فزعتكم ياشبااااااااااااااااااااااب

**TB6Y** · 08-03-2009, 03:02 AM

السلام عليكم ورحمه الله وبركاته
ياشباااب انا لي شهر وانا محتار بين ثلاث سيارات والى الحين مارسيت على موتر
والسيارت:
1-هوندا اكورد2005او2004اللون ابيض او اسود
عيبها قطع الغيار غاليه مره
2-كورولا2006 فل كامل اللون بحري
3-كراون فكتوريا2004اللون اسوود
عيبها كبير وفي الزحمات ماتنفع

وهل هي تعيش يعني تقعد معك 6او7 سنوات
والله لا يهينكم ياليت تفيدوني بردوودكم
وانا عمري 18:d

**عبودي 2009** · 08-03-2009, 12:27 PM

شوف يابطل نحن عندنا الثلات السيارات الى قلتها اكورد 2005 2004 صار قديم وشكل قديم بس شبابيه 100%
كورلا 2006 احلى شكل في الكورولات وقطع رخيصه وصرف بنزين 10 ريال في الاسبوع يعني سيارة التوفير
كراون فكتوريا ياعيني عليها احلى سياره استخدمتها في حياتي و اكشخ سياره احس اني ملك فيها و ماهي كبيره مثل ماقولت الفرق بينها وبين الاكورد بسيط جدآ في الحجم وقطعها ارخص من الكورولا بس صرفيات البنزين اعلى شويه و البنزين رخيص تعبيها فل 27 ريال اذا تبغى رأي كراون فكتووووووووووووووووووووريا وبس

**TB6Y** · 08-03-2009, 10:51 PM

المشاركة الأصلية كتبت بواسطة عبودي 2009

شوف يابطل نحن عندنا الثلات السيارات الى قلتها اكورد 2005 2004 صار قديم وشكل قديم بس شبابيه 100%
كورلا 2006 احلى شكل في الكورولات وقطع رخيصه وصرف بنزين 10 ريال في الاسبوع يعني سيارة التوفير
كراون فكتوريا ياعيني عليها احلى سياره استخدمتها في حياتي و اكشخ سياره احس اني ملك فيها و ماهي كبيره مثل ماقولت الفرق بينها وبين الاكورد بسيط جدآ في الحجم وقطعها ارخص من الكورولا بس صرفيات البنزين اعلى شويه و البنزين رخيص تعبيها فل 27 ريال اذا تبغى رأي كراون فكتووووووووووووووووووووريا وبس

الله يعطيك العافيه اخ عبود2009
والله يكتب اللي فيه الخير

**Honda*2008** · 08-03-2009, 11:00 PM

اخوي انا افضل لك الهوندا
الكورلا حقت شركات <<:d
والكراون فكتوريا كنك متزوج<< ابوعيال <<:d
والهوندا شبابيه والكل عارف

**عاشق هوندا2007** · 08-03-2009, 11:05 PM

السلام عليكم
انت زي ما ذكرت ثلاث سيارات وانا من وجهت نضري
الاكوورد كشخه واصبر منغيره لاكن ممكن مشكلته قطعه غاليه
والكورلا كانك راعي مدينه والله تبيب تصبر معك لاكن كانك راعي سفر لا تاخذ مع السرعه والهواء تخضف بك وانا مجربه
والكووورن فكتوريا نصسحه امريكي ابعد عنه وبس

**hamedo** · 09-03-2009, 04:03 PM

انا ارشحلك الهوندا اكورد2006او2007 لا انها احلي وشبابيه

**lambo** · 09-03-2009, 04:44 PM

أرشح أكورد 2003 أو 2004 فل كامل بشرط النظافه وياحبذا لو كانت 6 سليندر
سبب الترشيح بـــإختصار لانها احلى قطع غيار بسعر مناسب ويكفيك انها هوندا وتعيش انشاء الله 6 سنين قدام

**محب للهوندا** · 09-03-2009, 05:14 PM

الاكورد طبعا لأنها شبابية وحجمها ممتاز ومتوسط وتنفع سواء لداخل المدن او للخطوط الطويلة

بس حاول انك تلقى وحدة ممشاها قليل وما جتها صدوم وشكرا

**meshoo** · 09-03-2009, 05:53 PM

لاتقرب الكورلا نصيحه ماتنفع بريال وعن تجربه

**۩ރDrACuLa ރ۩** · 09-03-2009, 06:30 PM

اخوي تبي نصيحتي خذ اكورد 2004 تعيش معاك واذا تبي كشخة وفلة وتعطيب خذ 2008 ولا2007

**AHN** · 09-03-2009, 07:01 PM

اخوي ؟,., أكيد السيارت الي فوق راح تكون مستعمله ,.,,.
لو تذكر كم الممشي رااح نفيدكـ: أكثر ,.,,.
وأنا أرشح الفورد << حاليا

**TB6Y** · 09-03-2009, 10:54 PM

يعطيكم العافيه على الردود<<<<<مايدري وش يقول:d

وقريبا الصوووور باذن الله

الله يكتب اللي فيه الخير

**عبدالعزيز صالح** · 09-03-2009, 11:14 PM

اخوي لا تحتار اذا كنت تبغى راحه خذ فكتوريا واذا كنت تبغى المكده لست سنوات خذ اكورد انا معاي 2006 وقبلها معاي 2000 وماشاء الله زي العسل وانشاء الله 2012 في الطريق يعني كل ست سنوات اغير السياره اشتر اكورد ولا تفكر وانا اخوك تراها موتر محترم وصناعه ممتازه يكفيك انها يابانيه
وآسف على الاطاله

**TB6Y** · 11-03-2009, 02:30 AM

السلام عليكم
مشكورين ع الردوود
وانا لقيت هوندا اكورد 2004 اللون فضي جنوط وفتحه
ولقيت هوندا 2003 اللون ابيض فل كامل بس بدون فتحه
ياليت تساعدووني في الاختيار
وعلى فكره كلها نظيفه

**برق** · 11-03-2009, 02:54 AM

الكورولا حقت مشاوير الديرة أو داخل المدينة بالسفر والمسافات الطويلة ماتنفع وماتحس إنك على موتر

الفورد حليو بس يبي واحد يحافظ عليه ويهتم به و سيارة لشخص عمرة لا يقل عن 35 سنة و مشكلة الحرارة

يمكن يسلك معك ويمكن يذبحك بالخرابات يعني توافيق من الله أنت وحظك

الهوندا شبابية جودة أداء تصبر أكثر من التويوتا و النسيان و الامريكي بشكل عام

يعني الهوندا ولا هو تحيز للمنتدى أو نوعية السيارة أنا مثلك مابعد شريت لكن الهوندا براسي الان

**TB6Y** · 11-03-2009, 05:04 AM

طيب ياشباب اللي مخليني اتردد ان قطع الهوندا غاليه مره
وطبعا الهوندا لا تقارن بالكورولا والفورد

وانا لقيت هوندا 2004 اللون فضي جنوط وفتحه
وهوندا 2003 اللون ابيض جنوط وبدون فتحه
ياليت تساعدوني في الاختيار

:dالهنادي تكبس وتنادي:d

**JoLMooD** · 11-03-2009, 08:14 AM

تبي الرأي
خذ لك أكورد 2006 - 2007

الكورولا : الرساوة في جهة واهي كلها في جهة
وفي السفريات والخطوط السريعة ما تصلح
خفيفة بزيادة ، وسعرها أحسه غالي عليها

الفيكتوريا : ما قد جربتها ولا أعرف عنها جدا الا أن أي واحد يعرس يشتريها
بس في الراحة يمدحونها ، وفي صرفية البنزين ما مدحوها
وما أظن بيعيش معك كثير

الأكورد : شبابية من أولها لآخرها ، وثبات على الخطوط ما شاء الله تبارك الله
والقطع يومك تقول غالية..أنا موتري 2006أكورد صار لها معي سنة وشهرين
ما شريت الا فحمات أمامية وخلفية وحدة ب220 ووحدة 270 << السعر صح انها أغلى من الشركات الثانية
بس يقولون أنه على جودته وعلى عمره اللي يعيشه معك يستاهل ، وما فيه الفرق الكبييييييييييير بينه وبين الشركات الثانية

يقولون أن الأمريكي يريحك بس ما يريح نفسه << يتكسر ويتفكك عليك
والياباني يريح نفسه بس ما يريحك << ما يخرب دايم بس مهوب أريح من الأمريكي

ولا تنسى تستخير ، وعلى حسب وضعك المادي بتعرف ايش تختار

الله يوفقك وتلقى الموتر اللي تكسره بالعافية

**TB6Y** · 11-03-2009, 10:46 AM

جزاكم الله الف الف خير جزاك الله خير اخوي jolmood على انك شلت فكره قطع الغيار
مادري وشلون اشكركم

سووري بس مافيه احد يخبرلي هوندا اكورد 2004 جنوط وفتحه بشرط النظافه اهم شي تكوون نظيفه والقير والمكينه <<بانتظاااركم وعلى فكره انا من الرياض
ويعطيكم الف عافيه

**JoLMooD** · 11-03-2009, 04:48 PM

المشاركة الأصلية كتبت بواسطة اكورد مزيونه ولا بانوراما

جزاكم الله الف الف خير جزاك الله خير اخوي jolmood على انك شلت فكره قطع الغيار
مادري وشلون اشكركم

سووري بس مافيه احد يخبرلي هوندا اكورد 2004 جنوط وفتحه بشرط النظافه اهم شي تكوون نظيفه والقير والمكينه <<بانتظاااركم وعلى فكره انا من الرياض
ويعطيكم الف عافيه

العفووووووووو ...حق وواجب

بالنسبة للاكورد اللي تبغى شيك على قسم البيع والشراء في المنتدى

أو اكتب موضوع بعنوان مطلوب هوندا أكورد 2004

عالعموووم أنا أحيانا أروح لمعارض النسيم ، إذا لقيت أكورد بآخذ رقمه وأررسله لك رسالة خاصة

وان شاء الله تلقى الموتر اللي تبي

**TB6Y** · 11-03-2009, 05:08 PM

الله يعطيك العافيه اخ jolmood
وجزاك الله الف خير وجزا الله خير الشباب ماقصرو
وسلامتكم

**V6 2007** · 11-03-2009, 11:51 PM

شف حبيبي تبي موتر كشخـه وفخم
خذ اكورد 2005 تراه شباابي وممتـاز.
واذا تبي موتر عمـلي ويكد معك خذ كورلا
بصراحه عمليه وقطعهـا رخيصـه بس مشكلتهـا
خفيفه..:d
اما الامريكي انا ماادانيـه ابدن
والله يوفقـك. ونصيحه اخيره اذا خذت
اكورد لا تـاخذ الا فل او سبشل ترى الكورد
بدون فتحة سقف سـاامجه للغايه:d

تحيتي

**TB6Y** · 12-03-2009, 05:45 AM

ههههههههههههههه
والله انا اللي فديتك

**amer09** · 12-03-2009, 01:02 PM

حتى انت حاط نكك اكورد مزيونة
احلى شكل اكورد عجبني 2003 . 2004 .2005
مع العلم ان معي 2009
لكن شف الفورد اذا خرب عليك شي واحد خلااص تبي تصير عميل دائم في الصناعية
عمي معه فورد اول سنتين فرحان فيه سافر عليه كان بيروح جدة وهو في الهدا وقف الموتر من ذاك اليوم والموتر صار ابو المقالب يمشي فيه شوي ما يدري الا الموتر طافي
اذا طول وما خرب يقعد ثلااث اسابيع الى شهر .
بعدين الفورد 8سلندر يعني مكينة قووووووية بس من زرة وحدة وقف عند المحطة عبي
طولت عليك صح
تحياتي