التحشيش في آخر ليلة في تكساس ..! ( مذكراتي ويومياتي ) ..!

[B Useful]

آآآه بطني يعورني // قبل 25 دقيقة انتهت الحفلة ..

(( معذر الصور كبيرة ما صغرتها لأن النت هنا مررة سريع ولا انتبهت لهالشغلة ..))

المفيد ..

رجعنا من جولة آخر يوم في تكساس واللي كانت في مركز الكشافة والمتحف الرهيب حقهم ..
ثم رجعنا الفندق استراحة 3 ساعات << ابد ما رحت ابل ستور انتظر المحبوب الايباد 3G المخلص ولا وصل ..
ثم رحنا لمقر كشافة آخر .. وقضينا وقت ممتع وياهم ،،

المهم ان هاليوم اكلنا تقريباً 6 وجبات 3 منهم سناك و3 رئيسية ..

وصلنا الفندق وكل واحد بغرفتة والوضع سقيم ،، رتبت كل اغراضي عشان سفرة بكرة لولاية فلوريدا ان شاء الله ..

الا شوي يدق التلفون //
- الوووو .. العيال مجتمعين وبنصلح قهوة عربية ! .. جب معك اي شي يونس وناكلة ،،
- انا: اوكي، جاااايكم

افتح ثلاجتي ،،، وش اقرب شي ؟ باقي اللبنة والخبز ..!
وانزل لهم تحت ..

المهم اجتمعنا 8 اشخاص وقاعدين نتيرق على بعض الين تقطعت بطوننا ..
واحدن منهم اقول لكم وين سافر : الرياض << مسقط رأسة ، ثم الخرج ، ثم امريكا ... وازيدكم من الشعر بيت (( دب )) خخخخخ
والثاني انسان فاااصل معة دبلوم من كلية بر الوالدين .. وحياتة ضحك في ضحك على اي شي ..
الثالث // محمد بن عبد العزيز
الرابع // محدثكم
واحدن منهم بعد // ابعد ماوصل .. الجنادرية ثم امريكا !!!
والبقية ......

الفصل الاول :

خرمانين قهوة عربية

وصلت تحت .. الا الاقي الهاردسك حق محمد بن عبد العزيز فية
مايقارب 37 قيقا من الصور حقت الايام الماضية ،، واشنطن وتكساس بس ..!!!

قلت فرصة ابروح اجيب لابتوبي وانسخ الصور .. الا يوقفني راعي الخرج : مصعب عندك قدر بغرفتك ؟
اية عندي وش تبي فية ؟؟
قال : القدر اللي عندنا ما يكفي للقهوة !! (( يحتاج تعليق ولا ضحك ؟؟ :d))
وانا اللي فكيت ضحك علية وعليهم وعلى الهبالة اللي هم فيها..

واطلع الغرفة .. واخلي الصور تكمل //



جبت الابتوب بلحالة // والقدر جوتة شاحن الابتوب والبلاك بيري //

وصلت الغرفة .. اوكي عبو القدر موبة << وفي ذيك اللحظات كتبت في تويتر عن سعودييون في الغربة خرمانين قهوة

تدرون وين المشكلة // القهوة عند مشرفنا ، مشرفنا طالب شغلة من محمد بن عبد العزيز والاخير هذا ساحب علية وماخذ لابتوب المشرف وتاكي في غرفتة ،،، يعني مستحيل يعطينا القهوة الا لين محمد بن عبد العزيز يخلص شغلة المشرف ..

مرت ساعة كاملة ويئسنا من جية القهوة (( طبعاً خلال هالساعة حصل انسحاب تكتيكي من اغلب الاشخاص وما بقي الا اول اربعة اللي كتبت عنهم اعلاة ..))

* خلال هالساعة ،، طلعت الا الشخص الفاصل الاقية حاط قاعد يفك اكياس السكر حقت الفندق الصغير اكثر من 20 كيس وقاعد يكبها في قدر الموية ...! هييييييييييييييييهـ وش السالفة ؟؟!

قال القهوة بتبطي ولابتجي اصلا ،، خل نقلبها شاي ...!
امرنا لله .. نقلبها شاي واكتب في تويتر اننا قلبنا الى حفلة شاي ..!
طيب قبل ما يحط السكر بالشاي بدقايق .. الا محمد بن عبد العزيز جاي الغرفة ومعة بيض وطماط !! اية بيض نفس اللي في البقالة عندكم ،، لا تحسبون هنا اكلهم وشربهم كلة خنزيز ..!

الا والعيال يناظرون في بعض ،، وسحابة التفكير موحدة ،، وانا حاس ان القهوة بتبطي واقول للفاصل شكلها اليوم بيض مسلوق ..

والله وفعلا .. نرجع للـــ * ـنجمة فوق والقاة حاط السكر في قدر .. قلت لة القدر الثاني على كذا حق البيض ،، الا ماودك تجرب بيض مسلوق في موية وسكر خخخ
الصورة تتحدث للقدر بالسكر ..



المهم ان البيض باااارد ... والقدر الثاني (اللي بدون سكر ) يغلي .. الا الرجال حاط البيض في القدر الثاني وتكسرت كم بيضة بفعل ( الحرارة والبرودة )
اترك الصورة تتحدث // قدر للشاي ،، وقدر فية بيض ، وآخر الليل وقبلة 6 وجبات .. البطن ياحبيبي بتقدم استقالة :d


البيض طول اكثر من ثلث ساعة ولا ندري متى يخلص .. وشوفو كمية البيض اصلا!!

المهم قلت لة .. عطة خمس دقايق زود ثم جبهم .. خلال هاللحظات افتح قدر الشاي .. الا اشوف بقعة نفط موب شاي ..!! شاي اسووود ..

الفصل الثاني //

النهاية السعيدة ..

جاب البيض وقدر الشاي .. واي شي من المفرحات .. والله يا عيال فية مواقف كثييير ما كتبتها ..




الطماط مقطع .. والتحشيش كلة وقت تقشير الجمر ..<< اقصد البيض الحاااااااااار ..
الا وشلون نصب من قدر لكاس ،، واخترنا طريقة ،،، كاس نظيف زي المغرفة نصب فية في الكاسات الثانية ..

هذا الصحن حقي // الصحن اللي سبب في استقالة بطني وبكرة وراي سفرة بالطيارة 3 ساعات !!


هنا لحظة اكتشاف مفرحات اخرى في غرفة العيال .. شطة واللبنة حقتي وبطاطس الليز اللي حطيتة بالسندويش ..




هذا السندويش حقي // بيض وشطة وطماطم وبطاطس ليس وملح وفلفل اسود وخبز تورتيلا ..



والله يا عيال يا انة جا تحشيش الليييييييييييييم وحنا وناكل ،، والله متوقعين واحد بيموت تنشب في حلقة بيضة ،، ولا الشخص اللي قدامة يقلب بيض + شطة وسعابيل << ينفجر ضحك ..
جانا شد عضلي في بطوننا من الضحك من السواليف ..

مصورين فيديو مستحيييل احطة ،،


عاد انتو تخيلو براحتكم .. 6 وجبتا ،، البداية في الصباح فطور بيض ،، والختامية قبل ساعتين قبل ما ننام والساعة الحين 2 الاربع ليلا في تكساس برضوا بيض .. لا وبننام وبكرة ورانا سفر ... الظاهر بكرة بتسمعون وفاة سعوديين ( بعيد الشر عننا ) بغاز مجهول اثاد نومهم .. او يمكن - لاقدر الله - تصير حفلة في طيارة متجهة الى فلوريدا بسبب غاز اخضر مجهول ...

عن اذنكم .. بطني يعورني ،، ووراي نوم وسفر .. الحمد للة اني رتبت شنطتي قبل هالحفلة ..

استودعكم الله الذي لا تضيع ودائعة .. فلعلي لا القاكم بعد موضوعي هذا :(

معذرة ،،
-القصة ناقصة كثير من الاحداث اللي مايكفيها الوصف ..
-الصور كبيرة نسيت اصغرها فلذلك الموضوع بيصير سامج بدون صور قدر الشاي .. خاصة مع النت لاصار بطيئ ..
-الاخطاء الاملائية .. مستعجل جداً
- استغرقت كتابة هالسالفة حول ساعة ونص ،،



نراكم على خير ..

[memories]

ههههههههه

الله يعينكم ان شاء الله

والله احلى شي في السفر المفاجئات الغير محسوبه او متوقعه

ذكريات من اروع مايمكن

وهيا سبب التسمية
vvvvv
memories

مجود خليك في حالك

:d

[مجوووودي]

^^

قرائتك بطيئة :p

....

تقرير جميل ..

حسيت اني جالس معكم :d

يعطيك العافية

[Pink Dream]

اهم شي الموضوع من تنظيمك وترتيبك ,,

وسردك للـ احداث حلو ويحمس

اقامة سعيده

موفق يا مصعب وترجع بالسلامه

تقبل مروري

[AHN]

لا تفوتكم six flags

رااح تدعيلي

[محمد بن عبد العزيز]

فضحتنا ..... وماخليت شي عنا بهاك الليله

بس تفحححححححط وتتعب تاخذ الفيديو خخخخخخخخ:p

كانت هالليله متعه

الايام جايه وبتنسرق الصور وتشوفون الحفلات كلها :d

واحد من المواقف الي صارة بمطار تكساس

نشب واحد من العيال عند التذاكر وقص البوردنق

سالته الموظفه : وين رايح

خوينا طايرن بالعجه : رايح ل بيبسي كولا === ماعرف ينطق بينساكولا

وفقعت ضحك هالموظفه لدرجة ان خوينا ماقدر يصبر ويفقع ضحك < ودور العيال بالمطار خخخخ

وراحت عليه وكل ماتكينا معه العيال نشبو له جل بيبسي كولا

وغيد المواقف الثانيه




نلقاكم بحلقات اخرى وتابعونا على
www.scouts.org.sa
www.1scout.net

بالتوفيق لكم

[نـاعسـ الجفن..!]

هههههههههههههههههههههه

كل شي كوم والشاهي اللي صلحتوه في القدر كوووم ثاني :d

من جد تحشيش

الا اقول شكلكم شربتوا شي في الحفله :o