السلام عليكم ورحمة الله وبركاته

كنت افرفر بالنت كيف اعرف شداد السير اصلي او لا الزبده شفت موقعكم مخصص لهوندا من جميع الجهات فقلت اسجل بإسم وهمي وايميل وهمي الصراحه حلوه .. وهذا بسبب انه كثير من المنتديات مهجوره فلو شفت تفاعل بسجل بحساب جديد وان شاء الله فيكم الخير والبركة وتكونون قيد الحياه وكذلك لو كان مكان الموضوع غلط انقل الموضوع للمكان الصح ولا تحذفه لاني تعبت اكتبه ههههه

ندخل بالموضع
اول سؤال / كم عدد وكالات هوندا في السعوديه وكم عدد موزعينها ؟ ( سؤال عام جاء في بالي لما كنت ادور قطع الغيار بقوقل وللاسف لم اجد موقع تابع للوكالة يبيع او يعرض اسعار القطع اون لاين )

قبل المشكله السياره اكورد 2005

ننتقل للمشكله

انا طلع عندي صوت لم اشغل المكيف او يزيد ضغط المكينه صوت طقطقه من جهة السير رحت للمكانيكي قال شداد سير رحت بشتريه من الوكالة قال ب 400 ريال وقال قبل تشتريه تأكد يمكن الشداد كويس الخربان المكره وغالبا يكون الخراب منها وسعرها ارخص ب 180
رحت لمحل عادي يبيع قطع اصليه وغير اصليه وحصلت الشداد وكاله عنده ب 340 فاستغربت وش سبب فرق السعر عن الوكاله وهو جايبه من الوكاله

بعد هالقصه ندخل بالاسئلة اللي جت في بالي وانا افرفر بالصناعيه

س1/ ليش سعر وكالات السيارات اقل من المحلات وكلهم يقولون وكاله واصلي ونفس الكرتون حتى ؟

س2 / كيف اعرف شداد السير اصلي او مغشوش ؟ (كيف افرق بين الاصلي والتقليد من نفس شكل القطعه وليس الكرتون )

س3/ كم سعر تغيير شداد السير ؟ لاني مريت مكانيكي واحد قالي 250 معقوله هذا تغييره

س4/ كيف اتاكد هل الشداد خربان او المكره فقط ؟

وخير الختام السلام