الموضوع: تـقـريـر تجمع الشرقية الـثـالـث

بسم الله الرحمن الرحيم

اهلين شباب

كيفكم ؟ شخباركم ؟

هذا التقرير و زي ما وعدناكم

طبعا ارجو ( عدم ) تثبيت الموضوع

لان هذا ما كان تجمع كان بس كم من سيارة و تعارف على الشباب

اولا ( شوية عتاب على البعض ) :

لكل الي وعدنا و ما حضر

سجل اسمه في الموضوع و تالي ما نشوف منه شي

البعض تاخر صحيح بس كان لهم حضورهم ويانا

و الخمس سيارات الي ما جو الا بعد مسيرتنا في الدمام

اقول لهم اني حددت الوقت لهم و خيرها بغيرها

ثانيا ( اسماء الي حضروا التجمع ) :

1- انا Accord 08

2- فهد الشمري

3- عاشق هوندا اكورد

4- the_hunter

5- الهادف

6- the_shark

7- اكورد ابيض

8- من خارج المنتدى

9- من خارج المنتدى بعد

10- Black Heart بس 5 دقايق و مشى بس كان موجود خخخخخ

في يوم الاربعاء 16/12/1428 هـ توجهت لجزيرة المرجان الساعة 3 العصر بعد ما حطيت استكرين باسم المنتدى على سيارتي .

وصلت الساعة 3 و ثلث تقريبا ... دخلت و صفت سيارتي و بعدها بـ 10 دقايق جاني فهد الشمري و معاه و احد من الشباب في السيارة و قعدنا شوي و تعرفنا على بعض و ما شاء الله عليه كان قمة في الاخلاق ... بعدها بشوي جانا بي ام اخضر و عليه استكرات هوندا قعدنا نطالع شوي الا و هو ( عاشق هوندا اكورد ) الخاين باع الهوندا و اخذ له بي ام الله يعطيه خيره و يكفيه شره ... الغريبة اني ما كنت اعرفه من المنتدى بس لما وصل اكتشفت انه كان ويايي في كلاس في السمستر الاول في الكلية .. يا حلاتها هالصدفة هههه بس مع انه راعي البي ام بس ربكم ستر انه ما انطرد من التجمع:p .. بعدها بشوي جانا the_hunter ما شاء الله عليه الوحيد فينا الي كان V6 ( شكله الرجال حق مداعس بس ما يبين عليه ) .. بعدها جانا اكورد منزل و مجنط و فاك اللوحة ( شكلية موديل 2000 على ما اعتقد ) و عرفنا انه من خارج المنتدى و اسمه علي ... من بعدها جانا الهادف و the_shark ( مصور الصور الي باعرضها بعد شوي ) ما قصر و الله في التصوير و التنظيم حق المسيرة .

هذولي الي جو على الموعد ... وقفنا سياراتنا و صورنا ( انا ما صورت بسبب جوالي الغبي :o) ... الا و عسكري في فورد لونها ابيض جا و وقف جنبنا و بلغ علينا باللاسلكي حقه .. الشباب عطوه ظهورهم و لا كانهم يشوفوه الا لين ما مشى ... في وقت التصوير كلمني ( هوندا قوة الاحلام ) كان بيجينا من الاحساء بس صار له حادث خفيف على خط الاحساء في الصدام الخلفي لسيارته و منعه من الحضور .. ما تشوف شر ان شاء الله و في الحديد و لا فيك يا علاوي ... تسلم على المكالمة و هذي تكفينا منك . :d

نرجع لموضوع البلاغ الي كان علينا ... الحمد لله انهم اكتفوا بارسال دورية من بعد البلاغ قعد يطالع فينا و مشى و عدت على خير .

بعد هالسالفة شفت الشباب يقولوا برررررررد قلت خلاص نسوي المسيرة و نخلص تجمعنا و لان بعض الشباب كانوا مشغولين بعد ( كانت الساعة 5 و شوي ما اذكر بالضبط ) علشان عند مغيب الشمس احنا ندور ... فمشينا حوالي 8 سيارات من جزيرة المرجان الي المارينا مول الى الواجهة البحرية الا و سيارتين من ورانا عند المارينا مول الاولى لـ ( اكورد ابيض ) و الثانية لصاحبه من خارج المنتدى ( ابراهيم ) ... شاركونا في المسيرة شوي و رجعنا لجزيرة المرجان .

انا اول ما وصلت شفت اكورد موديل 2008 زيي و واقف جنب باقي الشباب فكرته من جماعة التجمع فقمت و وقفت جنبه بس استغربت انه ما نزل ( طلع هذا جاري Black Heart الي للحين ودي لو اشوفه و اقعد وياه لانه يعرفني و انا ما اعرفه ;) ) ... شوي الا و مشى و دق هرن خخخخ ... من هنا انتهى التجمع رسميا بانسحاب فهد الشمري بسبب وفاة عمه الله يرحمه ... the_shark عنده مشوار للمطار ... مع شوية البرد زاد الطين بلة ... بقيت انا مع ( اكورد ابيض ) و ابراهيم و اثنين من الشباب الي وياهم شوي في الجزيرة حوالي ربع ساعة ... قعدنا احنا الخمسة شوي و رجعت البيت من بعدها حوالي الساعة 7 ( و ما يرد الكريم الا اللئيم :( ) .

طبعا التجمع كان كله اكوردات ما ادري ليش ما في مواتر غير الاكورد

انا للمعلومية تعبت كتابة

بالنسبة للصور ....

سيارة ( خاين الهوندا ) واضحة في النص

شوفوني على اليسار قاعد اصور

سيارة ( اكورد ابيض ) الله يعطيه خيرها و يكفيه شرها بانتظار لمساتك عليها يا بدر
ما صورنا السيارة بسبب الظلام الي كان في الجزيرة بس الصورة من عند بدر ليي

سيارة ابراهيم بالتعديلات الي عليها

صورتين بوضوح عالي من تصوير the_shark

و في النهاية اعذروني انا شخصيا على التقصير و على اغلاطي في التجمع

بس حبيت اعجل في موضوع التجمع قبل الدراسة يوم السبت و علشان تنفتح النفسيات للمذاكرة
و اذا في اي غلط في التقرير صلحوه ليي

محدثكم من الدمام
اكرم
crash@lyali.com

و تحياتي