اشكرك على النصحيه
بالفعل كلامك صحيح انا قبل حوالي ثلاث اشهر رحت اشتري سياره حصلت 2005 فل الفل نظيفه مره من جوه كلمت راعيها واحد مصري قال السياره مافيها ولاصدمه ولارشه وانا خبرتي في السياره ضعيفه قلت باروح افحصها قال لي اعرف واحد يفحصها ب 150 قلت له لا انا بافحصها رحت عند البيان اللي في الشفا عنده محل فحص السياره بالكميوتر قلت افحصلي السياره من الى قال 250 قلت اوكيه فحص السياره معه جهاز يمرره على البدي حق السياره وفيه اشارات بعدما انتها من الفحص طلع بسياره برى وخذ بها دوره رجعنا قالي السياره مصبوغه من الى يعني امكن تكون مقلوبه وهو اكيد وعندك خرابات اخرى ناظرت في الولد المصري قلت له ليش تقول مافيها رشه والسياره مرشوشه قال ان تفاجات السياره مافيها شي ويحلفلي قلتله الله لا يعطيك العافيه يعني لو شريتها ومسكت بها خط وهي مقلوبه وكل شي معدوم فيها وش يصير ترى اكثر الناس يشترونها تشليح ويضبط فيهها ويبعها انتبهو والله اني يوم ركبت السياره قلت ماشاء الله نظيفه يزبرقونها وماخفي كان اعظم تلقها ملعوب فيها فانصحكم انكم تفحصون السياره قبل ماتشترونها عند واحد تثقون فيه ترى بعظهم متفق مع واحد يعطيه خمسين ريال علشان يقول السياره مافيها شي
تقبلوا تحياتي