تحية من البحرين (سيفيك 2009 تيتانيوم)

**داركوس** · 21-10-2008, 10:32 PM

السلام عليكم ورحمة الله وبركاته،

تحية لجميع الأعضاء والإدارة طبعاً :d،

بعد عناء طويل مع إحدى الشركات وسيارة مستعملة، بإذن الله سوف ندخل عالم الهوندا والسيفيك بعد اسبوع بإذن الله تعالى، دعواتكم لنا إخواني، عسى ربي يوفقكم جميعاً وتنالون كل اللي بخاطركم ويرزقنا الجنة بإذنه...

عزمنا وقدمنا على سيفيك 2009 اوربان تيتانيوم النوع المتوسط المزايا. ما ادري شتسمونه عندكم، احنا بالبحرين عندنا 3 أنواع سيفيك حالياً، عادي، متوسط فيه جنوط ومصابيح جانبية على المرايا وبعض اللمسات، والفل اللي فيه زينون وكشافات وفتحة وجلد ومكيف اوتو وغيرها... قاصرنا حوالي عشرة آلاف حق الفل بس ما فيه نصيب :d
بس حتى المتوسطة بعد حلوة ومناسبة جداً ومزاياها حلوة..

حبينا نتبادل الخبرات، شنو فيها مزايا وخفايا، ما ادري اذا فيها حق ام بي ثري او آي بود من أصل ولا ادري عن الشغلات هذي... اذا احد يفيدنا عن المزايا الأصلية او شي من هالقبيل!

افكر أركب فلم عازل من بره الوكالة، الوكالة تبي 1700 ريال تقريبا حق الفلم! أحسه كثير؟
بسوي زيارة للتوب شيلد ، بس ما ادري اذا في نصايح من الشباب وأهل الخبرة في الهوندا،

وقريباً إن شاء الله نكون من الأعضاء النشطين في المنتدى الحلو،

وتحياتي للجميع،

والله الموفق.

أخوكم،
داركوس - البحرين.

**first** · 22-10-2008, 02:14 AM

الف مبروووووووووووك

و يا هلا و سهلا

و انشاء الله الشباب ما يقصروا معاك

**الاخطبوط** · 22-10-2008, 11:05 AM

حياك الله اخوي داركوس منور المنتدى

ومبروك عليك السيفيك الله يعطيك من خيرها ويكفيك شرها

والله سيارة حلوه مجربها ومسافر فيها الصراحه احسن بكثير من منافسيها

قسم الالكترونيات وقسم الاكسسوارات فيه اشياء كثير عن السيفيك ممكن تفيدك خصوصا اذا كان ودك بشاشة نافيقيشن وديفيدي تركب بنفس مكان المسجل وتشوفها تقول شغل وكالة

بالتوفيق حبيبي

**meshoo** · 22-10-2008, 11:42 AM

مبروك ومرحبا بك في عالمنا عالم السيفيك موهاهاها

بس ماقلت لنا كم اسعارها عندكم ؟؟؟

**داركوس** · 22-10-2008, 03:41 PM

تسلم أخوي first،

على اسمك والله أول واحد رديت، يعطيك العافية وتسلم والله.

الله يحييك أخوي الاخطبوط،

بس بسأل الوكالة اذا ما يروح علي الضمان بركب لي واحد،
أو يمكن لازم اهم يركبونه، بشوف وياهم شنو يقولون لي.
والله يعدي جميع أمه الإسلام الشر ويوفقنا وينصرنا

والله يوفق الجميع.

أخوي ميشو meshoo،

يا هلا، الله يبارك في حياتك ومراحب بك يالغالي :d
والله الأسعار ارتفعت عن السابق.

النوع قليل المواصفات تسمونه السياحي اعتقد؟
اللي يجي من غير جنوط وعادي جدا.
سعره كاش 6400 بحريني يعني تقريبا 64000 ريال.

والنوع الوسط مثل اللي بستلمه قريب،
سعره كاش 6900 بحريني يعني 69000 ريال تقريبا.

أما الفل اوبشن بالفتحة والجلد والمكيف الاوتو والكشافات، وموديل 2009 يجي زينون اصل.
سعره حوالي 7800 بحريني تقريبا 78000 ريال سعودي.

بس أعتقد بالسعودية مواصفاتكم اكثر؟ واسعاركم ارخص؟

**Jack** · 24-10-2008, 11:53 AM

مبرووووووك
وحياك الله بيننا

**الحظ الميت** · 24-10-2008, 12:08 PM

الف مبرووووك

**naio0of** · 24-10-2008, 12:22 PM

مبرووووووووووووووووووووووووووووووووووك

**داركوس** · 26-10-2008, 05:53 PM

Jack،

الله يبارك في حياتك اخوي

المحب2010،

تسلم والله يبارك في حياتك :d

نيوووف،

الله يبااااااااااااااااااااااارك في حياتك...

توني قاطع فيها حوالي 400 كيلو بس مرتاح وايد الحمدلله... الله يدوم علينا الهنادي، بصراحة صرت من عشاق هالمواتر :d

**hmoodi-civic** · 26-10-2008, 07:24 PM

ألـف ألـف مبرووك عليك السيارة
انا سيارتي 2008 فل كامل بس خساره مافيها كشافات وزينون
2009 ممتازه شفتها في الوكاله روووعه مباركه عليك

اهتم في دلووعتك عاد ولا تهملها

اخوك حمود من السعودية ..,