معقولة الجيزاني محروم من أستئجار السيارة بالرياض !!

[بوسالم]

السلام عليكم ورحمة الله وبركاتة


صراحه حبيت أجد أجابة مقنعة لموضوعي فلم أجد ما أقنعني
فقلت ممكن تقنعوني أنتم

جيت الرياض عندي شغل حق يومين فقلت دام يومين بستأجر لي سياره فأنطلقت لشارع خريص المعروف والمشهور بمحلات أيجار السيارت فبديت من أول محل قلت لهم عندكم أكورد كابريس فورد للأيجار قالو مافيه هذه اول ثلاث محلات بعدها وصلنا الرابع قلت له أيش عندك للأيجار قال فيه كامري 2009 قلت جيبها جيت بنكتب الأوراق قال عطني بطاقتك الشخصيه وبطاقة العمل قلت تفضل قام شافها فتلعثم حسيت فيه شي قلت لايكون وجهي مختلف عن البطاقة قال انت وظيفتك أخصائي يعني مش بالمرتبه الثامنه مانأجر لك قلت له ليش قال النظام كده قلت كده كده وأمشي اللي بعده وهو اللي وضح لي الصوره قالي جيزاني من أحوال جيزان قلت أيه فيها شي قال لا مكتبنا يأجر لأخواننا اللي من الرياض بس مايأجر اللي من الخارج الرياض قلت ليش شايفني مو من الأخوان والا مو سعودي قال لا بس مكتبنا خاص بأهل الرياض قمت لفيت الاماكن كلهم رفضو بعدها مسكت الشارع الثاني وقابلت مصري مدري ليش أرتحت له من كلامه وكان قدامي باكستاني يبغى سياره قام الباكستاني أستأجر كابريس ومشى جا المصري قال تعال جيته قال أيش تبغى سياره قال عندنا ميلان جديده 2009 قلت له هاتها بجربها قال هات بطاقاتك قلت تفضل قال الأخ جيزاني قلت أيه قال من جنوب المملكه قلت أيه قال من بجنب اليمن قلت له ليش تحقيق قل لا والله مش تحقيق بس مدري أيش أقولك ونا وعدتك بسياره بس مقدرشي أعطيك قلت له ليه قال عندنا أوامر أي واحد من جيزان مانعطيه سياره بتاتا البته قلت له لهالدرجه قال أيه قلت له ليش قال معرفشي بس هذه أوامرنا قلت له طيب خذ تأمين قيمه السياره كامله بهالبطاقه حتى تطمن قال لو تدفع قيمتها كاش مانقدر نعطيك وأذا عطيتك أقل شي بيطردوني من شغلي قلت له لهالدرجه قال طبعا فقالي عندي لك حل جيب حد شغال هنا بالرياض ونا أخدمك من عيوني قلت هيا سلام عليكم وبلغ لي تحياتي لعمك بتاع الأوامر اللي يأجر لباكستانين وهنود والجيزاني ممنوع

فقمت مشيت أموري بهاليومين تكاسي

والمشكلة وليست مشكله بل فضول ولا راح تهمني لأنه شي غريب ورهيب وأول مره يصير لي بمناطق المملكه لانه ماعمر أحد ردني بمكان الأيجار سواء جده الشرقيه منطقة الجنوب فقلت بطرحها هنا وأشوف أرائكم

وأسمحونا ع الأطاله

[اتحادي]

والله شي غريب بصراحه و هذه حادثه اول مره اسمع فيها

بصراحه قمة المهزله

ما اقول الا الله يكون في عونك

[والله قهر]

والله اخوي شي يقهر
وليه العنصيه وشفيه الجيزاني والنعم فيه
بس ما اقول الاحسبي الله ونعم الوكيل على كل ضالم

[مجوووودي]

انا مااتوقع عنصرية ... اكيد فيه سبب معين ..

لو عنصرية كان شفت محل محلين قول 10 محلات يرفضو يأجرو للجيزاني .. مو كلهم.. على حسب كلام الرجال يقول من بداية المحلات الين اخرها ..

اتوقع فيه سبب ومعمم على المحلات اللي مريتها ..

بس ماحاولت تتعمق وتمر محلات الاجار اللي بكل شارع تحصله بزاوية ..؟؟ ممكن يأجرون لك ..

مااقدر اقول الا الله يعينك بس على غثا اللموزينات وخاصتاً بالرياض ..

تحياتي ..

[اكوردياني]

اكيد المنع لاسباب امنية خاصة مع الاحداث الجارية بجنوب المملكة
اتعجب من الي يقول عنصرية وين قاعدين الحمد لله ما نعرف شي اسمه عنصرية بارض ابو متعب.

[7abib]

غبآآآآآء
الناس كل مالهاا تتطور وهذوولي كل مالهم يرجعون ورااا


الله يكوون بعوونك

[salamify]

شباب ممكن سؤال ويا ليت أحد يجاوبني لأن هالسؤال محيرني من يوم قرأت الموضوع..
هل جيزان أو الشخص اللي من جيزان مستقل بدولة خاصة فيه؟
فإذا كانت الجنسية في بطاقة الأحوال أو الرخصة تكتب جيزاني فهذا موضوع ثاني..

بصراحة العنصرية وللأسف موجودة وبشكل كبير جدا في مجتمعنا السعودي وكل يوم والثاني تزداد بشكل مخيف واللي يقول غير هالكلام يناقض نفسه للأسف..
بصراحة أنا ضد العنصرية ضد أي مواطن سعودي وقال رسولنا الكريم صلى الله عليه وسلم "دعوها فإنها نتنة"
ما ودي أطلع عن صلب الموضوع ولكن مثل هالأمور تقهر بجد يعني وشفيهم أهل الجنوب أو الشمال أو الغربية أو الوسطى؟ كلنا عيال ديرة وحدة وبعدين ما ادري إذا فيه أمور خفية لا نعلم عنها فالله يعينك يا غالي تقضي أمورك بالتكاسي..

[الصامت]

الله يعينك..

[يامطنش]

انا اقولك السبب مو جيزان وبس بعض الناس الاي من مناطق حدوديه

فيه حثاله منهم يستاجروا السيارات ويستخدموها في التهريب او يهربوها خارج الحدود ويبيعوها

وللاسف الفئه ذي من الناس متوفره في منطقة جيزان بكثره وشوها السمعه حق ابنا منطقة جيزان وهنا ماشين على حكمة الشر يعم والخير يخص

حتى فيه الاقاب واسم عوائل من اول ما يشوفهم يصرفك على طول بسبب شهرة بعضهم في الامر ذي

ومع الاحداث الا صايره الحين زاد الخوف

بس يعتبر شي عنصري وانقاص في حق اهالي المنطقه

الا يقهرك انهم ياجرون سيارت لناس يفحطو فيها ويسوا اعمال تخريبيه ولا محتاج السياره ما يعطوه

فرج الله قريب

[ghazi]

غريبــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــه

[المباشر]

يغلق لعدم وجود فائده من خلف الموضوع ولضمان عدم تجاوز البعض