الموضوع: كم تسوى سيفك 2007 فل كامل لكن يوجد ملاحظات

ما قصرت يا غالي

ويعطيك الف عافية

وكلامك في محله لكن انا ان شاءالله ناوي افحص قبل لا اشري خاصة اني شفت علامة الاتجند حقت المكينة والعة وما ادري وش معناتها اذا كانت لمبة المكينة والعة

ومثل ما قلت لك يا غالي انا ناوي افحص بس ودي يكون عندي تصور عن السعر تقريبا

يعني مثلا ب 42.000ريال هل هي مناسبة او غالية

ومشكور مرة ثانية يا ملك

40000ريال هذاسعرها بس نصيحه اكشف عليهابالوكاله وشوف اذا فيه مشاكل من ناحية الوكاله يعني الصيانات بالوكاله كامله من الاول

اذا كان عندك شك في الموتر الأفضل تبتعد عنه وتحاول تشوف لك موتر انظف منه قبل لاتتورط فيه وتطلع مشاكل مالها اول ولا اخر

اذا كنت تعرف احد عنده سيفك يكون افضل من انك تاخذها من السوق وماتدري وش فيها وممكن تحصل شي نظيف وتفحصه وان شاءالله تتوفق في شراء الموتر

ياخي المثل يقول ابعد عن الشر وغنيلوا



شوف واضح من سعر السيارة انها رخيصة


شكلوا ما كلبها واجهة اليمة



حتى لو تاخذلك ستاندر لكن نظيفة احسن من فل ومعدومة

شوف اخوي


روح عند او ورشة تعرف صاحبها

وخل يفك لك الصدام

عشان تشوف البدي حق السيارة من داخل

اذا جتها صدمة قوية ولالا

اذا جتها صدمة عادية السعر بيكون من 40الى48

وعلى حسب النظافة والأستعمال

انا سيارتي ماشية 122ألف قبل اشوي جاي من السوق وانسامت مني ب47500ألف كااش واللي سامها كان جاد بالشرى

بس انا رفضت ابيعها

الاخوان

راعي السيفك
المباشر
ابوسراج
o-k-r

اشكركم واشكر تفاعلكم وردودكم وجزاكم الله خير وهذا من طيب اخلاقكم

انا الصراحة بكلمه هاليومين وباخذها لصناعية ام الحمام وبشوف لي ورشة زينه تفحص السيارة واذا الدعوى دقشات خفيفة فانا ان شاءالله بتفاصل معه على ال40.000ريال

واذا السيارة جيتها صدمة قوية فانا بتركها

دمتم بخير وجزاكم الله خير

في فحص مجاني قريباً بالوكالة ممكن تستغله وتفحصها.

جزاك الله خير على هالمعلومة القيمة ابوالمهند

ان شاءالله اذا السيارة ما زالت موجودة فان بحاول افحصها بالوكالة ومجانا

شكرا لمرورك واهتمامك
وبيض الله وجهك