اكورد 2007 لؤلؤي فل كامل للبيع

**فهد الرياض** · 17-03-2009, 09:01 PM

السلام عليكم
ماشاء الله , ماشاء الله , ماشاء الله
اكورد 2007 لؤلؤي فل كامل اربعه سلندر (فتحه , جنوط , مثبت سرعه , ست سيديات , نظام مانع الانزلاق , تخشيبه , زينون , وباقي المواصفات ) عدا الجلد انا مركبه ماشي 78000 خالي من السمكره نظيف ... وكل شي على الفحص وتبي تبيض الوجه ان شاء الله .. علما ان الفحص ياقي عليه اربع شهور والاستماره باقي عليها سنه واربع شهور وتأمين جديد ..وفاحصها قبل شهر كمبيوتر مافيها شي سوا بعض الامور العاديه البواجي والسير والاوراق حقت الفحص عندي لكن مايمنع ان المشتري يشيك عليها وهذا من ابسط حقوقه

السعر المطلوب 63500 ثلاث وستين الف وخمس ميه

اللي عنده رغبه يحط رقم جواله واللي بيدخل يسوم لايسوم لاني حديت وماحديت الا وانا عارف اسعارها تاصل 68 للمعلوميه

المكان الرياض

تحياتي

**م ر س 001** · 17-03-2009, 10:13 PM

هلاوغلا
تاصل 68قبل شهر بس الاحين ماتاصل لو

وش اكورد 2008 مستخدمه وماشيه 13 الف مسويمه 75وش بقية للسبشل 2008 النظيقه يعني الطمع مو زين وموترك يجيب بس 63 زين ....
وشكراً

**فهد الرياض** · 17-03-2009, 10:40 PM

طيب لاتدف هههههه

حبيبي انا ماقلت ابيه بـ68 انا قلت بثلاث وستين وخمس بس قلت ياصل 68 وقدام عيني راح الاسبوع اللي راح

شاكر لك ردك يالبىآ قلبك

**إتـحـادي(7).** · 18-03-2009, 11:15 AM

باخوي فهد الرياض انا ابحث عن الشكل الجديد 2008 او 2009 ولا ابحث عن الـ 2007 واقل ولكن لفت نظري محتوى موضوعكـ وحبيت اعلق عليه ..!!
بما انكـ تقول ان سيارتكـ تاصل الثمان وستين وقدام عينكـ شفت هذا الشي .. طيب ليش حديت السيارة بثلاث وستين وخمس مية ..!!!

بصراحه كلامكـ مايدخل العقل وياليت لو تتركـ عنكـ الطمع وتكون صادق مع نفسكـ قبل لاتكون صادق مع غيركـ ..!!

واتمنى لكـ التوفيق في البيعة,,,

**فهد الرياض** · 18-03-2009, 08:39 PM

المشاركة الأصلية كتبت بواسطة إتـحـادي(7).

باخوي فهد الرياض انا ابحث عن الشكل الجديد 2008 او 2009 ولا ابحث عن الـ 2007 واقل ولكن لفت نظري محتوى موضوعكـ وحبيت اعلق عليه ..!!

بما انكـ تقول ان سيارتكـ تاصل الثمان وستين وقدام عينكـ شفت هذا الشي .. طيب ليش حديت السيارة بثلاث وستين وخمس مية ..!!!

حديته بالقيمه هذي يابعد قلبي لان اللي بثمان وستين تلقاها ماشيه خمسين وحولها وانا عارف ممشى موتري ومقدره على اللي بالسوق مع ان بالسوق لقيت اغلى وحول ممشى موتري ومانيب طماع الحمدلله

بصراحه كلامكـ مايدخل العقل وياليت لو تتركـ عنكـ الطمع
لو بطمع كان قلت بـ68000 يابعد قلبي

وتكون صادق مع نفسكـ قبل لاتكون صادق مع غيركـ ..!!

اتهمتني بالكذب بس مااقول الا الله يسامحك

واتمنى لكـ التوفيق في البيعة,,,

شاكر لك وشاكر الاخوان اللي ردوا

**إتـحـادي(7).** · 18-03-2009, 08:51 PM

المشاركة الأصلية كتبت بواسطة فهد الرياض

اتهمتني بالكذب بس مااقول الا الله يسامحك

حبيب قلبي انا مااتهمتكـ بالكذب .. انا قلت (اتمنى انكـ تكون صادق مع نفسكـ قبل لاتكون صادق مع غيركـ ) وهذا الكلام نفسه ينطبق علي وعليكـ وعلي اي شخص واذا قلت لكـ هذا الكلام مايعني انكـ كذاب زي ماتقول ..!!

تقبل تحياتي,,,

**V6 2007** · 18-03-2009, 02:12 PM

^^^^^

لا ترااه صـادق في بعضها تجيب الـ 68الف وخاصه
اذا كان نظيف ووممشـاه قليـل..
وهو يقول موتره يستـاهل 63 يعني كان صريح

علعموم انا موتري 2007 6 سلندر ماشي 38 الف
تهقون كم يجيب لي :d

موفق بالبيعه
تحيتي

**roooo7majed** · 18-03-2009, 02:42 PM

موفق اخوي فهد الموتر يستاهل

**alsa7er** · 18-03-2009, 11:46 PM

السلام عليكم

اخوي فهد

تراك مرره مزودها

حبيبي انا لقيت نفس مواصفات سيارتك وزود عليها جلد بلدها وومشاها نص ممشى سيارتك ومطلوب فيها 53 الف

يعني انت مطير ابو جدها فووق

خلك واقعي

وموفق بالبيعه ان شاء الله

**فهد الرياض** · 20-03-2009, 05:25 PM

المشاركة الأصلية كتبت بواسطة alsa7er

السلام عليكم

اخوي فهد

تراك مرره مزودها

حبيبي انا لقيت نفس مواصفات سيارتك وزود عليها جلد بلدها وومشاها نص ممشى سيارتك ومطلوب فيها 53 الف

يعني انت مطير ابو جدها فووق

خلك واقعي

وموفق بالبيعه ان شاء الله

يابعد قلبي قبل شهر دق علي واحد قالي لقيت اكورد فل كامل جلد بلدها ابيض لؤلؤي في معارض الشفا ماشي 24000 ويبي فيها 55000 ويمكن ينزل لي لـ 53000 قلت مو مشكله بس اكيد جاها شي قال لي يقول راعيها جايها رفرف يمين قدام وجزء من الباب قلت مستحيل وانا صادق حتى لو رفرف وباب ماتطيح ذا القيمه قلت اذا تبيها عربنها ونروح انا وياك نفحصها بدي بس .. المهم رحت انا وياه فحصنا البدي وانصدمنا يعني انا توقعتها بالكثير كبوت مع الرفرف والباب المهم يوم فحصناها قال لنا الرفرين قدام والكبوت والصدام والباب يمين والتنده يعني الوجه كامل + التنده والباب والقزازه الاماميه ... زد على هذا الايرباقات طالعه وهذا شي اكيد

اتمنى اخوي قبل لاتقول لي عنها تكون فاحصها واذا ماجاها شي انا شراي ولك سعي 1000 وش تبي بعد ؟

شاكر لك ردك وللاخوان اللي ردوا

تحياتي

**V6 2007** · 19-03-2009, 12:27 AM

^^^^

مو مهم الجلد من وكالتهـا اول لا ولا هو مهم الشكـل الخارجي
رح افحصهـا اللي بـ 53 الف وشف وش علتهـا
وعلى فكره انا كنت انزل المعارض واسعار الاكورد النظيفه
من 57 الى 68 الف

تحيتي