الموضوع: تجمعات الرياض الأسبوعية

الله يحيكم جميع ،،، بس اللي بيتكون لآخر اللحظات قبل اذان الفجر مع مطنش والتحلية وجوفنتس وماهر المهم آخر اللي يبقون ، لا يقعد الا وهو يتحمل السوالف !! سوالف مشفرة سوالف مدري وش تبي انواع الضحك لدرجة يجيك شد عضلي في بطنك تخيل اتوقع من كثر الضحك اني نحفت ذاك اليوم ياشيخ ولا التمارين اللي كنت اسويها في بودي ماستر ،، احلى شي امثلة جوفنتس ،،، هع هع آآآه يا بطني فاطس ضحك لحالة ،،،

مخـطط كلية التقنية

انا أشوف أنه كويس

;)

^^
__
^^
المره الجاية بنلقى ضبان في هالمخطط :d

انا اقول عند الملك فهد<<مخطط الملك فهد :d

ها وش قلتو

والا لازم نقول فيه عشاء

خلاص ابشرو نعشيكم ولا يهمكم

بس لا احد ينسى قطته الله لايهينكم

ليش انا مخلفكم وناسيكم

:d:d:d

اول واحد يحط قطة العشا محمد بن عبد العزيز ..

^^ لانة هو منسق التجمعات ، واذا حطها الكل بيقتدي فية ، لكن اذا كانة بيض وما يقط .. شي ثاني :p ^^

الوعد في مخططات مركز الملك فهد الثقافي نفس المكان
بعدالعشاء
امتداد المعذر ... بالقرب من الصالات الرياضيه ..

وذلك ليوم الخميس الموافق 14-05-2009م بالهجري 20-05-1430هـ

0557855715

حبه بخاري على الرصيف افضل من الاستراحات والشغلات هذي ..

واذا فيه استراحه قريبه راح احط لكم رد بدري ..

الوعد يوم الخميس ان شاء الله

اكيد ياطويل العمر ..

الفرشات وطاح امرها .. وقطتي سابقتني .. ووالعده معي .. وحبه شاهي ..>>علشان اترك المجال لغيري

[CENTER]

المشاركة الأصلية كتبت بواسطة عطر الحكي

اتمنى من الي راح يحضرون انهم يستحون شوي وكل واحد يجيب معاه شي

بس لاتصيرون مثل بعض الناس يروح من البديعه الى المرسلات ويجيب ثلاثه عصير

والموجودين 15

يعني ما يصير صح والا لا يالي في بالي!!!!!!

معالي البيض طول الله في عمرك :

الاخ اللي جاب العصير هذا ( حضرتي )

والسبب اني كنت ابي عصير ومحد يمنعني اجيبة واشربة .. لكن خذ السالفة ،،، وانا رايح اجيبة دق محمد بن عبد العزيز وقال وينك؟

قلت رايح اجيب عصير من المرسلات ... قال جب لي معك ،، وكان مطنش موجود وققال جب عصير ... قلت زين ،،

يعني اللي كانو وقت الطلب موجودين محمد ومطنش وانا الثالث ،،،

حتى يوم جبت العصير وصلت وشفتكم عشر طعش ،، مانزلت العصيرات !!!

جيت سلمت وقعدت وقلت : شباب اللي طالب عصيرات تراها في السيارة وقاموا واخذوها وخذيت عصيري ..

كذا الحين انا طلعت منها وموقفي واضح ...

بما انكم تكبون العفش وتقولون ( مابال اقوام) بدون ذكر اسماء ..

فية واحد من اللي طالبين عصير جوة بييييض ،،، !!! طلب عصير ( موز بالمنقا ) <<<< اللي جاة مغص يتحمل واللي يبي يطلع اللي في بطنة يوخر عن الكيبورد :d

حتى اني دقيت علية لما وصلت المحل وقلت انت متأكد من عصيرك ؟؟؟ قال اية ... <<< وبرضوا ولا علمني انة فية احد جا للموقع من العشر طعش عشان اجيب لهم ولأني متوعد اني اجي والاقي 3 موجودين بس !!!

للمعلومية فقط وللأعضاء النيدو والكول والبيض كلهم واللي مايعرفون يلعبون كورة : المشوار من بيتنا لين محل العصيرات لين مكان التجمع 66 كيلو بالضبط .

نسخة مع التحية للأعضاء في الغربية
نسخة مع التحية للأعضاء في الشرقية
نسخة مع التحية للي يقولون (يااااي) مشوار
نسخة مع التحية للي يقولون غبار
اللي يقولون حر لا عادي معذورين ،، اصلاً كلها شهر بالكثير وبتصير التجمعالت في اماكن مكيفة ( كافيهات ) .

الشباب مرحبين بأي وقت كان !

الوصف موجود ورقم منسق التجمعات موجود !

مالك عذر غير كذا !

المشاركة الأصلية كتبت بواسطة محمد بن عبد العزيز

الوصف.. من الجنوب
- طريق الملك فهد (متجه شمال) مخرج وزارة الداخليه
- تلف يسار بعد الاشاره ..(طريق المعذر)(مركز الملك فهد الثقافي)
- تعدي كم اشاره .. وتنزل مع النفق .. وبتقابلك اشاره عديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
- وااذا جيت بدري بتحصل عمارة تبنى وقف عندها ..
...
الوصف . من الشمال
- طريق الملك فهد متجه جنوب يجي مخرج وزارة الداخليه
- تاخذ المخرج .. مع الاشاره تلف يمين.. (بتشوف لوحه مركز الملك فهد الثقافي)
- تعدي كم اشاره .. وتنزل مع النفق .. وبتقابلك اشاره عديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
- وااذا جيت بدري بتحصل عمارة تبنى وقف عندها ..


الوصف ..من الشرق

- طريق خريص متجه غرب .. كانك رايح لطريق الملك فهد
- تعدي طريق الملك فهد وتخش باول مخرج (التخصصي)
- تلف يسار مع الاشاره .. وتمشي سيده تعدي الاشاره الاولى وبعدين بيجيك نفق
- تصير فوق النفق وتلف يمين(يعني لاتنزل مع النفق)
- وتجيك اشاره.. تعديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
- وااذا جيت بدري بتحصل عمارة تبنى وقف عندها ..

ووصف من الغرب
-اطلـع مـع الجسـر المعلـق الى نهـايتـه بعديـن أخـذ يميـن مـع طريـق جـده السريـع
-اول مخـرج يميـن رح معـه يجيـك الـدوار خـذ معـه يسـار وسيـده يجيـك تقاطـع خـذ
معـه يميـن
-وسيييييييـده اول دوار سيييده ثانـي دوار( الصـالات الـريـاضيـة ) أخـذ معـه يميـن وسييده اليـن تجيكـ الاشاره تعديها .. وتخش مع ثاني لفه (اللفه وسيعه مدخلل للمخطط
خش يمين

- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار
- وااذا جيت بدري بتحصل عمارة تبنى وقف عندها ..



اي خدمه اخرى .. 0557855715

ومابي احد يدق باوقات غبيه .. والا اوقات صلاة ..
دق وقت المغرب والا بعد صلاة العشاء مباشره ..

تح ـياتيـ ـلكمـ

وهذا كروكي للتوضيح أكـثر




إن لم تظهر الصورة يوجد مرفق

البارد والشاهي وقليل من الفطاير علي

والبقيه ان شاء الله ماراح يقصرون

^^^


كثر الله خــير يالذيب ..


كان ودي نلتقي .. بس :(