هوندا ماعندهم سيارات زي العالم وسياراتهم دايخه

**سعودي ستايل** · 18-05-2009, 12:44 AM

السلام عليكم قبل ما تزعل وتتضايق كمل الموضوع وتعرف السالفه
ابقولكم سالفتي واسمي وكل شي
معاكم فهد حامد عمر 19 سنه >>> ياكبير :d
كنت امتلك اودري TT 2000 وكنت مبسوط فيها كثير بس بعد ما شريتها بـ 5 صرت ازور الصناعيات كلها واروح الوكاله واقول ....... xxx لحد الحين وما بقى خراب ما قالو فيها مع ان الي شاريها منه خاسر عليها 55 الف ريال سعودي قطع غيار وشكله ما بقى شي ما غيره
طبعا بعت السياره والحمد لله على واحد من اصحابي السياره اقولك ميكانيكين مره كويسه والحمد لله و بدي بس فيها اشياء صغار تخرب مثل لمبات زينون و...الخ
الله يبارك له فيها انشاء الله

طبعا رحت ادور لي على سياره ثانيه قلت ابخذ مستعمل بس ياباني مثل لكزس حصلت واحد بسعر مناسب لي بس بعد الكشف طلعت فيها مليون مشكله :( قير ومكينه وعكوس الله لا يوريكم

المهم رحت البيت وقاللي اخوي امش معاي نروح نشوف نيسان ونشوف اسعارهم كان في بالي قاشقاي بسعره مررره غالي ومايستاهل الان مكينته ضعيفه بس افضل شي انه صنع في انجلترا على ما اضن وقالي سعره بـ 94 الف

وانجنيت

وطلعت من الوكاله قلت لخوي يله بنمشي البيت قالي "رح وكالة هوندا" قلت له " ياخي ما عندهم سيارات زي العالم وسيارتهم دايييخه "
اول شي ابعترف لكم كنت شايل على الهوندا نظره مرررررره مو كويسه ومنتدى بعد

مدري ليه
وعلى سيارات بعد المهم
قالي " طيب دقيقه وبركب معاك " قلت على ما هو يكلم بروح وكالة هوندا بستهبل عليهم
وربي ما انسها دخلت الوكالة الي بخريض فيه واحد ملحوس بالوكاله اذا xxxxxx اول ما تدخل من البوابه الرائيسيه بتلقاه في اقدامك تشوفه يلبس نظارات شمسيه بالمعرض بالضهر هو الوحيد الي يلبس نظارات

مدري ليه وربي اسلوبه يخليك قسم بالله تقول ياخي لو فيه سياره عاجبتني والله ما اشتريها المهم نرجع دخل المعرض ولا يقابلني واحد مصر اسمه " ايهاب عبدالمنعم توفيق " والله لما قابلني كان اسلوبه معاي فووووووووق الروعه ما شاء الله عليه هوو ممثل مبيعات الشركة والي يبغى رقمه 4454646 تحويلة 1313 راح يفيدكم انشاء الله المهم اخذني ب

كلامه المعسول وسألت عن الكوبيه ومواصفاتها ما قصر معاي المهم دخل اخوي اخوي بالاصل ما يحب هوندا وقالي ادخل الوكاله على شان بيخلص من الجوال دخل المهم كان يقول ها " وش عندك شكلك كيفت على الوكاله " وايهاب يوصف الي السياره

ويقول اخوي " ايه ايه بس سيارتكم بس سيارتكم ازعاج ومدري وشو والخ " قاله وش معاك سياره المهم تعرف الاخ هيط ويحط مفتاح سيارته على الطاوله سكت ايهاب ورد عليه رد حلو قال له لكل شركه مميزاتها وطلبت منه تست درايف وماقصر معاي طبعا المهم ركبت وانا اقول في بالي السياره خايسه ومعفنا ومعاي اخوي وايهاب والمهم وانا ا

ول ما ركبت الوهوندا نوع اكورد كوبيه فل كامل 6سلندر لونها ازرق روعه الون قلت حلوه بس مو بذاك الزود وربي اول ما حركت السياره وطلعتها من الوكاله جاني شي مدري وشو

حسسني ان السياره فيها راحه نفسي والطبلون رايق ومدري وش اشياء كثير طبعا وقفت السياره وانا مدري وش جاني صرت امدح فيها بس جد والله السياره قمه بالروعه طبعا شريت السياره والحمد لله اكورد ابيض v6 والحمد لله وانشاء الله بكره تطلع يارب دعواتكم بس انها تطلع
وكنت شيل على المنتدى هذا بعد بس والله بعد ما شفته وشفت المواضيع الي فيه اصراحه حقدت على نفسي والحين
اتأسف منكم يا اعضاء المنتدى وكل الي له ايد بهوندا ومن يملك سيارت هوندا

وياريت ترحبون فيني كا غضو جديد بالمنتدى :o
انتهى العرض ..
تر ملوون الكلام على شان يصير لك خلق تقرا يعني تكفى اقرا يلي تشوف وياريت لو تتكرم و ترد علي لو تقول شكرا ياخي زود مشاركتك
هههههههههههههههههه امزح معاك

تحياتي لكم
اخوكم فهد حامد

**meshoo** · 18-05-2009, 12:55 AM

ههههههههههههههه

قريت الموضوع كامل الالون تجذبك :p

ومن جد هذي نظرة اغلب الشعب لهوندا بس وش نقول الي مايعرف هوندا يجهلها

وحياك الله بيننا اخو وعزيز قبل ماتكون عضو بالمنتدى

والف مبروك على السياره الله يعطيك خيرها ويكفيك شرها

**المـــــلكـ اكـــــورد** · 18-05-2009, 01:26 AM

ياهلا بك اخوي فهد

ونتشرف انك صرت واحد من ملاك هوندا

والله يعطيك خيرها ويكفيك شرها <مقدما.,

والحمد لله المنتدى هذا غير عن باقي المنتديات يكفي بس انك تتعرف على وجيه طيبة تعتز فيهم

وللاطلاع على احد مزايا المنتدى زور قسم التجمعات وانت تعرف المقصد ;)

تحياتي

**ن ع ر السعودية 0005** · 18-05-2009, 02:01 AM

وعليكم السلام أخوي فهد ....
أولا مبروك عليك الموتر والله يعطيك من خيرها ويكفيك من شرها ........
وثانيا نتشرف أنك أصبحت واحد من أعضاء هذا المنتدى ومالك من ملاك هوندا .........
وأخيرا نتمنى أنك تفيد وتستفيد معنى وخل نشوفك مع تجمعات الشباب .........

**أبوكرم** · 18-05-2009, 04:56 AM

ربي يعطيك خيرها و يكفيك شرها
و حياك الله في منتداك

**فقير الحظ** · 18-05-2009, 07:35 AM

ههههههههه

أول شي مبروك الموتر ,, الله يعطيك خيره ويكفيك شره ,,

ثاني شي ,,

ارحب فيك بالمنتدى ,, وان شاء الله تفيد وتستفيد ,,

وننتظر جديدك معنآ ,,

>>ابشرك قريت موضوعك كامل:d

,,,

**غضب الاكورد** · 18-05-2009, 07:39 AM

يا هلا فيك اخوي

وعساك ترتاح مع الهوندا ولا تقرب الاودي tttt لوول

**أغـار يا هـوندا** · 18-05-2009, 10:16 AM

حياك الله ياغالي معنا
منووووووووووور المنتدى
وراح ترى ما يسرك بإذن الله وبالعكس حنا نادي يجمعنا الحب والوفاء والصراحه
وأنا كنت ماخذ فكره مثلك وشوف وين وصلت عضو فعال وبالله التوفيق
وإن شاء الله ماراح تندم في منتدى يضم أرقى طبقات المجتمع
وإنت صرت واحد منهم

**SAND** · 18-05-2009, 12:47 PM

هلا بك اخوي
ومبروك على السيارة

**Ëńġ․ℱάίśάℒ** · 18-05-2009, 02:09 PM

تعرف الكوبيه الزرقا الي انت جربتها انا كمان جربتها وبعدها طلعت السياره شكلها فيها سحر هاهاها بس اخذت سيدان v6

**AL_ADMIRAL** · 18-05-2009, 02:50 PM

ألف مبروك أخوي على الكوبيه ^_^

أذكر عام 2004 أخوي كان محتار بين لومينا كوبيه وأتوقع كدلك مدري أي نوع
المهم طلعنا من وكاله الكدلك راجعين للـ لومينا ( راجعين يعني قد رحناها قبل) , أخوي قال أنا أروح بالسياره
وأنا والوالد مشي ( ما كانت بعيده ) وأحنا ماشين قلت للوالد شوف شوف هذي وكالة هوندا , خلنا نشوف وش عندهم
دخلنا الوكاله وقاعدين نتفرج , شوي أخوي أتصل وينكم , قلنالا تعال تعال عند هوندا , طبعا جا وهو يقول في نفسه أيش وداهم هناك ×_×

بس يخوي أنا متحمس كنت على الأكورد , ولا ما أشوف الوالد وأخوي قاعدين عند الــ ليجند وعجبته أخوي بالمره
<<< مع أنها ماكانت بالحسبه , وما طلعنا من المحل ألى حاجزين وحده وأخناها بعد كم يوم

**o-k-r** · 18-05-2009, 03:52 PM

حياك الله يا فهد>>>>>ياخرطي خخخخخخخخخخ

وع البركة وزي ماقلت لك غير الهوندا لاتدور

مدام السيفيك خدمتك

وجاء وقت الأكورد تخدمك

ويعطيك خيرها ويكفيك شرها

وحياك الله في منتدانا الجميل

**false** · 18-05-2009, 10:08 PM

هلا فيك نورت المنتدى يالغالي

عجبتى قصتك و أعجبني ذوقك

نستنى جديدك و بالتوفيق

**hamedo** · 18-05-2009, 11:08 PM

تصدق بكيت لما عرفت بالقصه وشكرا علي الموضوع

**سعودي ستايل** · 19-05-2009, 12:59 AM

اولا مشكورين وما تقصرون الصراحه لما شف الردود انجنيت حسيت اني مسوي شي مو طبيعي
وابشركم الحمد لله طلعت السياره بس ..... شوفو الموضوع الجديد :(

**business man** · 19-05-2009, 03:47 AM

حياك الله اخوي بين اخوانك والف مبروك عل الموتر

**SuB-ZeRo** · 19-05-2009, 02:23 PM

كفو يالذيب مبرووووك عالكوبيه الله يعطيك خيرها ويكفيك شره
ولا اوصيك يايات ايباخ
واقزوز سيستم ماقنافلو او بورلا ايهم يسبق اولا
وزينون الماني
واسطبات ليزر ورا طلبيه من ebay
وسللللللللم لي على راعي الكوبيه الؤلؤي
على فكرا غصبن عليك بتجي عندنا وبنشوفك زي ماقلتلك عالجوال:p
عشان تحط حماية واجهيه من تو شيلد :d

**hamedo** · 19-05-2009, 07:50 PM

يعطيك ربي خيرها ويكفيك شرها امين

**سعودي ستايل** · 20-05-2009, 01:51 AM

الله يحييك اخوي business ويبارك فيك

المشاركة الأصلية كتبت بواسطة SuB-ZeRo

كفو يالذيب مبرووووك عالكوبيه الله يعطيك خيرها ويكفيك شره
ولا اوصيك يايات ايباخ
واقزوز سيستم ماقنافلو او بورلا ايهم يسبق اولا
وزينون الماني
واسطبات ليزر ورا طلبيه من ebay
وسللللللللم لي على راعي الكوبيه الؤلؤي
على فكرا غصبن عليك بتجي عندنا وبنشوفك زي ماقلتلك عالجوال:p
عشان تحط حماية واجهيه من تو شيلد :d

ياخو ربي يسهل انشاء الله هذي كلها بعد سنه انشاء الله :d خلنا نفرح فيها جديده اول ويصير خير انشاء الله

**سعودي ستايل** · 20-05-2009, 01:51 AM

المشاركة الأصلية كتبت بواسطة hamedo

يعطيك ربي خيرها ويكفيك شرها امين

امين يارب ومششكور وماتقصر

**ابو سعود** · 20-05-2009, 05:03 AM

تبي نصيحتي لك ولالزمن

التأمين الشامل

تصيحني لكل من في الارض المدورة

التأمين الشامل ولا تقدع بالبيت تطر اخوك سيارته مثلي

ومبروك وان شاء الله ما تحتاجه بس لازم للحيطه والحذر

**m.z.a** · 21-05-2009, 11:20 PM

قبل مااهنيك على السياره حبيت اقول لك عجبتني طريقتك في تـنوع الألوان في كتابتك ، ومبروك على الكوبيه والله يبارك لك ^_^

**m.z.a** · 21-05-2009, 11:21 PM

وعلى فكره ، عنوان الموضوع يجذب الواحد

**accord05** · 22-05-2009, 12:43 AM

حياك الله بيننا

**memories** · 28-05-2009, 05:42 PM

يعطيك العافيه اخي سعودي ستايل

تصدق ليا تجربه قريبه من تجربتك

راح اطرح قصة تجربتي في موضوع مستقل

وبعد اذنك راح اقتبس العنوان منك مع حفظ الحقوق طبعا

و شكراً