آخر واحد درا اني طلعت من ينبع لأبها ورجعت اليوم الثاني قال (حشييييييييييييش) !! :d
لكن الصراحة شوفة جدي وهو متعافي بعد العملية كانت تسوا التعب والمشاوير .. واكثر

اسأل الله العلي القدير ان يرفع عنه ويمد له في عمره
واسأله سبحانه ان يشفي جميع مرضى المسلمين وعساكم ما تشوفون مكروه في من يعز عليكم

ورجاءاً لحد يقول لي فيه اختراع اسمه طيارة !!
دام طيارتي الخاصة واقفة عند الباب فما له داعي لمذلة الحجز عند الخطوط !!

:p

الى راعي الموضوع (مع التحية):

الظاهر اني اشغلتك يوم قلت ابيك بسالفة لكن والله ما كنت ابي اشغلك عن عملك
واخرتها طلعت لنا بسالفة ظهرك يالنصاب وانحشت من العمل !!

اكرمك الله على الكابتشينو اللي ما تعرف وش اسمه
واشكرك على الحفرة اللي خليتنا ناكلها وراك يوم انك مضيع وتبي تختصر الطريق !!



وحنا في الطريق المختصر .. كنت اقول لاخوي سعف (راعي الكامري) خلنا نفتح الدرايش ونستمتع بالبراد قبل ما نمشي ونرجع للرطوبة والحر .. وليتنا ما فتحناها !! والله يا دخلت علينا ذيك الريحة اللي مبطي ما شميتها (ريحة غنم) !! بعدها الا انت تتصل وتقول لنا ان سوق الغنم قريب

:d

بيض الله وجهك يابو عابد على كرم اخلاقك وطيب الاستقبال

كان ودي الصراحة انا نجلس معك اكثر لكن الوقت والظروف للاسف ما كانت تسمح
ولولا معزتك والله كان سحبت عليك لكن قلت دام جينا ديرتك لابد انا نوقف ونسلم عليك

نشوفك على خير وان شاء الله نعوضك بالجايات