الــمــســافـــر & كوكو كورد .. بنتظاركم الله يوصلكم بالسلامة ..
هـ و ط 467 .. الجايات أكثر إن شاء الله .. وخصوصاً تجمعاتنا بتكون شبة أسبوعية ..
وينكم ياشباب ما احد سجل إنه بيحضر .. :(
يعني لازم تحرجهم ويكتبون يعني ماتخليهم يجون فجاه
يعني خليهم ينبسطون >اقصد يخلونكم تنبسطون
الايام جايه
0
0
سجل يابو عزوز
المره هذي إن شاء الله أول واحد يجي أنا :d
.
.
.
.
.
.
.
تجمع رسمي أبو عزوز؟؟
التجمع بأذن الله راح يكون في بريدة..
إذا كان الجو ممتاز راح نجتمع في أحد المخططات ..أما إذا كان غير ذلك راح يكون في كوفي شوب..
وياشباب اللي يقدر يجيب أحد هالطلبات يختار أحدها
1-ثلاجة شاي وقهوة
2- صحن حلى كبير ..
3- صحن معجنات كبير .
4- فرشة
وأي حاجة (انا &ابو عزوز بالخدمة)
التجمع إن شاء الله اليوم بيكون في مدينة بريدة ..
مخطط الرواد .. بعد صلاةالعشاء مباشرة 8:30
أتمنى أنزل رقم جوالي عشان لو أحد دخل الموضوع متأخر يتصل علينا ويلحق ..
بس مشكلة يزعجونك بعض البزران ..
^^^
نظامكم اي خدمة:p ... خلاص ... بتبرع بشريحة من اهل الرياض لاهل القصيم بـ 15 ريال مستخدمة .. بشرط تشغلونها كل يوم خميس ... عشان لا تصير مثل هالمواقف ... تغيرون الخطة في اخر لحظة وكم واحد من الشباب ماعندة خبر .. ولا عندة ارقام اتصال ويروح وقتة !!!!
^^^
احتفظ بشريحتك لك .. ياللي تواعد الناس وتسحب عليهم ..
-----------------
أشكرك كل من حضر من الرياض ومن القصيم ..
وأشكر كل اللي مواعديننا بيجون وسحبو علينا ..
شكراً من القلب لـ أهل الرياض : الــمــسافــر & king & 606 & و ى ل السعودية 558
ومن أهل القصيم .. أكوردي 2004 & هـ ن ط 425 badoory & القرش
لايوجد تجمع ،، حتى إشعار آخر
طيب وش المطلوب يالغالي ;)
أنا من الحين عندي اختبارات ما أقدر >> من قالك رد :d
.
.
.
.
.
.
.
هـل راح يكون فيه تجمع عن قريب أم لأ .؟ <ناوي يجيُ ..! :o
^^^
أخوي مثلك عارف إن الشباب غارقين بالاختبارات الفترية الثانية ..
الله لايهينك ادخل على الرابط اللي بالسطر تحت وعطني اسمك ورقم جوالك ..
وبتصل عليك لو صار شي ..
http://www.hondaarabia.com/club/priv...o=newpm&u=2534
ينفع نجي على سيكل << توه بايع سيارته
ان شاء الله اذا شريت الاكورد ما لكم الا اني اكون اول واحد ان شاء الله
الله يوفقنا ويوفقكم ومشكورين على الترتيبات
ابو عزوز وش صار على التجمعات ;)
بس الحين الاختبارات قريبه :p
بعد الاختبارات يصير خير:d
ولا وش رايك
أبو عزوز .. :
أشكرك على التشجيع الرائع وعلى توحيد المجلس (( الموضوع )) .. ومحتاجين نكحل عيوننا بوجودك يالغالي ..
عبدالعزيز 11 :
أكوردي تفداك ياعيوني .. أهم شيء حضورك ومايهونون الشباب .. نبغى التجمع يشعلل .. يعطيك العافية
safwan :
وكلني في هذا الوقت أبو عزوز الله يحفظه .. بالنسبة للإختبارات .. (( انسى التجمع )) .. أهم شيء لايشغل بالك التجمع ياقلبي ..
التجمع راح يكون في 22 أو 21/6 اللي هو أول يوم الخميس بعد الاختبارات (( اختبارات المدارس )) .. أتمنى أكون أفدتك ..
وحنا بانتظارك ..
من لايشكر الناس .. لايشكر الله
^^^
^^
^
متأثر في أبو عزوز
حللني ياخوي .. أتغشمر واياك
أنا أقترح ياأعزائي الكرام .. إن التجميع يكون بعد صلاة العشااء .. لأن الوقت يكون مفتوح بالنسبه لناا ..
وأغلب أشغاالناا نخلص منهاا مابين العصر إلى العشاء .. وأنا أشوف إن التجمع الرسمي يكون بعد صلاة العشاء ..
يمتد إلى ساعه ونص على حسب كلامك أخوي .. علشان نكوون مفضين أنفسناا ومستعدين لتجمع ..
يبقى مجرد إقتراح ..
هـ.ج.ـرانُ :
بالنسبة لوقت التجمع .. سنناقش الموضوع قبل الموعد بأسبوع .. لأنو فيه بعض الأعضاء يبغى يكون بداية التجمع
قبل المغرب بشوي عشان ناخذ كم صورة للسيارات .. مالك الا اللي يرضيك ويرضي الجميع ..
أول مايصير خبر رسمي عن الوقت راح نخبركم .. أتمنى اني وضحت لك المطلوب ..
أهم شيء الواحد يركز بدراسته أو عمله .. وكل شيء بوقته حلو ياحلوين ..
ههههههههه .. أوامر ثانية أنا جاهز .. سي يو ..
التعديل الأخير تم بواسطة ناســNasNoosــنووس ; 02-06-2008 الساعة 07:50 AM
طيب وشرايكم لو يصير يوم الأربعاء
.
.
.
.
.
.
.
Classic Design :
ماراح يكون مناسب لأكثر الأعضاء .. والاشكالية انو العضو تلقاه توه طالع من العمل أو من الاختبار وهو ماله نفس يسوي شيء
والشيء الثاني .. فيه بعض الأعضاء يجي من خارج منطقة القصيم .. فحنا نعطيه الوقت الكافي حتى يصل بإذن الله وهو مرتاح ..
أشكرك على التفاعل الجذاب .. شوقتنا لشوفتك .. ههههههه .. تحياتي لك ياعيوني ..
السلام عليكم ورحمة الله وبركاته ..
حيا الله الشباب النشامى ..
عندي كم نقطة بذكركم فيها قبل التجمع ..
أول شيء أحس انكم مو متحمسين أو مالكم نفس ..
لأني شفت الردود وقفت من 4 أيام .. سلامات ياخواني ..
#- النقطة الأولى :
ياريت أي واحد عنده استعداد لحضور التجمع الكبير في القصيم يضع رد يخبرنا فيه... ;)
عشان نبغى نشوف كم عدد اللي بيحضروا ان شاء الله من داخل وخارج القصيم .. :o
ونرتب الأغراض قبل الموعد .. نبغى التجمع غير طبيعي .. تكفوووووون .. ;)
#- النقطة الثانية :
أي واحد من أهل القصيم وراح يحضر التجمع .. يخبرني عالخاص (( مهم جدا جدا )) ..
(((. ((.. (... قـــوم تـــعــا ونــوا مــا ذلـــوا ...) ..)) .)))
#- النقطة الثالثة :
أتمنى من أي عضو باستطاعته الحضور يحضر .. واللي عنده أي عذر يحاول يأجل العذر .. :o
لأن التجمع هذا .. أتوقع أكثر الأعضاء اللي باستطاعتهم الحضور راح يحضروا .. :(
وبعد هذا التجمع .. راح يقل عدد الحضور في الإجازة بشكل كبير.. :(
لإرتـبـاطـاتـهـم العائلية أو الشبابية بالسفريات .. والدراسة .. وغيرها من الأعذار ..
واللي راح يحضر التجمع .. ان شاء الله راح يحوز على إعجابهم ورضاهم واستحسانهم ..
تحياتي لكم .. وبانتظار ردودكم .. محبكم : ناســNasNoosــنووس
مواقع النشر (المفضلة)