اللي يبي شمعات رياضيه أو جنوط رياضيه لايفوته الإعلان....

**black.H.V6** · 05-11-2006, 06:54 AM

إخواني محبي هوندا بعد التحيه......

1- أعرض عليكم اليوم شمعات لهوندا أكورد من إستخدامي الشخصيوهي صالحه للموديلات من 2003 إلى موديل 2007 ولونها أسود مستخدمه بشكل بسيط وهي بحاله ممتازه وأترككم مع الصور فهي أبلغ....

ملف مرفق 443 ملف مرفق 445 ملف مرفق 444

2-وأيضا هناك جنوط مقاس 18 لون الأطراف نيكل والوسط لون كربوني بحاله ممتازه +كفرات هانكوك شبه جديده بحاله ممتازه مع ضمان على الكفرات لمدة 1سنه بقي من ضمانها 10 أشهر ونصف وهي أيضا من إستخدامي .. و أترك باقي الشرح للصور..

ملف مرفق 446 ملف مرفق 447 ملف مرفق 448

بالنسبه للسعر ياشباب فهو على السوم وجميع الفواتير والمحلات اللتي أخذت منها موجوده وسلامتكم.....

**ن ك د السـعــــوديه 3 5 7** · 05-11-2006, 06:58 AM

عسى ماشر وش التغيير هذا

لايكون ناوي تبيع السياره

المهم كم السوم لاني والله افكر في الموضوع من جد

**black.H.V6** · 05-11-2006, 07:23 AM

المشاركة الأصلية كتبت بواسطة ن ك د السـعــــوديه 3 5 7

عسى ماشر وش التغيير هذا

لايكون ناوي تبيع السياره

المهم كم السوم لاني والله افكر في الموضوع من جد

والله يا ن ك د فدى رجولك...بجد..

ولاتخاف هوندتي حبيت أرجعه زي أول فتره لأني من جد إشتقت أشوفها زي الوكاله...

يعني جالس على قلبك

..<<نشبه..

بذمتك وش رايك بشكلها وكاله>>>>>>

ملف مرفق 451
ملف مرفق 452

**ن ك د السـعــــوديه 3 5 7** · 05-11-2006, 07:31 AM

الله يسلمك حبيبي من كل شر :o
والله شكلها وكاله حلو بس..................

سبحان مغير الأحوال

اقول الملفات المرفقه ماتفتح

**Accord 4 EvEr** · 05-11-2006, 08:56 AM

السلام عليكم ..

الجنوط انا جدياً افكر فيها ...

بس عطني كم حدك فيها وابشر بسعدك ..

شف يابلاك اتش سته سلندر ..

لو تبيعها لحد غيري بتفاهم معم تفاهم ثاني

انا مستعد اشتريها واناا انسان شراي لاني لي شهرين ادور على جنوط مالقيت اللي بمزاجي ..

انتظر ردك:d

**BLK** · 05-11-2006, 03:17 PM

السلام عليكم أخوي

سيارتك شكلها حلووو سواء وكالة أو غير وكالة ....

و تراني مثلك أبي أرجعها وكالة لكن أقول تو الناس :d

الشمعات الرياضية وش التعديلات الي أجريتها انت عليها ؟

و كيف إضاءتها مع الزينون ؟؟

**black.H.V6** · 05-11-2006, 03:35 PM

ن ك د
ســـــــــــــــم طال عمـــــــــــــــرك

Accord 4 EvEr
إتشرفت حبيبي بإعجابك بالجنوط وإنت ونكد تمونون إتفقوا على اللي تبون وأنا بين الأيادي.

BLK
حبيب قلبي كنت مركب على الشمعات زينون ألماني أبيض ثلجي وكان معطي مع العدسه لون ومنظر ألمممم..
وأهديلك الصوره هذي

**Accord 4 EvEr** · 05-11-2006, 04:33 PM

تسلم والله يالغالي لكن انا ونكد ماراح نختلف

<< يمون على نكد عادي

نكد توي مكلمه ويقول متنازل مابي الجنوط حلال عليك >> يعني انا

<<<==== تهقون انه صادق

فوتكوو بعافيه ...

**FOXDIE** · 05-11-2006, 07:27 PM

حرام عليك تبيع الجنوط وخاصة الزينون يا اخي السيارة بيها طالعة خالعة ,
ولكن انت وقلبك ,ولكن علشان ما يزعل خوينا Accord 4 Ever بيع له الجنوط ان كانت نفسه فيها وانشاء الله ان بعت الجنوط تجيب جنوط افظل واجمل من اللي كانت عندك وسلامي..

**black.H.V6** · 05-11-2006, 09:53 PM

المشاركة الأصلية كتبت بواسطة FOXDIE

حرام عليك تبيع الجنوط وخاصة الزينون يا اخي السيارة بيها طالعة خالعة ,
ولكن انت وقلبك ,ولكن علشان ما يزعل خوينا Accord 4 Ever بيع له الجنوط ان كانت نفسه فيها وانشاء الله ان بعت الجنوط تجيب جنوط افظل واجمل من اللي كانت عندك وسلامي..

عزيزي FOXDIE والله إنك صادق لاكن أنا سويت كذا بأريح السياره فتره علشان بيني وبينك وراها شغل جااااامد بس خلها لما تجي جارتها..

وشاكر مرورك يالغالي..

**ن ك د السـعــــوديه 3 5 7** · 05-11-2006, 09:59 PM

المشاركة الأصلية كتبت بواسطة Accord 4 EvEr

تسلم والله يالغالي لكن انا ونكد ماراح نختلف

<< يمون على نكد عادي

نكد توي مكلمه ويقول متنازل مابي الجنوط حلال عليك >> يعني انا

<<<==== تهقون انه صادق

فوتكوو بعافيه ...

ههههههههههههههههههههههههههههههههاي والله انك منت صاحي

ايه والله حلال عليك ;)

بس وشلون الشمعات تبيها واللا اشوفها انا

**black.H.V6** · 05-11-2006, 10:25 PM

نكودي خلك جاااااااااهز Accord 4 EvErقاعدلك........

**Accord 4 EvEr** · 06-11-2006, 12:01 AM

لا يانكد خذ الشمعات مابيها ...

لكن انا بقولك على شي ..

انت ماشاءالله تبارك الله سيارتك فل كامل بجنوطها ...

وانا سيارتي سبشل يعني طيس ..

خل نتهنى بالجنوط ياخوووي ...

بس تدري انك اطلق انسان عرفته في حياتي >>> ابد ما يرفع به

بلاك يالله حدد سعرك وعطني رقم حسابك وفي اي بنك وابشر بالرضى ...

فوتكوو بعافيه ,,,

**ن ك د السـعــــوديه 3 5 7** · 06-11-2006, 06:00 AM

accord 4 ever

خلاص حلال عليك وش تبي اكثر من كذا <<<< باعها له من دون رائي راعيها:d

تفداك والله كم عندنا accord 4 ever

**Accord 4 EvEr** · 06-11-2006, 11:49 AM

ماعندك الا حبة وحدة Accor 4 EvEr

بس تهقى يانكد ان الرجال بيصلخني بالسعر

اخاف يقول هذا يبي الجنوط بشدة ولو اقوله اي سعر بيوافق ...

اسود سته سلندر ارفق علينا بالسعر تكفىىىى

فوتكوو بعافيه ....

**black.H.V6** · 07-11-2006, 03:46 AM

المشاركة الأصلية كتبت بواسطة ن ك د السـعــــوديه 3 5 7

accord 4 ever

خلاص حلال عليك وش تبي اكثر من كذا <<<< باعها له من دون رائي راعيها:d

تفداك والله كم عندنا accord 4 ever

نكودي والله تمون وحتى السعر تراك تمون بعد واعتبرها أغراض سيارة أخوك...
وإذا جيت للرياض الأسبوع هذا خلنا نشوفك الخميس باقمر أوكي...;)

**black.H.V6** · 07-11-2006, 03:49 AM

المشاركة الأصلية كتبت بواسطة Accord 4 EvEr

ماعندك الا حبة وحدة Accor 4 EvEr

بس تهقى يانكد ان الرجال بيصلخني بالسعر

اخاف يقول هذا يبي الجنوط بشدة ولو اقوله اي سعر بيوافق ...

اسود سته سلندر ارفق علينا بالسعر تكفىىىى

فوتكوو بعافيه ....

الحمد لله حبيبي ماني من هذا النوع :p

**Accord 4 EvEr** · 07-11-2006, 08:00 AM

بلاك ستة سلندر امزح معك وانا اخووووك لاتاخذ على خاطرك فديتك ,,,

الحين وش السالفة فيه بيع والا نقلبها سواليف ..

يالله هات سعرك عشان ابيع الاسهم :d

فوتكووو بعافيه ...

**The Stig** · 08-11-2006, 08:13 PM

اخوي بلاك سته سلندر ... اذا انت ناوي تبيع الجنوط الاصلية انا حاضر <<<< خاش عرض

**ن ك د السـعــــوديه 3 5 7** · 09-11-2006, 04:01 AM

المشاركة الأصلية كتبت بواسطة black.H.V6

نكودي والله تمون وحتى السعر تراك تمون بعد واعتبرها أغراض سيارة أخوك...
وإذا جيت للرياض الأسبوع هذا خلنا نشوفك الخميس باقمر أوكي...;)

الحين انا لي شهر بالرياض تقول لي اذا جيت الرياض خلنا نشوفك

وين يابو............... حضرمي :d باقمر

ههههههههههههههههههههههههاي

صادوووووووه...............

**ن ك د السـعــــوديه 3 5 7** · 09-11-2006, 04:11 AM

المشاركة الأصلية كتبت بواسطة Accord 4 EvEr

السلام عليكم ..

الجنوط انا جدياً افكر فيها ...

بس عطني كم حدك فيها وابشر بسعدك ..

شف يابلاك اتش سته سلندر ..

لو تبيعها لحد غيري بتفاهم معم تفاهم ثاني

انا مستعد اشتريها واناا انسان شراي لاني لي شهرين ادور على جنوط مالقيت اللي بمزاجي ..

انتظر ردك:d

ههههههههههههههههههههههههههههههاي :p

معم <<<<<<<<<< في اي معجم ذي ؟؟؟
وبما انك اعلنت الحرب ضدي خلاص والله لأستقعد لك ياشيييخ طيب

صادووووه .............:d

**نواف بن أحمد** · 09-11-2006, 10:30 AM

طيب لو تستبدل معاي بالشمعات الأصلية لهوندا 2006 مستخدمة 4 أشهر فقط ؟؟

تدفع الفرق ؟؟

**NEO FOX** · 09-11-2006, 05:00 PM

black.H.V6

الف حمدلله على السلامة يا بلاكي ، و كل عام و انتم بخير ، عاد دبي ولا دبي ، وما عليك على قرية الثلج خيرها بغيرها;)

بغيت اسألك انت من وين شريت جنوطك لأن ادور على جنوط من السعودية و حلوة و جديدة و مافيني اطلب من الخارج

اذا ممكن تقلي بكم شريها على الخاص حتى اعرف كم ميزانيه احط !!

او رد في الموضوع الي في قسم الأكسسوارات

تحياتي لك

على فكرة انا حاسس انك جايب شي معاك من دبي و حابب تفاجئنا بيها بس تبيع الجنوط الي عندك !! .. مافي احد يروح دبي و يرجع و اياديه فاضية ;)

**black.H.V6** · 09-11-2006, 07:41 PM

ياشباب بالنسبه للجنوط +الكفرات بـ 3000 ريال..

والشمعات بـ 500 ريال..

Neo Fox
الله يسلمك حبيبي وبالنسبه للجنوط أنا أنصحك بـ السليماني للجنوط في الرياض وإنتبه تشتري من عند محل Big Weels اللي في الرياض في شارع الضباب....
وبالنسبه للمفاجئه يبيلها وقت..ا;)
وشكرا يالغالي...