المعذرة يا مجودي ..

لكن انت شفت الاوضاع كيف الحين ؟؟

الواحد ما يقصر يمسك تنسيق التجمع ويحدد المكان ويتكفل بكل شي ، الا ويجيونك ٣ معتذرين ، ٣ موب عاجبهم المكان ويبون يغيرونة ويحطون اقتراحات جديدة للمكان الجديد ، غير الكثيرين اللي موب عاجبهم الوقت يبغونة اليوم اللي بعدة او اللي قبلة كأن التجمع واقف عليهم ..!

راح طعم التجمعات من الردود اللي مثل كذا ، راح الاحترام للمنسق ولا وش فايدة كلمتة لما يقول المكان الفلاني والوقت الفلاني ، راح طعم الجلسة اذا كل شوي واقف يصور سيارتة ويعدلها ( اللي يصور في ظلام ولا في الليل وش يحس فية ) ، اذا تبغون تجمع فية تصوير ،واستراض مايكون في الليل ابداً ( اقرأ الرد الاول في الموضوع ستجد ان الهدف هو اللقاء والتعارف والوناسة ، اما التصوير والاستراض هذي تكون في التجمع الرسمي اذا حدد مكانة في موضوع آخر ) .. ،هذا غير سجل اسمك ولون سيارتك وموديل سيارتك << طيب لو عضو سوا حادث وسيارتة بالورشة مايجي يعني ؟

ارجع واقرا الصفحات الاولى او ١٠ صفات اول ٩٠ صفحة وشف كيف الوناسة اللي كنا فيها ..

الله ييسر الاحوال وترجع الايام الحلوة بقيادة اي شخص قادر على قيادة التجمعات سواءاً محمد ولا رائد ولا ناصر ولا ابراهيم ولا ماجد ولا غيرهم ويرجع معها الاحترام للمكان والزمان واصول الجلسان والتجمعات ...