اخوي ابان الف شكر لك على هذي البادرة الطيبه واتاحة التصويت للاعضاء ...
سؤال لكل عشاق النادي القدامى مشرفين واعضاء هم اعرف بالي اقصدة والجدد فيهم الخير والبركة ..
ماهو الفرق بين المنتدى زمان وبينه الان ؟
ماتلاحظون ان الموضيع الكبيرة والمميزة كانت اول واغلب الي في مجلة النادي من الموضيع القديمة !!
وكان فيه تشجيع للاعضاء اول مايدخلون النادي وهذا بالرد عليهم في قسم الترحيب من المشرفين ماهو تحطيمهم مثل الان..
مثلاً نزلت موضوع لاتقولي رح ابحث ماهو شرط ان كل واحد يسجل فاهم في المنتديات انت اذا بترد تجمل واعطه الرابط للموضوع الي فيه حل لمشكلته وقفل الموضوع وارسلة رسالة خاصة زي الاعتذار عشان مايتحطم من بدايتها..
بالنسبة لي ويشهد الله اني كنت كاره المنتدى من بعد موضوع نزلته بسبب احدى (المشرفين زمان كان يرد بطريقة جداً غريبة وكأن العضو عدوة!!) وبعدها راسلت مشرف اخر في المنتدى ويستاهل حتى المنتدى المهم اضافني على المسنجر وكان مهتم كما لو ان المنتدى ملكة!! وهو اخونا B Unique جزاه الله الف خير ورجعت للمنتدى بكل قوة وارتحت فيه الى درجة انه صار صفحتي الرئيسية وصار هو من اولوياتي يعني اشوف المنتدى ثم الايميل ثم كم درس اتعلمها من النت واقفل..
الان احس فيه نشاط خفيف ولا صار النادي مثل اول ..
لكن اتوقع ان الي بيرجع المنتدى هم الاعضاء اولا ثم بعض الي اشوفهم يستاهلون الاشراف ولا فيه قصور بأي مشرف الان كلهم اخواني ويعرفون معزتهم عندي..
الاخ بلال العلمي اتوقع انه مظلوم في هذا المنتدى وهو يستاهل الاشراف بجدارة اخلاق واسلوب وثقافة كبييرة.
والاخ اكورد مجنوونه بالرغم انه يملك منتدى الا انه فاهم في اكسسوارات السيارت والتلغيم وغيرها وصاحب تجارب و وفوق هذا يعطي وقت للنادي بالرغم ان عنده منتدى وانت اخوي ابان عارف هم ادارة المنتدى تجلس تتابع المشرفين والمواضيع ومشاكل المنتدى هم ثاني ..
والاخ مطنشهم انسان متمكن من التصميم ورائع وما ادري ليه فوق الي سواه من دروس وردود وتعليم للاعضاء الا ان مافيه اهتمام فيه
اسف على الاطالة و بالتوفيق للجميع ،،،
مواقع النشر (المفضلة)