افففففف رووووعة ..... بس بسألك اخوي مصعب .... إلي مركب قطع النيكل من قبل وش يسوي :o ...... بس بيني وبينك الشبك هذا إقلاع ..... الله لا يهينك اخوي مصعب إحجز لي واحد جدييييييد .... وماتقصر وأبشر بسعدك .. ;) ومتى مايجيك عطني الووو ..
السلام عليكم ،،
كيفكم ،، طيبين ،،
كل عام وانتو بخير وعيدكم النايم بالرياض ،،
المهم ،،
للبيع شبك اكود 2008 - 2009 شبك كامل ليس مثل الاول قطع نيكل ،،
شبك تركبة وقت ما تبي وتفكة وقت ماتبي ،،
تركيبة سهل جداً مجرد كبس ،،
الصور :
صور واضحة :
قبل التركيب :
بعد التركيب :
سعر البيع :
350 ريال ،،
مكان البيع :
جدة - الرياض
الكمية المتاحة حالياً :
1 فقط !! واللي صامل اجيب لة ،،
افففففف رووووعة ..... بس بسألك اخوي مصعب .... إلي مركب قطع النيكل من قبل وش يسوي :o ...... بس بيني وبينك الشبك هذا إقلاع ..... الله لا يهينك اخوي مصعب إحجز لي واحد جدييييييد .... وماتقصر وأبشر بسعدك .. ;) ومتى مايجيك عطني الووو ..
^^ فديتك ياسعود ،، جاك والله ما يروح لغيرك لو انة اخر شي اسوية في حياتي ^^
تم اعادة فتح الموضوع ...
نفيد الاعضاء الراغبين بالشبك انة وصل 3 قطع جديدة ،،
سعر البيع 375 ريال <<< موب زرفة عن السعر اعلاة ،، لكن سعر الشحن اكلت فية خابور ،،،
مشكووووووووور اخوووي بس حبيت افيد الاعضاء الشبك في كيلو 2 في محل الزعيم ب 250 ريال
اخوي كوكو كورد بس ممكن تخبرني ايش صناعة الشبك ؟؟
والله يوفقك في البيعه ..
هـ اكوردــوندا2008
الاخ الفيلفوس شكراً على مرورك ، اقولك بعد ان سعرة 190 ريال موب 250 انت رح شفة وقارنة اول ، ولا حتى يشبة هذا اللي عندي ابد ،، هذاك يبيلك تفك شبك الوكالة وشغلة .. فلذلك احب اذكرك بالمثل اللي يقول : اللي يبي يشتري الله يحية واللي ما يبي يكرمنا بسكوتة وبعدم الفلسفة .
اخ Pink Dream :
صناعتة تايواني ،، واظنك مركبة وقابلت واحد مركبة
تقصد محل الزعيم صح فيه فرعين واحد بكيلو ثنين الجديد عنده الشبك اللي انت تقصد بس اقل من 250 عنده حوالي 190 زي ماقالك كوكو كورد بس فيه فرق كامل الظاهر لو ودك تشوف الشبك هاذا ماعندك مشكله راسل كوكو كورد
الشبك اللي انا شايفه عند الزعيم غير اللي شريت 3حبات قبل فتره وركبها واحد مو معانا بالمنتدى وركبه الاخ الهنادي
راس مالي واممممم مدري من الثالث كمان واخذوه ب350
وازودك من الشعر بيت اللي ماخذها انا اخر 3حبات ووصف المحل علشان ماتكذب الرجال وانت على الشارع العام يمينك كيلو 2الجديد
ويسارك القديم طول الى الاشاره وديور معاها بيجيك 3محلات تصليج زجاج سيارات بعدها محلين كلهم كانو يبعوه واتحداك تحدي اذا
اخذته باقل من 400ريال ورح بكرى وشف
((اذا كان عنده بعد ))
صناعة الشبك تايواني :d
ومركب واحد مثله بالضبط ;)
الله يعطيك العافيه ياعسل ..
بالنسبة للشبك فالي عندي فعلا صناعه تايوانيه جودته ممتازه ..
عَنْ عَبْدِ اللَّهِ بْنِ عُمَرَ ـ رضى الله عنهما ـ أَنَّ رَسُولَ اللَّهِ صلى الله عليه وسلم قَالَ " لاَ يَبِيعُ بَعْضُكُمْ عَلَى بَيْعِ أَخِيهِ ".
حتى لو كان يااخوي (هـ اكوردــ2008وندا )متوفر بسعر اقل مااتوقع انو دا اسلوب مناسب او بالاصح المكان المناسب ..
اعذرني اخوي كوكوكورد ع مداخلتي في موضوعك لكن حبيت اوضح بعض النقاط ..
تقبل مروري
يا شباب حصل خييييييير كل واحد يصلح سيارته في اقرب ورشة ..
انا من جدة والقطعة زحفنا وحنا ندورها لواحد من الزملاء .. انقطعت من السوق
بس الحمد لله لحقنا انا وزميل لي آخر واخذنا حبتين .. بسعر 420 ريال للقطعة
تحياتي
أخوي كوكو أبغى واحد بس لايكون سعر الشحن غالي
^^ التوصيل من الرياض لجدة عبر فيدكس بـ 65 ريال ^^
في شركات ثانية لأي مكان بالمملكة بأقل من 20 ريال ،،
ادري انك بالمدينة :d ،، ارسلي رقمك ع الخاص .
اقوووول
قبل ايام فيهـــ عضو يقول اجيبهـــ لي واحد بـــ100
طيب الي معك وش يفرق عن حق خويناا
طيب أخوي كوكو كورد..
انا شاري وحده مثله من العليان أبـ سعر حول سعركـ
بس ابي اعرف وش الفرق بين النوع التمام والنوع الردي,
وين احصل النوع الممتاز بالشرقيه يا شباب؟
888888
راسل العضو ويوصلك للشرقيه والشحن مايكلف الا 20 ريال تقريبا
تم تركيب الشبك وماشاء الله طالع جنان على السيارة
هذي صور للشبك:
اذكروا الله
التعديل الأخير تم بواسطة A h M 3 D ; 29-12-2008 الساعة 05:28 PM
يااخ كوكو اولا اسف لو غلطت عليك عشان لاتزعل بس اوك اما الفلسفة انا مالي بالفلسفة ومابقطع رزقك وياليت تتقبل النقد لاني ياما انتقدوني وتقبلته وبالنسبة للشبك انا متأكد مليون في المية نفس اللي عندك ومركبه بنفسي ولو ماني متأكد مااتفلسفت وطبعا الكمية انتهت لوجوود الطلب عليها وانت لو طالب 500 من ابسط حقوقك لان هذا بيع وشرااء والقطع غير متوووفرة واانا مارديت الا لاافيد لا اكثر واتمنى يكون ردك افضل معا احترااامي لك والعذر والسموحة منك مرة اخرى بالتوفيق للجميع
قطعه وحده باقي
اشكرك عالاسف مع انة ماحصل لا خطأ ولا غلط ولا احد زعل ..
والله شككتني في نفسي لكني راجعت وش انا كاتب في اول الموضوع واللي اكتشفتة :
اني ماطلبت انك اذا لقيتة بسعر ارخص تكتب السعر واسم المحل ..!
ولا كتبت اللي عندة انتقاد يحطة !
ولا كتبت اللي عندة رأي يحطة ..!
ودامك تقول لو اني طالب فية 500 من ابسط حقوقي مالك اي حق في ردك هذا او اللي قبلة !! واظن الشباب ما قصروا ووضحوا السالفة لك والاختلافات . وعلى العموم .. الرد دقم 11 كافي ووافي .. وكالعادة المقولة المشهورة : اللي يبي يشتري الله يحية واللي ما يبي يشتري نكتفي بسكوتة ويتفرج ببلاش :d و ( من حس اسلام المرء تركة مالا يعنية ) .
الموضوع قديم من السنة الماضية .. فلذلك ارجوا من المشرف اغلاقة .
وتم تحديث الموضوع بالكامل هنا : http://www.hondaarabia.com/club/showthread.php?t=16378
الاخ jack راجع التحديث اعلاة <
مواقع النشر (المفضلة)