السلام عليكم ورحمة الله وبركاته

انا باتكلم عن اللي اتمناه اثناء ذهابي الى اي مغسلة سيارات ( كزبون او عميل ) :

1- تكون المنظفات من شركات عالميه مثل ما تقدم احد الاخوه وقال شركة ماقويرز ....


2- مكان انتظار الزبون اثناء غسيل سيارته مهم جدا .. زي ما تفضلت تكون جلسه بسيطه وحلوه .


3- قطع القماش او المناشف او الويسات.. ان تكون نظيفه وكل قطعه لها استخدامها يعني اللي تمسح به البدي ما تمسح فيه الزجاج او الكفرات..


4- يفضل انه يكون فيه قسم خاص غسيل البخار + الغسيل الجاف.


5- لو تسوي كوفي صغير وتأجره اذا ما تقدر على ادارته.


6- الاضواء ما تكون قويه و مزعجه او خافته و كئيبه .. ومراعات الوان الطلاء..


7- تسوي قسائم كل 5 غسلات تسوي غسيل مجاني.


8- الابتسامه.. اهم شي..


9- يكون سعرك في الشهر الاول اذا افتتحت المغسله مميز يعني تسوي عرض بمناسبة الافتتاح.. عشان تجلب زباين اكثر .. وتأكد الشعب السعودي الكريم يحب شي اسمه عروض... ^_^


10- النظاااافه .. النظاااافه ...النظافه.. في مكان العمل..


11- حبذا لو تخلي منجاتك اللي تستخدمها في تنظيف السيارات في مجال رؤية الزبون ولكن بطريقه غير مقصوده... بحيث لو شاف الشامبو والمعدات من ملمعات و مناشف وغيرها من شركات كويسه يرتاح.. نفسياا..

12- اسعارك حاول انها تكون منافسه من وقت الى اخر ..


واتمنى من الله العلي العظيم ان يرزقنا ويرزقك من واسع فضله انه القادر على ذلك ..


وشد حليلك يمكن تلقى بعض المتاعب ولكن صدقني انك بترتاااااح كثير اكثر مما تتوقع بعدين والله يوفق الجميع



شكرا...