اقتراح ممكن يفيد بالتجمعات

**AL5FY** · 04-06-2008, 01:21 AM

السلام عليكم

عندي اقتراح حلو ويمكن يفيدكم بالتجمعات ,,,, اللحين انتم تجتمعون بين فترة وفترة ويتوهق خوينا ابو عبدالعزيز من السويدي للفحص يدور استراحه وكل تجمع على هالحاله هذا غير التجمعات الصغيرة متجمعين بكافيات وتتبهذلون جب كرسي ود كرسي زحمة وازعاج وقلق وظلام في الكافي تدخل وتسولف وتتعرف وتطلع ما أحد شافك من الظلام :d

فأنا اقترح انكم تجمعون قطه من بعض الاعضاء اللي دايم يجتمعون او اللي حاب يقط وتستاجرون استراحه سنويه وكل ماصار تجمع

عندكم هالاستراحه والتجمعات الاسبوعية بدال ماتصير بكافيات وكلن مستحي يصارخ ويفله عندكم هالاستراحه صارخوا لين تقولون بس وتاخذون راحتكم اكثر

وان بغيوا تجتمعون كل يوم مهوب مرة بالاسبوع

مجرد أقتراح

**الفارس؟** · 04-06-2008, 02:54 AM

أقتراح ممتاز لن ذالك يعود بالفائد للجميع وأتمني تطبيقه في جميع مناطق المملكة ............

**هنـ"2007"ـآدي وكلن ينادي** · 04-06-2008, 05:02 AM

اقتراح ممتاز اخوي بس بقولك نقطه هنا عندك الشبااب ملولين يعني يحبون التغير يعني صعبه انك كل يوم تجتمع في مكان انت من نفسك راح تمل واذا انت مقدر ظروف الشبااب وتعبهم انا اقترح ان كل ماطلعت في مكان استراحه او كفيات تاخذون كرت وتخلونه مع مشرف التجمعات هذا اللي حبيت اقوله ويعطيك العافيه اخوي

**محمد بن عبد العزيز** · 04-06-2008, 08:26 AM

يعطيك العافيه على اقتراحك... وحسيت انك تكي معي دايم ...^_^ وللحين وانا ادرس الوضع...بس فيه ناس معارضين وفيه ناس مؤيدين..والناس كلها مب على هواك..

فيه بعض الناس ملولين من جد .. يعني لو اقوله مشينا لمخرج 8 نتكي بالمخططات قال يامشواااااااااار طيب انا ابمرك ..قال لا هونت....
لما مخططات مركز الملك فهد الثقافي... يجي واحد يقول والله المكان هذاك مب زين ... واحس انه كذا وكذا والا الارضيه مش ولا بد...

يقاله يعني ان الدعوه بتوقف عليه...:p

النظام هنا ماشي ع الكل...حدد المكان ... ومالك الا الي بيجيك وان ماجاك احد ... بتحصل الكباريه موجودين ...

وفكرة الاستراحه سنويه ... ممكن ماتكون سنويه خليها على مره بالشهر او اسبوعيه كل اربعاء او كل خميس...

لو نجمع القطه بيطلع لك كم واحد وخصوصا فيه كم شخص جديد ويقول ماقدر ادفع (وفيه ناس ماتفضل الصداقه عبر الانترنت);)ومايبي يغامر ويدفع فلوس ممكن ناس مايثق فيهم(والي يبي يعرف الناس يختلط معهم):d

وبكم تطلع القطه ..وفيه ناس ماشاء الله مشواره للبقاله لازم بالسياره وكيف تبيه يجي الاستراحه ويترزز فيها ويقول انا قطيت...

وبعدين فيها مشاكل لا اول ولا تالي...>>محسوبك عايش التجربه...^_^

نشوف الشباب وش يقولون... ولاتنسى ان ااجار الاستراحه السنويه من 8000 ريال الى 130000 ريال
بدون اثاث وعلى حسب المكان....

**هنادي007** · 05-06-2008, 03:21 PM

اولا/ اكورد 2002 من زمان وانا ابي اتعرف عليك بالعربي
ثانيا / كلام الاخ الى فووووووووووووووووووووووووووووووووق عين العقل
ثالثا / فيه اقتراح بسيط هو الي يمكن يحل الازمة عند اي تجمع يكون الموعد في العصرية في مكان واضح ويفضل مخطط او مكان بارز عشان التصوير والخ ثمن نروح بعد المغرب الى الاستراااااحة نفلها وعشاء وشاهي وقهوة والي يجي لو موية المهم كذا الي يقول بعدها انه يمل اعرف ان ماعنده ساااااااااااااااااااااااالفة بس قرقر زياااادة ع العموم
:d;):d

;):p