للبيع شاشة أكورد 2008 & 2009 استخدام 3 شهور

**عبدالعزيز حسين** · 28-01-2009, 07:17 PM

السلام عليكم ورحمة الله وبركاته..
أعجبني هذا المنتدى الرائع والأخوة التي اجدها بينكم فهنيئاً لكم بأمتلاككم سيارة هوندا
انا هذي ثاني مره ادخل فيها هذا المنتدى الطيب
انا اشتريت من ثلاثة شهور شاشة لسيارتي اكورد 2008 فل كامل من مهام الجزيرة الصراحه ما قصر الأخ الي بشتغل هناك محترم واخلاق رائعه شريتها بــ 4100 + 350 كاميرا
انا الأن ببيع سيارتي لأني محتاج مصاريف الزواج وان شاء الله يبعدكم عن الحاجه والصراحه مو قادر استغني عن سيارتي الحبيبه والي حبيته اكثر يوم ركبت لها الشاشه
انا الأن ابغى ابيع الشاشة لأن اتفقت مع الي بيشتري السيارة بعد 6 ايام بحولها بأسمه
مواصفات الشاشة ممكن معروفه عندكم بس ابقولها:
1- نظام لمس في الشاشة وتحكم من جميع ازرار الوكاله ومن الدركسون
2- نضام نفقيشن خرائط دول مجلس التعاون الخليجي
3- بلوتوث مع امكانيه شبك جهاز الجوال والمكالمه في اثناء القياده
4- DVD
5-كاميرا خلفيه بوضع القير على R تشتغل اوتوماتيك
6- Gaem
7-مدخل فلاش للمسيقى والأغاني
والكثير يمكن انتو تعرفونها..
المهم ياشباب انا محتاج وابغى البيع يتم خلال 5 ايام كحد اقصى
الشاشة ما عليها كلام وروعه ولا فيها اية مشاكل ولله الحمد وطبعا فيها ضمان سنه وعندي الفاتورة والضمان
طبعا مكلفتني 4500 ريال
وانا ما راح اسوم انتو وسومتكم وهالله هالله بالسوم تراني محتاج وانا من سكان الدمام
انتضر ردودكم...
شاكر لكم.

**غرك زمانك** · 28-01-2009, 09:52 PM

هلا والله اخوي ..

انا صراحه حدي 1500 وممكن اشوف صورتها عشان ازيد ..

**عيال التخصصي** · 28-01-2009, 10:53 PM

مرحبا اخوي
وأنا أسوم الشاشة منك 1700ريال واتمنى منك الرد

**Accord love** · 29-01-2009, 01:33 AM

وعليكم السلام..
انا ولله الحمد عندي شاشة لكن ولد عمي يبغاها يسوم بـ 1950 ريال

**AHN** · 29-01-2009, 03:18 AM

كانها نضبفه ...
ولا فيه ولا مخش ,,, ولا تعلق <<< قاااري موضوع ومتأثر..
أسوم أبــ 2000 ريال

**Tony** · 29-01-2009, 04:04 AM

اذا تشحن لسوريا بس بطريقة ضد الدفع
2100 ريال

**بيفيب** · 29-01-2009, 04:14 AM

ياخوي اذا ترسلها جدة انا اخذها ب 2500

**عبدالعزيز حسين** · 29-01-2009, 04:33 AM

أهلاً اخواني مشكورين على السومه وان شاء الله يوم الأحد أو الأثنين تتقفل السومه وتحسب لأعلى واحد في الصفحه وراح ارسله رسالة على الخاص واعطيه رقم جوالي بس يا شباب اتمنى تكون السومه عن جد
لكن الصراحه خوفتوني بالبدايه يعني انا اعرف واحد قريب لي باع الشاشه بـ 3100 واستغربت الي كاتب 1700 خرعتوني انا اشتريتها بـ 4500 انا ادري انها مستعمله لكن كل شي بحقه
على العموم جميع الأكياس والكرتون والضمان وجميع الملاحقات جاهزه ونظيفه جدا وطبعا فكيتها من السيارة وجاهزه للبيع لأعلى سومه
شاكر لكم تواجدكم ...

**Tony** · 29-01-2009, 04:35 AM

2550 اذا تشحن

**K.H.A.L.I.D** · 29-01-2009, 12:51 PM

2600 وصامل
ونبي صوره له لاهنت

ووين ساكن؟

**AHN** · 29-01-2009, 12:51 PM

2699 ريال ...
بشرط النضافه

**Star** · 29-01-2009, 02:23 PM

2700 بعت ونبي صــــــــــــــــــــور الشـآشه

**عيال التخصصي** · 29-01-2009, 04:03 PM

ولا تزعل يالغالي راحت بـ 2850 ريال
ونبغى الرد الزين

**عبدالعزيز حسين** · 29-01-2009, 06:01 PM

مشكورين يا اخواني على السومات الطيبه بس انا قلت توقف السومه عند يوم الأحد
وبالنسبه للنظافه يعني سيارة جديده 2008 واستخدام ثلاث شهور يعني اكيد بتكون نظيفه جدا وهي تحت الظمان ولا تنسون ياشباب وانتو تسومون ان معاها كاميرا اصليه وصغيرة الحجم..
على العموم الي يبي يسوم اكثر يتصل على الرقم واذا كان جاد جاد (0598193011)
شاكر لكم تواجدكم الطيب..

**ابوعليان** · 30-01-2009, 04:32 AM

لايكون تعلق ولا حاجه زي خوينا اللي شراها وتوهق فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**AHN** · 30-01-2009, 12:46 PM

يالله ورنا الصور ..
نبي نعطيك السومه الطيبه ,,,

وأذا مااتعرف تنزل الصور <<< زيي
أرسلي ايميلك ع الخااص,,

أنتضر ردكـ

**عبدالعزيز حسين** · 30-01-2009, 07:10 PM

يا هلا فيك أبو عليان الحين مين جاب طاري التعليق لا تخاف ما فيها شي اقولك ثلاث شهور استخدام يعني شبه جديده..
اخوي AHN رسلت لك رسالة على الخاص لأني ما اعرف انزل صور ...
اخي Tony اوكي مو مشكلة اذا تبغاها ارسلها لك لكن ما فهمت صريقة ضد الدفع..
ترى يا شباب وصلت السومه الى 2850 ريال
الي بيزيد الى يوم الأحد ..
شاكر لكم..

**عبدالعزيز حسين** · 31-01-2009, 07:22 PM

وش فيكم يا شباب ثلاث ايام حاط رقمي ولا جاني اتصال واحد
على العموم يوم الأحد اخر يوم
شاكر لكم

**Accord love** · 01-02-2009, 03:28 AM

أخوي عبدالعزيز
ولد عمي يسوم ب 2920 ريال

**::: كـاكـا :::** · 01-02-2009, 09:19 AM

هل يتغير المسجل ولا لا ؟؟؟؟

**Accord love** · 01-02-2009, 05:53 PM

يا شباب الشــــاشـــة انباعت
شاكر لكم ...

**عيال التخصصي** · 01-02-2009, 07:38 PM

يا اخوان بصراحة عرض البيع غريب
أولاً اخونا كاتب الموضوع ما يرد على جواله ودقيت عليه أكثر من مره ولكن لا حياة لمن يطنش الجوال
وثانيا المفروض أن الإعلان وضع مهلة إلى يوم الأحد لإختيار أفضل العروض ولكن بقدرة قادر انباعت ولم يوجد احترام للوقت المحدد سابقاً
ثالثاً المفروض أن صاحب البضاعة المعروضه هو من يشكر جيع من قام بالمزايدة على الشاشة ويبلغنا بأنه انباعت إلى أحد أعضاء المنتدى ويحدد أسمه علشان حنا نباركه للفوز بهذه المنافسة
ولكن للأسف أخونا العضو عبدالعزيز كان غامض في طرحه للموضوع واعتقد بأنه لم يحترم أعضاء النادي أو ربما لأنه لا يملك اصلاً الشاشة هذا هو رأيي المتواضع في طريقة البيع
واتمنى من أخواننا المشرفين على قسم البيع أن يطلبوا من البائع تقديم ما يثبت أولاً امتلاكه للسلعة المباعة وأن يضع لها صورأ بالإضافة إلى مقطع فيديو لتتم عملية التفاوض بوضح النهار وبدون شراء سمك في بحر واسع .....

**عبدالعزيز حسين** · 02-02-2009, 11:29 PM

اخوي عيال التخصصي ما اشوف ان في شي غريب في البيع انا ولله الحمد بعت الشاشة على اخونا ahn يوم الاحد الظهر واذا حبيت اسئله بــ 2900 ريال وهو اتفق معاي يوم السبت يعني قبلها بيوم اوكي وانا حاط رقمي الثاني مو الأساسي من يوم الخميس الى السبت ما جاني اتصال واحد والدليل ان حطيت رد يوم السبت او الجمعه مو متأكد وبالنسبة للصور انا ما اعرف احط صور والشاشه معروفه وفي اكثر من موضوع طرح سالفة الشاشة وبعدين يوم الاحد في مكالمتين لم يرد عليها وبعدين دقيت عليه من جوالي الثاني يمكن انت ما دري ودقيت عليك يوم الاثنين وما رديت ...
واسلوبك ما عجبني مره ....
وبأمكانك الأتصال علي ...