الاكورد القديم مافرقها عن الجديده في الانظمه

[zeyad]

السلام عليكم

ابي اي واحد من الاعضاء جرب قياده اكورد الشكل القديم يعني من2007 وتحت

وجرب الجديده 08 يقول لنا اي الفرق في الرساوه..

هل الهدوء في القياده نفسه او افضل

راحه المقاعد سواء الجلد او المخمل هل تتشابه مع القديمه او مثلها

هل نضام التحكم الداخلي نفسه...مثل نغمه الحزام الى ماربطته او اشياء زي كذا

هل الى وصلت سرعه اكثر من 120يجلس يرن الجرس دايم او رنه ويفصل

هل السماعات قويه او زي الاوله

وهل فيه احد الاعضاء طلب مع السياره النضام السمعي الفاخر للاكورد فل كامل ممكن يقول لنا كم كلفه وايش الفرق
بين النضام السمعي العادي والمطور <<<خاص لاصحاب الاكورد فل كامل 2008

[ملك الحر]

وجرب الجديده 08 يقول لنا اي الفرق في الرساوه..

2008 أرسى من الموديلات السابقة.

هل الهدوء في القياده نفسه او افضل

تقريبا نفسة ...معروفة الأكورد بالززززززززنه (صوت المكينة أربعة سلندر)

راحه المقاعد سواء الجلد او المخمل هل تتشابه مع القديمه او مثلها

نفس المقاعد.

هل نضام التحكم الداخلي نفسه...مثل نغمه الحزام الى ماربطته او اشياء زي كذا

الحزام إذا ما ربطه قلللللللللللق.

هل الى وصلت سرعه اكثر من 120يجلس يرن الجرس دايم او رنه ويفصل

رنه و يفصل.


هل السماعات قويه او زي الاوله

قوية و صوتها ممتاز.

وهل فيه احد الاعضاء طلب مع السياره النضام السمعي الفاخر للاكورد فل كامل ممكن يقول لنا كم كلفه وايش الفرق
بين النضام السمعي العادي والمطور <<<خاص لاصحاب الاكورد فل كامل 2008

لم أسم ع عنه.

[kakashi-san]

وعليكم السلام ورحمةُ الله وبركآتة

هلا فيك أخوي

امممم .. أنا ركبت الثنتينْ ،

مواصفات 2008 الفل كامل

6 سيديات
تشغيل Mp3,wma
تحكم مكيف خاص
أدوات التحكم وتثبيت السرعة والأصوات من الدركسون
درجة الحرارة
تصفيط المرايات
صوت الحزام موجود ، بعد 120 رنه خفيفه ويسكت ؛ اما الحزام لا ، يا تربطه او تربطه خلف كرسي السائقْ
الأسيات مرات أحسها نفس الشيء ، ومرات لا ؛ أحس 2008 أريح
مرايه الكترونيه ، في حالة أي نور عالي خلفك ينعكس عليه
وجهيّة الأكورد الجديد أفضل من القديم
لكن خلفية 06 & 07 أفضل من 2008
صوت الهواء بعد 120 موجود في الموديلينْ لكنه ما يدخل داخلْ ،
في حالة ضغط زر فتح الأبواب مرتين ، تنفتح التنده والنوافذ (فتحة السقف) ، اما 07 فقط النوافذ

وشسمه ؛ هذا اللي أذكره حالياً ،

ومبروك عليك مقدماً ،

سوآلمْ ،

[accord 2007]

في الرساوة 2007 بلا منازع
الفل منها طبعاً

في المواصفات 2008
جميع الفئات يوجد فيها تحكم صوت ومثبت سرعه
مدخل AUX
من السوح الا الفل المسجل يشغل MP3

لاكن تظلون يااصحاب 2008 تفقدون
VSA
واللمبات الليد الخلفيه;)

[دحوم]

الفرق الشاسع هو الليد وvsa بين الموديلين لصالح 2007 (لاحظ موضوعك يقول وش الفرق في الانظمة)

[kakashi-san]

اسمح لي يا ماهر

لكن في الرساوة

اليوم راكب مع صديقي 2007

يا خي ما امدح 2008 ، لكن احسهم نفس الشيءْ ،



صحيح اللمبات الخلفية ولا اروعْ ،

لكن ديني ودين يجي قدامي في الخط 2007 ، لأنه من يضغط بريك يعميني من قوّة النور <~ مبآلغةْ :d

وفي النهاية كلهم حديد

[accord 2007]

^^^^^^
طيب ماقريت ايش مكتوب في ردي اللي قبل

طيب ايش نوع سيارة خويك فل ولا سبيشل؟؟؟

[zeyad]

حبيبي

نظام Vsa في الفل كامل موجود في الجديده

ولله احس القديمه فيها اشياء قويه

بس غريبه ذي الهوندا خربتها باخر شكل

بس مواصفات ال6سلندر الصراحه تنافس الشكل الاول
بالمكينه وبعض المواصفات الداخليه الى قد تعوض الشكل الخارجي

[دحوم]

^^^^^^

الجديدة للأسف مافيها Vsa لاتحاول غيرك حاولوا نطله او نطلتين وندموا الــvsa واضح وضوح الشمس في 6سلندر 2008 بس يعني يبغالك تدفع عشان تحصل على هذي الميزة الرائعة بكل صراحة مو مثل 2007 في الفل 4سلندر جلد ومخمل و6سلندر كمان .

[tha power 220]

لا تنسوا
القديمة انسيابية اكثر
"تشق الهواء شق"
وهذا يفيد في المناورات فالسرعات العالية
والجديدة :("لاتعليق"

[اكــــ2007ــــورد]

2007 في الشكل احلى
2008 في المواصفات احلى

[zeyad]

معروف ان القديمه احلا شكلا وانا معكم

بس هل لو معك فلوس الجديده تب تشتري القديمه؟؟؟

وهل فيه احد شرا القديمه بعد مانزلت الجديده بسبه الشكل

كلها كم سنه وتنسون القديمه زي مانسو اصحاب الهايلوكس2005 معشوقتهم وتحملو 2006<<<لي ذكريات معهم

ورد اخوي اكورد2007<<<< جبتها على الجرح وكلامك صحيح