السلام عليكم ورحمة الله وبركاته

طبعا انا قاهرني ليه الكامري 2002 و 2001 و 99 و 98 مرغوبة وسمعة عجيبه !

وهي كلها دركسون وكفرات والى الامام سر ؟

تروح المعارض تلقى 2002 بسعر 38 الف ريال وهي قسم ما تسوى

وتشوف كامري 2004 جنبها نظيفه تبارك الله اقل من سعرها


والحجه هذي ياباني اخر شيء صنعه اليابان والى آخره من الاشاعات الدراجة

اللي اصلا اطلقها واحد في قهوه جالس مع اخويانه وانتشرت مع هبوب الريح الى كل من هب ودب وحتى الصغير يعرف ان الكامري 2002 مرغوبه قبل الكبير

لماذا هذه السمعة التي اعتقد ان لا صحة لها , الا لو صح ان جدتي ام 80 سنة تقدر تخلف لي عم جديد !

المهم خلونا نسوي حمله حتى احنا ان اكورد 2006 << عشانها سيارتي

اقصد حمله ان موديلات الجيل من 3 الى 7 مرغوبه وياباني و و و

وصدقوني الشعب المتخلف اللي صدق ان الكامري 2002 , راح يصدق ان الاكورد (التي تستحق اصلا ) انها مرغوبه وافضل واروع وانه خلاص اكل الدهر وشرب على 2002 والآن حان الوقت لاكورد لكي تفرض نفسها على السوق وتسيطر !
وان اللي ما ياخذها بها الوقت غلطان لانها بتغلى بعدين ... ;):d

انا موضوعي هنا مو عشان البيع بس عشان نثبت ان الاشاعات هي اللي تمشي السيارات

كلهم كم واحد فهم له شوي في السيارات وتجمعوا العرب عند المعارض وهاتك اشاعات

الى ان اصبح حالنا ماهو عليه اليوم

انا لما كنت برى لقيت الكامري 2002 بافضل حالاتها بـ 3000 دولار امريكي

واحسبوا انتوا عاد

وشوفوا عندنا

لا وكمان مع التسونامي زادت .. سبحان الله !

الموضوع ليس جديا اتجاه الحمله اكثر ماهو من اجل النقاش .. لكم تحياتي