اعلان وفاة أعز صديق

**MOHMMAD 2009** · 19-10-2009, 03:18 PM

السلام عليكم ورحمة الله وبركاته
شخباركم ياشباب
الي يدرس أو يشتغل في أرامكوا أو شركة تتبع أرامكوا
أكيد سمع بوفاة
عبدالله أحمد عبدالله العمران بالأحساء
كان نازل من الظهران إلى الأحساء
وكان يسرع من 170 إلى 180
وصار عنده بنشر في الكفر ألأمامي جهة اليسار
عندت التحويل ما بعد شركة الأسمنت
أنتقل إلى رحمة الله في اليوم السابع من العيد
إنا لله وإنا إليه راجعون
كلامي هذا للعظه والعبره
ياشباب السرعه قاتله بدون أدنى شك
أنتبهوا على أنفسكم
لا نقول أكر ولا رساوة أكرد ولا سيفيك ولا إي سياره في العالم
السياره حديد توقع في أي وقت تخونك السياره
مهما كانت جودتها
احرص على عدم السرعه
وصدقني مشوار 170 أو 180 ماتفرق عن 120
إلا ربع ساعه
فا ليش السرعه
أنتبهوا على أنفسكم ياشباب
تراكم عندكم أهل أب وأم يحتاجونك
هذا الموضوع أطرحه من
كل قلبي بأن لا يتضرر إي مسلم
وشكرا
أخوكم محمد

**kakashi-san** · 19-10-2009, 03:30 PM

وعليكم السلام ،

الله يرحمه برحمته يا رب ..

والله مثل ما قلت السرعة ما منها فايدة والله ،

ذكرتني الاسبوع الماضي ، مسافر من الأحساء إلى الدمام واتمشى 120 ، وفي الاخير اللي يسرعون 180 ومدري كم ،

صافين جمبي بالتفتيشْ ، !

تفرق ربع ولا نص ساعة ، ولا تفرق مووت ، لا الروح وحده اذا راحت ما راح ترجع ، !!

نسأل الله السلامة والعافية ،

**اكورد 98** · 19-10-2009, 04:00 PM

وعليكم السـلام ,,

الله يرحمه ويسكن روحه الجنه يآرب ,,
والله وزي ماقلت السرعه مامنها فائده
بس الله يهدي الشباب ,,

**الهنادي راس مــالــي** · 19-10-2009, 04:06 PM

لا حول ولا قوة إلا بالله ، إنا لله وإنا إليه راجعون ،، قال تعالى : (( وكل نفس ذائقة الموت ثم إلينا ترجعون )) ،، وقال تعالى : (( ولا تلقوا بأيديكم إلى التهلكه ))

السرعة مافيها خير ياشباب والله مافيها خير ،، لو فيها خير كان ما مات اعز الناس بعيوني >> إلي هو ابوي الله يرحمه ، مات وانا عمري سنة ونص والله سنه ونص ،، وقتها الناس تقول شوفوا اليتيم إلي ماعنده ابو حالك كسير وحياتك كلها اماني انك تشوف ابوك لو دقيقة او حتى ثانيه ،، ياشباب انا نفسي وانا يامحدثكم اتمنى اشوف ابوي الحين قدامي ،، << كل هالتمنى بسبب ( الـــــسرعــــــــة ) ... ولا بعد مو ابوي لحاله الي فقدته ، فقدت عمي وجدي ، بسبب حادث مروري بسبب ( الــســــرعــة )

تخيلوا هالواقع ياشباب يتيتمون اولاد وبنات وتزهق ارواح بسبب السرعة ،، <<< الله يبعد عنكم وعنّا وجميع المسلمين الأذى بالطريق وبغيره واللهم احسن خواتمنا يارب العالمين

**@اكورد وبس@** · 19-10-2009, 04:21 PM

لا حول ولا قوة إلا بالله ..

سمعت فتوى لإبن عثيمين الله يرحمهـ ويقول فيها تعدي سرعهـ 120 بالسيارهـ يسمى إنتحار ..

الله يرحمه ويغفر له ويدخله جنات النعيم ..

تحياتيـ)~

@اكورد وبس@.

**الاخطبوط** · 19-10-2009, 04:25 PM

لاحول ولاقوة الا بالله

الله يرحمه ويغفرله ويجعله من أهل الجنه

كل يوم نسمع عن الحوادث والوفيات والسبب الرئيسي هو السرعه لكن الكلام يدخل مع اذن ويطلع مع الثانيه ولا كأنه صار شيء

وبس نركب السيارة علطول تشوف العداد منسدح على الجهه الثانية

**حبيب هنادي** · 19-10-2009, 04:46 PM

منـــ جد السرعهـــ مالها فايدهـــــ غير الموتــ

لا يليتهــ يموت ويرتاحــ باقي الحسابـ وكلنا نعرف انــ فوقــ 120 حرامــ ويعتبر منتحر

اللهــ اللهــ بالحزامــ ما عليكمـ بصدقاء السوء !! ؟؟

الحينـ الواحد يقول وش دخل أصدقاء السوء بالحزامـــ

اذا شفوكـ رابط الحزامـــ يقلونـ خوافـ ,, يا قمطهـ .. الخــ

**م ك هـ 2009** · 19-10-2009, 06:58 PM

الله يرحمه ويرحم جميع اموات المسلمين
انا الاسبوع الماضي
صار لي حادث انا وصاحبي
والله اللي شاف السيارة وشاف مكان الحادث
قال الله يرحمهم اللي بالسيارة
هذا واحنا قريب السيارة بس لطف الله ورحته نجتنا
طبعا الحادث مش بالاكورد
كنا بالمكسيما الجديدة وهي 2010 وعلى طريق الرياض الطائف
والحمد لله اننا سلمنا
وبعدها اعتبرت والله

**meshoo** · 19-10-2009, 07:15 PM

لاحول ولاقوة الا بالله

الله يرحمه ويغفر له

**amer09** · 19-10-2009, 08:26 PM

ايو والله السرعة

الله يرحمه ويغفر له

يوم الاربعاء اللي راح الساعة 2 الظهر طالع على الكلية واشوف حادث على مخرج 13 شوفوا الصور

صدق حديد ما له امان

**gogo** · 19-10-2009, 09:23 PM

بسمه تعالى :

إنا لله و إنا إليه راجعون ... تغمد الله صاحبك بواسع المغفرة و الرحمة و أسكنه فسيح جنانه ....السرعة هي أحد العوامل لطريق الهلاك و لكن هنالك عوامل كالطرق المهترئة و التحويلات المزعجة و الحفر و العامل الأكثر ضررآ على الطريق ألا و هي الشاحنات ... كثرت الشاحنات و التحويلات و تقاعس المرور و التقاطعات الخطرة بدون حلول تعتبر جزئآ لطريق الهلاك و بلا أدنى شك فهي عوامل مكملة و عامل السرعة .

**راعي الحلم** · 19-10-2009, 11:05 PM

الله يرحمه ويرحم جميع المسلمين
واحسن الله عزاك في خويك

**false** · 20-10-2009, 12:04 AM

لا حول و لا قوة إلا بالله العلي العظيم

أحسن الله عزاك في صديقك و رزقك الله الصبر و السلوان

و رحم الله الفقيد برحمته الواسعة

إنا لله و إنا إليه راجعون :(

**Mo3az** · 20-10-2009, 12:23 AM

يارب يرحمة ويخفف على اهله ..وانا لله وانا اليه راجعون
يارررب لو كان عندنا ضيف لأكرمناه .. هاهو الان ضيفك فأكرمه يا اكرم الاكرمين ..
اللهم ابدله دار خير من داره واهل خير من اهله .. والهمنا نحن وهوا الثبات يارب العالمين
آآمين

**ماهمه** · 20-10-2009, 12:45 AM

وعليكم السلام ،

الله يرحمه برحمته يا رب ..

والله مثل ما قلت السرعة ما منها فايدة والله ،

**Dodiii78** · 20-10-2009, 01:06 AM

لاحول ولاقوة الا بالله
الله يرحمه ويغفر له
ويصبر أهله ويلهمهم السلوان

**ثــلــج مــشــوي** · 20-10-2009, 01:12 AM

كلنا نقول السرعه مامنها فايده ...كلنا نتكلم

نسمع فلان مات بحادث ونقول الله يرحمه كان مسرع والسرعه مامنها فايده وبعدها تطلع تسدح الطبلون

تركب مع واحد يسرع تقوله ليش مسرع السرعه مامنها فايده وبعدها تطلع تسدح الطبلون

يتوفى لاسمح الله قريب لك ولا شخص عزيز
تتعض كم يوم وبعددها تسد الطبلون

>>الا من رحم ربي

تمسك خط تمشي 160 وفوق ....تقول الطريق فاضي ( وانا اول واحد اقول هالكلمه )

امشي 200 و 180 اقول الطريق فاضي

والله لو ينفجر الكفر الي قدام بتصير تحت رحمه رب العالمين ...

ماتدري يمكن ينفجر بمنعطف

يمكن ينفجر وانت بين سيارات ومتجاوز مع الكتف وووو

بس مدري متى بتنعض ......>>> بتتعض الا منك اندفنت ولا جلست معاق ولا جلست تتتعالج سنه ااو او او

الله يرحم اموات المسلمين ...

ادري اني طولت

**asab-h2007** · 08-11-2009, 07:27 PM

إنا لله وإنا إليه راجعون

**المهاجر333** · 08-11-2009, 08:37 PM

لاحول ولا قوة إلا بالله
إن لله وإن إليه راجعون ( كل نفس ذائقة الموت )
اللهم إرحمه وإسكنه جنات النعيم

**ظبياني 9656** · 08-11-2009, 08:42 PM

لا حول ولا قوة اللا بالله

انا لله وانا اليه راجعون

الموت الحق

لكن ما ادري ليش الشباب بعدهم يدعسون ف الخطوط الطويلة

مع انها ما تفرق الا فترة زمنية بسيطة
تمشي 120 وتوصل بالسلامة
احسن من انك توصل 170 ويصيرلك شي