اعطيني رأيك في الإستكر الي قي التوقيع
اذا عجبك علمني علشان اعدله لك
سلام ياحلوين
كيفكم
أنا بصراحه عندي إقتراح إنا نسوي إستيكر للشباب كلهم على القزاز الخلفي لجميع سيارتانا الهوندا في جده
أنا أعرف واحد من المحلات حق تصميم إستيكرات
ف إيش رأيكم لو نسويه إستيكر ع القزاز الخلفي كاااامل
يكون شعار هوندا كبير وتحته كلمه Unit
المهم أنا حبيت أقولكم لو ناوين تسوونه يسير أتفق مع الرجال عشان لو رحنا له مجموعه ناخده بسعر أقل وأنا أنتظر الأوكي منكم عشان أكلمه ع الموضوع وأجيب لكم السعر
اعطيني رأيك في الإستكر الي قي التوقيع
اذا عجبك علمني علشان اعدله لك
الاستكر حلو اخوي الكتروني بس الاخ يقصد استكر خاص للقروب مو للمنتدى
طيب يا صاحبي ليش افصل في محلات برا ؟ !
انا عندي محل في كيلو 2 ... و ابغى اكلم الاخ عبد الرحمن باوارث يعمل استكر و اخذه على المحل و جهزة يعني بس نتم تجوا تركبوا << الي ما يدفع بتوطي بكبدة
و بعدين انا اقترح نعمل استكر عادي جدا ... كتوب فيه H كبيرة بالون الاحمر ... و كلمة unit صغير بالون الابيض
يعني راح يطلع
H unit
سلام
أفضل يكون الإستيكر صغير زي الإستيكرات حق الجامعة و ماشابه
و يتلصق في القزاز الأمامي أمام السائق ..
أتوقع قلت إني اعدله لك
علشان يصير زي كذا " H unit"
عموما أنا آسف على تدخلي
وأتمنى لكم التوفيق
التعديل الأخير تم بواسطة الإلكتروني ; 30-01-2008 الساعة 07:59 PM
ياشباب انا قصدي إستيكر ع القزاز الخلفي قصدي الي زي الشبك ويكون الشعار حق هوندا <<< قلت الشعار حق هوندا مو حرف إتش
وتحته كلمه يونيت لأنو بصراحه ماعندي إستعداد أحط حرف إتش
أخواني أنا أشوف إنو الإستيكر دا حلو ويستاهل
طبعا التصميم مبدئي
يعني مع أرائكم وزي كدا راح أعدلو
أنا عارف إنو حرف الإتش يبغالو تعديل بس عشاني مستعجل شوي ;)
لو يكون الإستكر ورا في القزاز
ويكون صغير شويا احسن
ياشباب وين ردودكم
أنا عن نفسي أبغى الإستيكر في غطا الشنطة
تحياتي;)
في الحقيقة يؤسفني أن يكتب هذا الكلام عضو من مجموعتكم تلك، جميع مواضيع هذه المجموعة هي بالحقيقة دعاية لها بالإضافة إلى الإعلان عن محلك بالرغم من عدم ذكر تفاصيل عنه، لذلك أرجو بدءً من الآن عند عمل أي تجمع أن يكون تجمعاً لنادي محبي هوندا فقط! ولامانع بداخله أن تكون مجموعتكم كفرعية، الموضوع هذا يعتبر دعاية لمجموعتكم وبقية المواضيع، أرجو بالمستقبل عدم كتابة أي موضوع متخصص لمجموعة بغياب الإطار العام وهو نادي محبي هوندا.يا صاحبي الاستكر كبير و فيه اسم الموقع انا ما ابغى اعمل دعاية لاي موقع في سيارتي .. حتي لو كان نادي عشاق الهوندا ... اسف في هذه الكلمة بس الموقع حدة لاب توبي
ستبقى المواضيع المكتوبة للمجموعة دوناً عن النادي إلى ماقبل ردي هذا..
الفكرة حلوة بس الاستكر اللي في التوقيع خدمي
مواقع النشر (المفضلة)