الوصف موجود ووقت التجمع موجود والتاريخ موضح يعني مانبي اسئلة محرجه :p
بالنسبة للشاهي والقهوة راح اتكفل فيها انا شخصيا ً
بالنسبة للمعجنات والمفرحات الله لا يهينكم كل واحد يجيب شي خفيف وعدم الأسراف
الفرشات انا اتكفل فيها يعني انت بس تعال وجيب معاك معجنات او مكسرات او مفرحات
( يعني كت كات - تويكس - سنكرس - يعني حاجه تفرح :d )
---------
بكذا عندك وقت على مااعتقد انه كافي وتشوف جدولك يوم الخميس عشان ماتقول جاني ضرف طارئ ! ولا عزيمه ولا عرس أحد الأقارب :p
وأخيرا ً أنتظركم بالتجمع إن شاء الله بالوقت والموعد المحدد
وأي إستفسار عن التجمع انا حاضر
" تنبيه "
بالنسبة لأجواء الرياض قد يأتي موجه غبار يوم الخميس او امطار او برد قارس لا سمح الله
" فسوف يلغى "
رد مع اقتباس
مواقع النشر (المفضلة)