..:: محب جديد Accord 4 Ever كوكو كورد ::..

**B Useful** · 16-03-2007, 12:25 AM

السلام عليكم ورحمة الله وبركاتة ...

على كثر ما اسوي بحث في google على كل شي ... عمري ماسويت بحث عن كلمة هوندا ...

وبحث هالمرة وطلع لي منتداكم ... صحيح ان بين من يمكلون الاكورد بصفة خاصة وهوندا بصفحة عامة بينهم رابطة خاصة ما ادري كيف اعبر عنها .

. تدق اشارة تلقاة وراك يدق اشارة .. تكبس لة العالي عشان تتجاوز .. يستجيب لك بسرعة .. توقف وراة عند اشارة ..تطفي الواطي وتبقى على السكن عشان ماتزعجة ...تبي تسافر ولقت واحد معة اكورد زيك .. تلقون انفسكم تمشون مع بعض وتدقون اشارة لعض .. تتقاوم انت وياة يوم معك واخر شي تسلم علية وترمي لة بوسة بمعني مبروك اذا فزت ;) ... عالم الهوندا وخاصة الاكورد رائع جدا جدا ...

نبذة بسيطة عن نفسي ..

انا كوكو كورد ................... ما ادري ليش اخترت هالاسم !!:d

سيارتي ... كانت معاي اكورد سبشل 2006 اول سيارة في حياتي لون اسود اللون المميز اللي احبة واللي اعشقة على اي سيارة ...

صورة سيارتي السودا هـ س د 902 وجنبها سيارة ولد خالي اياد

وسويت عليها حادث وتوفت السيارة وانا الحمد لله طلعت حي ..صور من الحادث..كنت مكحل الشمعات ... اااهـ كنت ..

وشريت سيارتي الثانية اكورد 2006 فل 4 سلندر مخمل لؤلؤي وهذي وصورتها هـ ص ر 323 مع اكورد ولد خالي اياد..

وهذي صورة ثانية مع اشهر اكورد في الخليج .. اللي ابوابها طيارة ..طبعا تلاحظون اني غيرت الشمعات ..

في النهاية احس انكم كرهتوني عشان الصور مرررة كبيييرة خاصة الاولى والاخيرة ... بس وش نسوي ... ارجو من المشرف يعدل الاحجام حسب رغبتة ..

هذة حياتي .. مع الاكورد .... قصصي وسواليفي كثيرة ...

فهل من مرحب بي ؟؟؟

.

**ياسر الشمراني** · 16-03-2007, 10:48 AM

وعليكم السلااااااااام ورحمة الله وبركاته

والله انت خطيييييييير .. تصلح مقدم اعلامي في نادي محبي هوندا

ههههههه:d

الله يحييك ويانا ياغالي .. ونتشرف بالرجال امثالك

وان شاء الله تفيد معانا وتستفيد بإذن الله

لك خالص الود

محبتي

**اكورد البحرين** · 16-03-2007, 11:06 AM

وعليكم السلام ورحمة الله وبركاته

ياهلا بيك حياك الله ويانا اخوي

**م م و السعوديه 5 5 7** · 16-03-2007, 01:16 PM

الف هلا وغلا فيك نور المنتدى بقدومك ونتشرف بوجودك بيننا
تمنياتي لك بالفائده والمتعه و تقبلي خالص تحياتي،،

**أكورداوي** · 16-03-2007, 02:42 PM

أنت لوحدك عالم ثاااااااني ..

قصتك غريبه وأسلوبك حلو وجذاب ..

والأحلى ان حادثك خير لك لأنك أخذت سياره أحسن من الي قبلها .. والأحلى والأحلى صورة سيارتك مع أكورد العتيبي والأسطبات الي مركبها ماشاء الله تبارك الله معطيتها دلع ..

بس الأسم ما ادري من وين جايبه .. ؟

الأخ ديك ..؟؟:d

أمزح بس حبيت أكسر الميانه من اولها <-- والله خوفي تحلف ماتدخل المنتدى اذا هاذي بدايتها :d

وعلى فكره هذا ولد أختك مادري ولد خالك الزبده اياد ,, هو مسجل معنا بالنادي ؟

اذا كانت الإجابه لا .. طيب ممكن يكون ردايو ...؟ <--- ادري بايخه :d لالا أقصد ليش مايسجل معنا ..؟؟ ولا ينتظر يصدم بسيارته ويشتري مثلك عشان يسجل ..؟ ترا عادي يسجل بدون صدمه (( بعيد عن الشر ان شاء الله ))

على العموم أنت الحين دكتور في طب الهوندا بحكم الخبره .. أتمنى منك تداوي جراحنا بمواضيعك الحلوه مثلك .

**B Useful** · 16-03-2007, 05:30 PM

واااو ... اشكركم بعنف بصراحة اخواني الانيس , اكورد البحرين م م و السعودية 755 وخاصة االاخ اكورداوي على الطرافة ...

تصدقون للحين قريت تقريبا كل مواضيع قسم الانظمة الصوتية والكهرباء وقسم الاكسسوارات ... فعلا فية اشياء واجد عرفتها ...

طبعا القصة من الصورة الاولى للأخيرة لها اكثر من سنة .. حتى شوفوا ولد خالي الشبك حقة متغير مابين الصورة الاولى مع السودا والصورة الثالثة مع اللؤلؤية... طبعا انا في الرياض وهو في جدة ...

ماعليكم ... من امس انا سجلت وخبرت 2 من عيال خالي في جدة واحد معة 2004 والثاني اللي هو اياد 2005 وانا 2006 ...

اكرر شكري لكم ... ونجتمع هنا معاً ... لنرتقى باكورداتنا للسما >>>>>> اصلح مدرس لغة عربية !:d