تجمع الرياض

**دحوم** · 18-08-2006, 06:18 PM

كيف حالكم ياشباب بخش في الموضوع على طول بصراحة نفسي من زمان نسوي تجمع في الرياض كبير وش رايكم وانا عندي محلين المحل الأول اللي يعرف مقهى بلاك هاوس وانت جاي من جنوب الرياض تأخذ المخرج اللي بعد الفيصلية وفيه ساحتين كبار بحيث نوكن على طريق الملك فهد من خلفنا الفيصلية , المكان الثاني على شارع موسى بن نصير يوجد هناك ساحة اخرى وكبيرة بس ياليت اي واحد يشارك في الموضوع يكتب انه من الرياض وايضا نرحب بالأعضاء اللي يجون عندنا من جدة ومن الشرقية ومن أي منطقة ومن أي دولة وإذا كان عندكم اماكن اخرى فياليت تعطونا آرائكم واقتراحاتكم ونحاول ندرس الموضوع سوى وإن شاء نطلع بنتيجة .

تحياتي,,, :d :d :d

**ن ك د السـعــــوديه 3 5 7** · 18-08-2006, 06:55 PM

دحوم قلبي :o

اخبارك تمام ؟؟المهم لايكون التجمع الا وانا موجود فاهم ؟؟ والا

وعندك اكثر من محل ومنها عند استاد الملز في الساحه اللي يلعبون فيها والا طريق الملك عبد الله عند طريق المشاه

**S T ! N G** · 18-08-2006, 07:12 PM

كفووووووووووووووووووووووووو يا دحوم

وبنسبه للاماكن الى عند الفيصليه تمام بس المشكله بتجيك دوريات

لويكون المكان صاد على شان الدوريات يكون احسن

فيه مكان خلف الكليه التقنيه بالرياض عند المطار القديم

هذا مكان تمام وسور المطار مخليه صاد

واي مكان تختارونه بنجي الله لا يعوق بشر

هع هع

**أكورداوي** · 18-08-2006, 07:32 PM

أتوقع كراجكم يادحوم يكفي ...:d

على العموم الله يوفقكم وان شاء الله ماتنسونا من الصور اذا تم التجمع ..

**ن ك د السـعــــوديه 3 5 7** · 18-08-2006, 07:40 PM

القطه يابو؟؟؟؟؟؟؟؟؟

**لورد الاكورد** · 19-08-2006, 06:03 AM

السلام عليكم

ما عليش على طول الغياب

بعدين انا يوم شفت الموضوع انهبلت انا ودي من زمان بس عاد المشكله انا ماشي

يوم الاثنين لجده ومكه والطائف قاعد اسبوع وجاي

:d ياليت تخلونه لين اجي عشان اجي معكم

:( وان كنتم مستعجلين مقدر اقول شي هنا براحتكم

مع تحياتي ,,,

**دحوم** · 19-08-2006, 09:26 AM

انا اقول ياشباب خلونا نتفق كلنا على مكان معروف لدى الجميع وايضا نراعي ظروف اللي مسافرين حتى يرجعوا لأنه مستحيل نسوي تجمع ونصف الأعضاء اواكثر مسافرين فأنا اقول تريثوا وكل شيء steb by steb .

**الاخطبوط** · 19-08-2006, 11:42 AM

لاتنسونا

وعندك اكثر من محل ومنها عند استاد الملز في الساحه اللي يلعبون فيها

حلو

او عند استاد الملك فهد بس كانه بعيد
او الثمامه المخطط عند الدوار الجديد

**accord-se** · 19-08-2006, 02:37 PM

ننتظر الصور ونتمنا يكون افضل من اي تجمع ثاني

**دحوم** · 19-08-2006, 03:28 PM

ايضا ياشباب في ساحة خلف مبنى المملكة على طريق الملك فهد والموقع حلو مرة وفخم والساحة كبيرة .

**S T ! N G** · 19-08-2006, 03:32 PM

يا دحوم هل اماكن تمام وحلوه

لاكن بتجينا الدوريات وبتقول حركو

هههههههههههههههههههههههه

**دحوم** · 19-08-2006, 04:15 PM

إن شاء الله ياشباب ماتجينا الدوريات ولو جتنا نحاول نفهمها بطريقة معنية اننا اتينا فقط للتعارف وليس للهجولة والهياط وغيره أما بالنسبة للشرطة اتركوها علي لأني انا المسؤول عن التجمع والأمور راح تكون إن شاء الله تمام بس انتوا لاتعقدونها ولو جتنا الشرطة وطلعوا دلوخ مايفهمون تعارف نتجه جميعاً إلى محل آخر نكون كلنا مخططين عليه ويكون معروف ايضا وقبل لانروح نهجول شوي نمشي سوا ومتى ماتفرقنا كل واحد على بيته . وإذا تبغوننا نتعشى سواء ماعندي مانع هههههههههههههههههههههههههههههههههه .

**H @ Z ! M** · 19-08-2006, 05:48 PM

المشاركة الأصلية كتبت بواسطة دحوم

وإذا تبغوننا نتعشى سواء ماعندي مانع هههههههههههههههههههههههههههههههههه .

كالعادة خوينا دحوم يفكر في العشى :d :d

امزح:p

الله يوفقكم وإن شاء الله يزبط التجمع

ولاتنسوا توافونا بالصور

تحياتي...

**black.H.V6** · 20-08-2006, 08:30 AM

والله موافق على التجمع وخصوصا إن العشا بيكون على حسابك;) <<<غصب طيب بيدبسك..
وأي مكان وزمان يناسبكم فهو يناسبني و تكفون إجمعونا بأي مكان بس إتفقوا يا حلوين..
ولاتنسون الكاميرا الديجيتل ويكون المكان فيه إناره كافيه علشان التصوير... وسلامتكم.

تحياتي....

**دحوم** · 20-08-2006, 12:46 PM

انا عازمكم كلكم ياشباب وإن شاء الله راح نقرر انه يكون في اول اربعاء او خميس من شهر شعبان إذا كنا من الحيين وإذا كانت ظروفنا زينه ونعطي فرصة للشباب اللي مسافرين حتى يرجعوا ولأنه اكثر الناس يعني جوا من السفر يعني إن شاء الله التجمع راح يكون رهيب وفلة .

**ن ك د السـعــــوديه 3 5 7** · 23-08-2006, 06:20 PM

يابعد قلبي يادحوم :o ادري تقصدني انا

بس معليش انا ماباكون موجود الا يوم الثلاثاء الجاي او الاربعاء والخميس بتاريخ 13 14 15 شعبان وبعدين اكلمك ونتفاهم

معلييييييييييييش من قلب والله :( :(

**دحوم** · 24-08-2006, 03:13 AM

ياشباب انا جاد في الموضوع واتمنى تكونون جادين معي ياليت نسوي التجمع قبل رمضان وهذا رقم جوالي 0503461650 اتمنى من الجادين سواء داخل منطقة الرياض او خارجها او خارج السعودية وده ينضم إلى التجمع لا يتردد قررت احط طريقة وهي عبارة عن جدول بالشباب اللي راح يحضرون يبين اسم العضو يعني لقبه في النادي , ومكان إقامته , ومتى وده يكون التجمع يعني الأسبوع القادم أو اللي بعده وإذا شفنا الظروف مناسبة للجميع حطيناه في الأسبوع الأول وإذا كان عكس كذا حطيناه في الأسبوع الثاني واللي يبغى يحدد مكان التجمع انا ماعندي مانع ابد انتوا تدللوا وامروا وأي واحد مستحي لا يتردد يرسل لي رسالة على الجوال عادي ترانا اخوان والله لايفرقنا .

**دحوم** · 24-08-2006, 03:20 AM

هدف التجمع هو :

1- التعارف .
2- نشوف مدى تفاعل الأعضاء .
3- تقوية الاخوة بيننا .
4- مساعدة بعضنا البعض عند الحضور لأي مدينة من مدن المملكة بدون اي إحراج .
5- نتعرف على اسماء الأعضاء الحقيقية .

**دحوم** · 24-08-2006, 03:22 AM

هذا رقمي :

0503461650
وانتظر اتصالاتكم ورسائلكم بفارغ الصبر

آسف لعدم تميز الرقم ههههههههههههههههههههههههه :d :d :d

**black.H.V6** · 24-08-2006, 03:49 AM

حبيب قلبي دحوم أنا موااافق وبشده على الخميس الجاي وفي أي مكان تقترحه وأهم شي يكون مكان فيه إناره علشان نصور

مواترنا ونتفشخر فيها

ونبي من الشباب اللي يبون يحضرون يحطون أرقام جوالاتهم علشان التنسيق بالجوال

ومانبي الشباااااب يواعدووون وبعدين!!!!

ودحووووووووووووم لاتنسى العشا تراي بأجيك جوعاااان

وجوالي: 0555454561
وتلفون السياره: 0561111170

ناااااااااااااااطركم........

**الاخطبوط** · 24-08-2006, 06:52 AM

دحوم انت حدد المكان والزمان والشباب بيجون >>>> حتى الهلال بيجون

اما لو بتشاور وتصويت ومدري وشهو بالاخير بيتأجل الموضوع ولا راح يجي الا اللي كان بيجي لو انك انت محدد المكان والزمان

فتوكل على الله وحدد >>>> حدد السكسوكه خخخخخخخخخخخ

**الاخطبوط** · 24-08-2006, 07:05 AM

دحوم انت جوالك Nokia 6680 صح ولا لا؟؟؟

**دحوم** · 24-08-2006, 10:02 AM

يالله ياشباب وروني التفاعل والموعد إن شاء الله قريب بس اهم شيء التفاعل هل انتم مؤيدين لي ولا لا وبس .

**دحوم** · 24-08-2006, 10:17 AM

ياشباب ارجوا من الزوار الكرام للموضوع انهم يدخلون بين فترة وفترة لأني إن شاء الله قريب راح احدد المكان المناسب للتجمع ومنها نشوف مع بعض تعليقات الاعضاء فلا تحرمونا طلتكم اليومية لإنجاح هذا التجمع .

تحياتي ،،،

اكــــــورد للأبد