وعليكم السلام ورحمة الله وبركاته
حياك الله اخوي ي س ر 424
بالنسبه للتخشيب محل الابداع لا يعلى عليه وانا مخشب عنده وشغله ممتاز
اما التنجيد المحل اللي رحتله انت ما اعرفه
اول شي السلام عليكم ورحمة اللة وبركاتة ( ردوا السلام )
يشرفني والله أكون أحد أعضاء المنتدى وإنشاء لله
أكون خفيف عليكم ( فهل من مرحب )
ثانيا والمهم / قمت اليوم 28 / 2 / 1429هـ من النوم الساعة 8 الصباح ( يالله صباح خير ) وألعن الشيطان وأتقهوا وأفطر وقلت يا ولد وراء ما تروح للغرابي وتخشـب وتلبـس مراتـب جلـــد وتعين من الله خير ( تعرفون الرواتب جايه مع الزيادة ) والله واتصـــل على السكرتيــر حقـي وصديقي من الطفولة والقاه توه صاحي مثلي قلت له بأمرك والله وأمره ونروح للغــرابي ونمــــر محــل الإبـــداع للتخشيب ونلقى السوري راعي المحل والله ويعرض لنا التخشيب واشكاله والصور اللي عنده طبعا انا معي أكوووورد 2007 لؤلؤي سبيشل وابي اخشـب نفس الوكالـة المهــم اتفقنــا انـه يخشب لي القير + الابواب + الدركسون + المسجل طبعا المسجـــل يسويــه فضــي + حقت النظارة اللي فوق الجوانب بس وانا وياه في السعــر الين قال = 1100 ريال ( والله احس انه غالي بس فداء للأكووورد ) وانزل القطـــع عنده ويركب لي دركسون من عنده ( ما تعودت عليه ) واتفق معه بامره يوم السبت ( احد بيخاويني ) والله ونروح لمحل اسمــه ( العذراء للتنجيــد ) يمدحــه خويـي وافصل عنده مراتب نفس الوكالـــة + الابواب + تكييس المراتب وانا وياه الين قال لي = 500 ريال طبعــا زبايـن قد سوى عنده خويي ولا خمس سيارات . المهم يا شبـــاب الهوندا الحين مدخلها في الكــــراج ( طبعا بدون مكيف ومسجل و الديكورات ) متى يجي يوم السبت . المهـم ودي تقولوا لي رايكم في المحليــــن وكيــــف اسعارهـــــــــــم ؟
واخيرا اعذروني على الاسلوب ( والله اكتب لكم وانا مستعجل ) ولا تبخلـــون علينا في الرد ...
أخوكــــــم الصغيـــــر / ي س ر 424
التعديل الأخير تم بواسطة ي س ر 424 ; 06-03-2008 الساعة 01:04 PM
وعليكم السلام ورحمة الله وبركاته
حياك الله اخوي ي س ر 424
بالنسبه للتخشيب محل الابداع لا يعلى عليه وانا مخشب عنده وشغله ممتاز
اما التنجيد المحل اللي رحتله انت ما اعرفه
والله اخوى ي س ر 424
الابداع للتخشيب محل لايعلى علية في التخشيب وعلية ضمان
والمحل من افضل المحلات شغل تخشيب
حتي اني سمعت ان الناس يجون من براء الرياض يخشبون عندة
اما بالنسبة للتنجيد محل العذراء ممتاز شغلة نظيف
ولا يغرك من يقول ان الاسماعيل افضل محل
الاسماعيل خذ شهرة لانة من زمان في هذا المجال
بالنسبة لى نجدت عند الاسماعيل سيارتين وشغلهم تعبان
اما محل العذا نجدت عندهم 3 سيارات والحمد للة الشغل ممتاز
(((( كلامي هذا راى شخصي)))))
(((( واختلاف الراى لايفسد للود قضية ))))
ارجو اكون افدتك
اخوك / ابــــوحـمـيـــــــــــــــــد
انا سمعت ان شغل الابداع ممتاز وانا بصراحه ودي انجد المراتب مثل الوكاله واطقلها تخشيبه
ياليت تعلمنا وش صار معك واذا تحط صور للتخشيبه تطلع احسن واحد:d
مواقع النشر (المفضلة)