اكورد 2005 فل اوبشن نظيفة جداااااااا 000 بنزلها الحراج كم بتجيبلي؟؟

**عرين** · 25-09-2008, 09:09 PM

السلام عليكم ورحمة الله وبركاته

ياخوان انا عندي سفر للدراسه بالخارج ورحلتي يوم 26 شهر عشره

وسيارتي هوندا اكورد فل اوبشن اربعه سلندر لونها رصاصي او فيراني ومن الداخل نفس الشي

السيارة ماشاءالله تبارك الله نظيفه جدا حتى بعض جوانب السياره من تحت اكياسها عليها

مافيها اي صدمات او سمكره او اي شي الا دقه بسيطه من الصدام من قدام والبودي ماوصله شي

السياره دايم واقفه بالبايكه وماحركها الا للسفر وتنقلاتي دايم بسيارة العمل

ماعندي لا اطفال ولا انا متزوج ولا اذكر اطفال طلعو فيها

السياره ماشيه 147 الف وممشاها كله ممشى سفر لان عملي خارج جده

اخر صيانة سويتها بالوكاله كانت 142 الف

الكفرين الي قدام جديده مغيرها قبل شهر من الوكاله والاثنين الي ورى نفس كفرات السياره اول ماطلعت من الوكاله والحمدالله للحين نظيفه ( ماشاءالله تبارك اللله )

الاستبنه للحين جديده ولا عمرها طلعت من مكانها ( ماشاءلله تبارك الله )

مفتاح الاسبير للحين جديد بعلبته ولا عمره انفك

البودي لمن احد يوقف جنبي ويفك باب سيارته فيه منها كذا دقه تبان مع الشمس بس خفيفه مو مره مبينه

السياره فيها عيبين بسيطه

الاول المفتاح الاكتروني مايفتح باب السواق بس يقفله ووديته الشركه قالو القطعه باربعمية ريال ولا صلحته
والعيب الثاني واحد الله لايسامحه وين ماراح شخط القزاز الامامي بمسمار وسوا عليه زي الدائرة صغيره ويمكن محلات القزاز يصلحونه ويخلونه مخفي ماعمري رحت وديتها صراحه

ابي ابيعها فيوم عشرين تقريبا الشهر الجاي قبل لااسافر باسبوع

كم تتوقعون تجيبلي لو انزلها الحراج فجده

فيدوني ياهل الخبره والله يجزاكم الف خير فهالشهر الفضيل

**عرين** · 25-09-2008, 09:11 PM

نسيت اضيف ان الاستماره مجدده الى عام 1432

وان السياره راكب فيها مسجل كاسيت عادي من نفس الشركه ايامها كان بحول ثلاثه الاف اذا ماني ناسي

غير الست سيدهات الموجوده فيها

**MrMr** · 26-09-2008, 01:00 AM

كم حدك فيها؟

ووين موجودة السيارة ؟

**عرين** · 26-09-2008, 01:13 AM

السياره مالي فيها حد ولا ادري كم تجيب ماعندي خبره بهالامور

والسياره بجده

تحياتي

**أبُو فِيصَلْ..!** · 26-09-2008, 01:50 AM

انا سيارتي نفس مواصفات سيارتك

لاكن سيارتي 2004 ومافيها دقات والقزاز سليم ماشيهـ اكثر منك بـ 30 الف

بالضبط ماشيهـ

168 الف

واللون ذهبي ومن جوا نفس الشي مخمل والمواصفات كلها زي حقتكـ

جابت لي 40 الف

وحقتك اضنها يعني 45 او 50 اذا نضيفهـ زي ما تقول;)

**أبو فيصل ,,** · 26-09-2008, 04:43 AM

السلآم عليكم ..

أخوي إذآ نضيفه مثل مآ تقول .. ولآ تدري بالسعر شي .. لآ تروح للشريطين ترآ يبخسون بالسيآره وأنآ اخوك ..

ولآ توآفق بأقل من 45 ألف إذآ نضيفه 100%

وبالتوفيق ,,

**اّكورد** · 26-09-2008, 07:51 AM

ماااشاء الله تبارك الله

يالغالي زي ماقال لك اخوي ابو فيصل فك نفسك من هالشريطيه وتبي تجيب لك سعر تمام ان شاء الله

**المحب** · 26-09-2008, 03:49 PM

ممكن صور للسيارة

**عرين** · 26-09-2008, 05:58 PM

الله يعطيكم الف عافيه ياشباب ولا قصرتو على ردودكم وتفاعلكم

والاخوان الي ارسلولي مسجات على الخاص انا ذكرت بالموضوع كل شي

ان السياره فل اوبشن والمقاعد جلد وست سيدهات ومثبت سرعه ومقعده متحكره ومرايه اكترونيه وتندا ومواصفات الفل اوبشن كامله وان السياره بجده وان العيوب الي ذكرتها هي عيوب السياره والله شهيد على كلامي يوم العرض ووقت الحساب

وبخصوص الصور انا ماراح ابيع السياره الا فيوم عشرين الشهر الجاي واذا جا وقتها بصورها وبعرضها والي يبي يشوفها من الحين يجيني بجده فاي وقت انا فحي مدائن الفهد

بالتوفيق للجميع