عندي موضوع يهم الشباب العااااااطللليييين عن العمل

**راعي الكامري saad** · 02-09-2009, 08:35 AM

اولا السلام عليكم ورحمة الله وبركاته

الموضوع يهم بشكل عاام الشباب(( العاطل ))
خلونا نركز على هالموضوع شوي لانه موضوع خطير لشبابنا
كل واحد من هو صغير اكيد له حلم ووده يحققه مثلا اسئل اخوك الصغيرون وقله لما تكبر وش تبغا تصير ؟؟؟

طبعا واكيد ما راح يقولك ابغا اصير( عاطل) راح يقولك طيار او دكتور او شرطي وهكذا... صح
واكبر دليل انا وانا كنت (صغيرون وحليو)كنت ابغا اصير دكتور والى الان وانا احلم اصير دكتور بس ما كتبلي الله مع اني حاولت بكل الطرق الممكنه بس مالقيت اليد الي تمتدلي وتدعمني ...............

وانا ودي اعرف ايش كان حلمكم ؟ وايش الحل لهالمشكله لانه عندنا شباب ماشالله عقولهم كبيره بس ما قدرو يحققوا حلمهم السؤال هنا ليش وكيف نحلها وابغاكم تعطوني طرق اذ1 امكن لحل هذي المشكله الكبيره ابغا الكل يفتي برايه حتى لو كان صغير نبغى نقضي على هالظاهره الي سببت المشاكل لشبابنا

واخيرا اسئل الله العظيم ان يوفقنا جميعا فيما يحبه ويرضاه

**slaitr** · 02-09-2009, 09:15 AM

يا صديقي انا يوم كنت صغير ماكنت افكر وش اصير
بس يوم دخلت الثانوي كنت ابي ادرس محاسبه
بس للاسف ما فرقتني عنها الا نسبتين
ودخلت تخصص ثاني بس ان شاء الله بحولها الترم الجاي

وبالنسبه للحلول فأشوف افضل حل انك تنسى تصير دكتور او مهندس....الخ
اذا ماعندك واسطه

**HONDA HAILL** · 03-09-2009, 01:12 AM

حلمي وانا صغير اصير فنان مثل خالد عبدالرحمن ..
واذكر مره سألني الأستاذ ( مطوع ذو البشرة السمراء ) يوم انا بأول ابتدائي قالي وش تبي تصير اذا كبرت قلت فنان مثل خالد ما دريت الا وجهي لازق بالباب ..

((( شفت التحطيم وشلون)))
انا اتوقع فيه حلول واجد منها تطوير المناهج لان اللي عندنا مالها سنع ..

والحل الثاني ما احد يعطيك ثـــقــــه بالنفس وانت صغر >> بالفرنسي ما يعبرونك ..
الحل الثالث وهو اقتراح وهو ان يصير لكل مدينه منهج غير اللي بالمدينه الثانيه مثل اهل جده يضيفون ماده (فندقه وغيرها ) لان جده منطقه تجاريه
وحائل يضيفون منهج يسمونه (سربته ) وهو كيف انك تهرب من الدوريه بأسرع وقت ممكن .... هههههههههه

وانا اتمنى بيوم يصدر قرار وهو تمويل مشاريع >>> لان حنا يالسعوديين متأخرينن عن العالم بقرق كبير من ناحية الصناعه >>> حتى نضرب على البطاله X

**حبيب هنادي** · 03-09-2009, 01:21 AM

واللهـــــ حلميـــ

اني أخش (( الكلية العسكريهـــ الجويهــ ))

وانشاء اللهــــ أحقق حلمي مع اني ادري ما راح يتحققــ

لان البدو كل واحد يتوسط لولد عمهــ

ودعاكمـــ شباب انهــ رابي يوفقني وخش الكلية العسكريهــ

**فقير الحظ** · 03-09-2009, 03:27 AM

وعليكم السلام ورحمة الله

الصراحه يوم كنت صغير كل يوم كان لي حلم مره ضابط مره دكتور مره مهندس ,, يوم دخلت الثانوي صار حلمي القى وظيفه ,,

اما بالنسبه للحل

الحل
يعطون الطالب المواد يعني زي ماتقول تخصص مبسط
يعني الي يدرس علمي يدرس ادب وقواعد ووطنيه ورياضه ومكتبه ..الخ
ليه؟
يعطونه كيمياء وفيزياء ورياضيات وقران وحاسب وبس
ويدرسها بشكل موسع .. يعني بدل مايدرس حصه باليوم يدرسها
حصتين نظري وحصتين عملي
علشان يعرف الطالب وش يفضل تخصص موب يدخل الجامعه ويبلش يدخل ميكانيكا و مايدري وشهي بعدين يتخرج وتلقاه كاره وظيفته وبكذا يقل ادائه بالعمل

ولا لو يحطون نظام الساعات والحرماان من المواد والله تشوف الطلاب مثل الاف ماشين

بس وش نقول تعليمنا دجه

مشكورعلى الموضوع يالغالي ,,

**memories** · 03-09-2009, 03:29 AM

أولاً انا غير عاطل عن العمل

ثانيا شبابنا يبغى اول مايتخرج يلاقي وظيفه على كيفه وبراتب حلو و وو و و

كيف تبغى تلاقي وظيفه تناسب مؤهلاتك وانت ماعندك خبره في مجال العمل

حتقلي في ناس اشتغلوا وهما ماعندهم شهادات اصلا لأنه عندهم واسطه

اذا انت ماعندك واسطه اصنع لنفسك واسطه

اشتغل اي شغله تكون قريبه من مجالك او حتى مجال تاني وفي نفس الوقت زود ملفك بشهادات ودورات متنوعه

اما تبغى تجلس في بيتك وتبغى الوظيفه تجي لحدك فهذا مستحيل

انا اسف خرجت عن نطاق الموضوع بس حكاية البطاله منرفزتني

يبغوا الحكومه توفرلهم كل حاجه وهما مايعملوا حاجه

عموما حلمي كان اني اسير طيار مدني بس للأسف ما اتحقق

ولكن ماراح استسلم حتى لو اطلع اتعلم في مدرسه خاصه واطير على حسابي اذا ربنا احيانا

يعطيك العافيه سعودي

شكرا